Jérémi 29:19 - Kazambale lé Sebe Sauunu 1979

¹⁹ Wo ’ka ’wo tɔné dɔ lɛ an dére lɛ lo, yé an wuozannu lé wo ke balelayezannu nya, ’té maa wo paan wo lɛ zia yifaama bɛ, wo ’ka ’wo tɔné dɔ lɛ ’bɛnu lɛ lo, amalé maa dan a kɛlɛ lɛ a zo. Maa Gakelebale ɛ ke a fena.

Jérémi 29:19 ပူးပေါင်းရင်းမြစ်များ

Jérémi 25:8

Bɛwemalé lai sunyanu lé Gakelebale léma: Ka ’ka ka tɔné dɔ lɛ an dérenu lɛ monomono lo,

Jérémi 26:5

dé ka ’ka ka tɔné dɔ lɛ anlé balelayezannu lé wo ke an wuozannu nya, ’té maa wo nwunvɔ ka va bɛ, wo lɛ lo, dɔlé ’té maa wo paan ka lɛ zia yifaama yé ka ’ka ka tɔné dɔ lɛ lo,

Jérémi 32:33

Wo nwun zi dɔ an ta, wo ’ka an nagini lɛ lo; wo we paa wo gi yifaama, naa, wo ’ka wo tɔné dɔ lɛ léé, wo we paa ’wo gi lo.

Jérémi 34:17

Amalé Gakelebale léma: Ka ’ka an lɛ dɔ lɛ a ma lo, ka ’ka zi nɔ lɛ ka bwenu valé ka bɔluzannu lɛ léé, wo vo wobo ma lo. Amalé maa dan zi nɔ lɛ gwɔun koo, migyɛgyɛ koo, lɔrɔ koo, wo lɛ yé di é dan kini lɛ tɛrɛ blɛnnu faa gi kalé we ma.

Jérémi 44:3

Naa, wo wenyané kɛlɛ an bli flile we ma. Wo lasikɔrɔpo kyɛ ble bale bɛnu lé wo ’ka wo dɔɔa lo, yé ka ’ka wo dɔɔa lo, yé wo tranu ’ka wo dɔɔa lo, wo lɛ, yé wo wo bɔ, amalé an bli fli.

Jérémi 6:19

Tɛrɛ, ’i tɔné dɔ. Maa dan we tɔntɔn bɔ lɛ munu ’ko ma, wo ’wuogibɔrɔlenu tɔnɔ lé. Naa, wo ’ka ’wo tɔné dɔ lɛ an dérenu lɛ lo, wo nyé yéli anlé bélidɔwe ma.

Jérémi 7:13

Yé Gakelebale léma: Sin, ka we ’konu faa kɛlɛ, yé an we plale sia ka lɛ yé ka ’ka a ’ma lɛ an lɛ lo, yé an ka laa, yé ka ’ka a zi pa lɛ lo.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?