Jérémi 29:18 - Kazambale lé Sebe Sauunu 1979

¹⁸ Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 29:18 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 29:8

Amalé Gakelebale bli fli Judanu valé Jérusalɛm munu ma, yé we bilibilinu koo, we tɔntɔnnu koo, mi ma we nanalenu koo, Bale a bɔ wo ma, ka a yé fɛan zo, a zo.

Lɛrɛvɔ Sɛbɛ 44:11

Bé kɛlɛ léé, ko vo vlan buruna ko nyanézannu lee, ’Té ko zapamunu éé kolé fɛnu sié.

Ézai 65:15

Ka tɔ é dan vo lɛ bale pa mi ma tɔ nya anlé munu lé maa wo si a va, wo lɛ. Mizan Gakelebale é dan ka gyɛ lɛ yé é dan tɔ dɛrɛ pa lɛ é wuozannu ma.

Jérémi 15:4

Maa dan wo kɛlɛ lɛ kanaleefɛ nya tɛrɛla bɛnnu faa lɛ, Judanu nwiinzan blɛn Ézékia be Manasé lé we ma, yee valé we faa lé é a kɛlɛ Jérusalɛm, ’bɛ lé we ma.

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 19:8

Maa dan fla ’ko kɛlɛ lɛ é ’bin nya, yé é dan kɛlɛ lɛ wenanamafla nya. Munu faa lé woo giéan a sɔnɔ, wo gi é dan vuru lɛ, yé wo dan ’furu fɛn lɛ wenaanénu faa lé é bɔ a ma bɛ, a we ma.

Jérémi 24:10

Gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia, fɔɔ yé wo ta é saan tɛrɛ lé maa a nɔ wo valé wo tranu lɛ, a ta.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 26:6

’té wean maa kɛlɛ Silo lɛ, yee duo lé maa dan a kɛlɛ lɛ munu ’ko lɛ, yé maa dan fla ’ko kɛlɛ lɛ balepama fla nya tɛrɛla bɛnnu faa yuɛ gi.

Jérémi 27:8

Dé bɛn do léé, dé bɛntɛrɛ do léé, dé é ’ka pla lɛ yee Babilɔn nwiinzan Nébukanɛsaa wuo lo, yé dé é ’ka a nyi si lɛ léé, é kɛlɛ alé luu nya lo, maa dan we lɛdɔ lɛ ’bɛ bɛn ’ko gi, gwɔun koo, lɔrɔ koo, migyɛgyɛ koo, wo nya fɔɔ yé maa a kulu ga yee Nébukanɛsaa bɛ nya. Maa Gakelebale ɛ ke a fena.

Jérémi 29:17

Ka ye, gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia yé munu ’ko é dan kɛlɛ lɛ é naané bélé bɔrɔyiliporonu lé wa naané é baba yé mi ’ka bɔa wo blele lɛ lo, wo zo.

Jérémi 29:22

Wo dan bale pa lɛ mi ma wo tɔ nya Judanu faa lé wo ke luu gi Babilɔn, wo va. Wo dan a fe lɛ léé: Fɛan zo lé Babilɔn nwiinzan blɛn Sédésias valé Akab vɔ kyɛ va é yuɛma, Gakelebale ’é izé kɛlɛ a zo ma.

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Jérémi 34:17

Amalé Gakelebale léma: Ka ’ka an lɛ dɔ lɛ a ma lo, ka ’ka zi nɔ lɛ ka bwenu valé ka bɔluzannu lɛ léé, wo vo wobo ma lo. Amalé maa dan zi nɔ lɛ gwɔun koo, migyɛgyɛ koo, lɔrɔ koo, wo lɛ yé di é dan kini lɛ tɛrɛ blɛnnu faa gi kalé we ma.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 44:12

Juda munu pɔnénu lé wo yara nɔla léé, ’wo go nyana lɛ Éjipiti tɛrɛ la, maa dan wo kulu ga lɛ. Wo dan ga lɛ Éjipiti tɛrɛ la gwɔun valé lɔrɔ nya, a péli sia né kiénénu ma fɔɔ yé é bɔ mi kwanu ma; wo dan zamaga wo lɛ gwɔun valé lɔrɔ nya; yé wo dan kɛlɛ lɛ dunuzénmitazannu koo, munu gi nyɛkinizannu koo, bale pamazannu koo, serele bomazannu koo, wo nya.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Ézékiɛl 12:15

Dé maa wo nwɛɛn bɛnnu va, yé maa wo sɔɔla tɛrɛnu ta, wo dan a gi dɔɔ lɛ léé, maa lé ke Gakelebale nya.

Ézékiɛl 22:15

Maa dan i fwila lɛ bɛngɔnɔnu méléna; maa dan i nwɛɛn lɛ tɛrɛ kiɛre ta, yé maa dan i tiridɔwe si lɛ i lee.

Ézékiɛl 23:46

Naa, Mizan Gakelebale léma: Maa dan mi gu blɛn nwa lɛ wo ma, yé wo dan di kini lɛ wo gi, yé wo dan ’wii lɛ wolé fɛnu ta.

Ézékiɛl 36:19

Maa wo kini ékema yé wo go bɛntɛrɛnu ta, yé wo go tɛrɛ do donu ta. Maa wolé we ble wo giébɛ valé wo kɛlɛwenu yɛrama.

Ézékiɛl 5:15

Dé maa kalé we ble bliflile valé wɛwɛ nya, yé dé an we lɛdɔ ka gi plɛplɛ, ka dan kɛlɛ lɛ serelebomazannu valé yaragyɛwebɔ?-?mazannu nya, yé bɛnnu lé wo ka zi lɛ sɔɔ, wo dan we pla lɛ wobo lɛ kalé we ma, yé di é dan kini lɛ wo gi. Maa lé an ke Gakelebale nya, maa ɛ fe.

Ézékiɛl 6:8

Dé maa ka nwɛɛn bɛnnu méléna bléyian va, maa dan ka va mi kenu vo lɛ, yé wo dan so lɛ gwɔun lee.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.

Amɔs 9:9

Ka ye, maa dan an dére do fe lɛ, yé maa dan Izraɛlnu fɛɛ lɛ bɛngɔnɔnu faa méléna, bélé fɛan zo lé woo ’sa fɛɛan guli ta, ’té a wɔlɛ do kpen ’ka diaan tɛrɛ va lo, a zo.

Misé 6:16

Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.

Zakari 7:14

Maa wo sɔɔla bɛngɔnɔ faa lé wo ’ka ’bɛnu dɔɔa lo, wo ta; tɛrɛ sɛrɛ wo zuo, yé gozan valé dazan ’ka ye lɛ é dɛrɛ lo; yé wo ginanamatɛrɛ kɛlɛ bwi nya.

Zakari 8:13

’Kaa Juda valé Izraɛl munu, fɛan zo lé ka kɛlɛ balepamazannu nya bɛnnu méléna, a zo lé maa dan ka si lɛ we gi, yé maa dan ka drɔɔ vo lɛ. Té ka kana lo, ka bɛ ’é dɔ plɛplɛ ma.

Mi Nɔnɔle 5:27

Dé é nyaa ’yi ’ko minile nya, dé é kɛlɛ léé, we lezan gyɛ, ’yi lé woo bale paan mi ma a nya, é dan wɔra lɛ lezan bɔn gi, yé é a kun; a bɔn é dan zii lɛ, a boro é dan ga lɛ a ma, yé lezan ’ko é dan kɛlɛ lɛ balepamazan nya élé munu méléna.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.

Bélidɔwesɛbɛ Fiézan 28:37

Munu faa lé Gakelebale é dan go lɛ ka nya wo va, ka dan kɛlɛ lɛ wo givuruzannu koo, ka bomayérisi?-?zannu koo, plalazannu koo, wo nya.

Bélidɔwesɛbɛ Fiézan 28:64

Gakelebale é dan ka sɔɔla lɛ bɛnnu faa suiɛ gi, é sia tɛrɛ glɛ do ma fɔɔ yé é bɔ a glɛ koɛ ma. ’Bɛna lé, ka dan bale bɛnu bɔ lɛ, balenu lé ka valé ka tranu ’ka wo dɔɔa lo, yilibalenu valé gɔlɛbalenu, woo lé.