Jérémi 29:14 - Kazambale lé Sebe Sauunu 1979

¹⁴ Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 29:14 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Lɛrɛvɔ Sɛbɛ 126:1

Gɔ gié lɛrɛ do lé. Bléyian va lé Gakelebale da é ziin Siɔn munu lé, wo go wo nya luu gi, wo nya, ’Té é a ko gi nyɛgyɛle zo.

Lɛrɛvɔ Sɛbɛ 126:4

Gakelebale, kolé munu lé ke luu gi, ’i da wo nya é ziin, Bélé doonénu lé woo soo lɛɛdabléyi va yirinwana bɛyilazia, wo zo.

Lɛrɛvɔ Sɛbɛ 32:6

’Bɛ zo lé é a lé Bale lé zi sɔlɛmunu faa ’wo bazoro i lɛ wolé nyané blebléyi va. Dé ’yi blɛnnu nwɛɛn ’wo gɔnu ta, wo ’ka dan bɔ lɛ azan ma lo.

Lɛrɛvɔ Sɛbɛ 46:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. ’Wa vɔ lɛrɛvɔafɛ lé wa laama alamota, a va. Bale tɔbɔlɛrɛ do lé.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Ézai 43:5

Maa a i va, amalé té i kana we do kpen lee lo, Maa dan i bɛn si lɛ yirinwanazia, Maa dan wo si lɛ yirivɔnazia, yé maa wo zén ékeva.

Ézai 43:6

Maa dan a fe lɛ yirinwana bɛbolazia lɛ léé, ’i wo nɔ. Maa dan a fe lɛ yirinwana bɛyilazia lɛ léé, té i kun wo ma lo. ’Ka an benu si tɛrɛ baanu ta, ’ka da wo nya, ’Ka an lunu si tɛrɛ glɛ sina, ’wo da.

Ézai 45:19

Maa ’ka we fe lɛ kyeen gi Tɛrɛ la gunuti do kpen va lo; Maa ’ka a fe lɛ Jakɔb kulu lɛ léé: ’Ka an nagini é pla, lo. Maa Gakelebale, maa we fé é fena, Maa we drɔle ɛ fé.

Ézai 55:6

’Ka Gakelebale nagini, bléyian va lé ka bɔa a yele lɛ, a bléyi va; Bléyian va lé é ke ka sɔnɔ, ’ka a tɔ laa.

Jérémi 12:15

Naa, dé maa wo si ana faa, ’bɛ zuo an nyanai é dan zén lɛ wo ta é ziin, yé an dan da lɛ wo faa nya wolé tɔnɔyefɛna do do, wolé tɛrɛ la do do.

Jérémi 3:14

Gakelebale léma: ’Kaa nwamimazannu, ’ka da ka pa gi. Naa, maa a kazan nya. Maa dan mi do do si lɛ fla do do ta, yé an dan mi fié fié si lɛ ka nyanale gi do do yé maa da ka nya é ziin Siɔn.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 30:18

Gakelebale léma: Ka ye, Jakɔb lé munu lé wo ke luu gi, maa dan da lɛ wo nya é ziin, An nyanai éé zén‐é wo nyanana ta; Wo dan wolé fla pa lɛ é ’bin la, Wo dan minwiinzan blɛn lé fuakɔn dɔ lɛ bélé é vinin zé zo.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 31:16

Gakelebale léma: ’Ilé wuvɔle sɔ, ’I yuɛyi si; Naa, Gakelebale léé, wo dan i kɛlɛwenu ma banwo lɛ; Munu é dan si lɛ wo nyanézannu lé tɛrɛ la yé ’wo da.

Jérémi 31:17

Gakelebale léé: I bli ’é vo bléyi voéla lɛ, Ilé nénu é dan da lɛ wolé tɛrɛ la é ziin.

Jérémi 31:23

Lai sunyanu lé Gakelebale, Izraɛl lé Bale léma: Dé an da luugi‐munu nya wo pa gi, we lé munu é dan a fe lɛ Juda tɛrɛ valé é ta flanu ta, yee lé ke ’ko: Wetegele nyanana, gɔ sauun, Gakelebale i drɔɔ vo ma.

Jérémi 51:10

Gakelebale kolé we tegele nagɔɔn munu yuɛ gi; ’ka da, yé ’ka Gakelebale kolé Bale kɛlɛwenu glewo Siɔn.

Jérémi 8:3

Lai sunyanu lé Gakelebale léma: Munu faa lé wo dan vo lɛ bɛn nyané ’ko gɔnɔlazannu nya fɛfaana lé maa wo bin‐é ana, ga é dan kɛlɛ lɛ wo ’léé néné yé é mini vole é yuɛma ta. Maa lai sunyanu lé Gakelebale ɛ ke a fena.

Ézékiɛl 37:21

Bé fe wo lɛ léma: Mizan Gakelebale léma: Ka ye, Izraɛl munu lé wo ke bɛnnu méléna, maa dan wo si lɛ bɛ faa na, yé maa go wo nya wobo lé tɛrɛ la.

Ézékiɛl 39:25

Amalé Mizan Gakelebale léma: Sin, maa dan Jakɔb lé munu si lɛ luu gi yé maa da wo nya wo pa gi. An nyanai é dan zén lɛ Izraɛl munu faa ta, yé maa dan kɛlɛ lɛ maawozan nya an tɔ sauun lé we ma.

Amɔs 9:14

Anlé munu Izraɛl lé wo ke luu gi, maa dan da lɛ wo nya ’wo pa gi; Wo dan fla pa lɛ é ’bin la, yé wo dan nyana lɛ ana. Wo dan dɔrɔ féi pa lɛ, yé wo dan a ’yi mini lɛ; Wo dan féinu pa lɛ yé wo dan a ma fɛnu ble lɛ.

Misé 4:12

Naa, wo ’ka Gakelebale lé gibɔrɔle dɔɔa lo, yé wo ’ka a bligiwe gi maan lo, yé wo ’ka a gi dɔɔa léé, é ’wo zén ékeva bélé ’sanwunnu lé wo wo téé ’sa sunwona, wo zo lo.

Sofoni 3:20

’Bɛ bléyi va, maa dan da lɛ ka nya ka pa gi; ’Bɛ bléyi va, maa dan ka zén lɛ ékeva; Naa, kalé munu lé wo ke luu gi, dé an da wo nya wo pa gi ka yuɛ va, Maa dan ka kɛlɛ lɛ tɔbɔfɛ valé ginanamafɛ nya, Tɛrɛla migɔnɔnu faa méléna. A zo lé Mizan Gakelebale a fe.

Rom munu 10:20

Naa, Ézai é bli ta dɔ plɛplɛ fɔɔ yé é léé: Munu lé wo ’ka an nagini lɛ lo, wo ɛ an ye, Yé munu lé wo ’ka an ma laa lɛ lo, maa anbo nagɔɔn wo ɛ lɛ.

Bélidɔwesɛbɛ Fiézan 30:1

Dé we ’konu faa bɔ ka ma, ’té ka a bɛnnu lé Gakelebale, kalé Bale ka zunwo wo méléna bɛ, wo va, dé drɔɔvodére valé balepadére lé maa wo fe ka lɛ kyɔ ’ko, dé wo sele dɔ ka bli gi,

Bélidɔwesɛbɛ Fiézan 30:3

Gakelebale, kalé Bale nyanai é dan zén lɛ ka ta, yé é dan ka si lɛ luu gi é ziin, yé é dan ka si lɛ munu faa lé é ka sɔɔla wo worona, wo va, yé é ka zén ékeva é ziin.

Bélidɔwesɛbɛ Fiézan 30:5

Gakelebale, kalé Bale é dan da lɛ ka nya tɛrɛ lé é ke ka tranu zé nya, a ta, yé é dan kɛlɛ lɛ kazé nya; é dan wezin kɛlɛ lɛ ka lɛ, yé é dan ka fan lɛ é mini ka tranu ta.

Bélidɔwesɛbɛ Fiézan 4:7

Wezen lé, bléyi faa lé ko Gakelebale, kolé Bale tɔ laan a nya, é a ko sɔnɔ fɛan zo, bɛn blɛn kyɛn ɛzé Bale ke ’é sɔnɔ ’bɛ zoo?