Jérémi 29:13 - Kazambale lé Sebe Sauunu 1979

¹³ Ka dan an nagini lɛ, yé ka dan an ye lɛ, ’té dé ka an nagini ka bli faa nya.

Jérémi 29:13 ပူးပေါင်းရင်းမြစ်များ

1 Minwiinzannu 2:4

yé we lé Gakelebale a fe an lɛ, yé a lɛ é sɔɔ. Gakelebale lé an lɛ léma: Dé i benu ’wo yuɛ pa ’wolé tawobɛ va, dé wo tawo an ’lɛ yarapalale koo, wo bli faa koo, wo léli faa koo, wo nya, i ’ka dan vuru lɛ i paizan nyanale ma Izraɛl lé webleblin ta monomono lo.

2 Minwiinzannu 23:3

Minwiinzan blɛn dɔ kpala ta, yé é dɔ Gakelebale dére ta yé é léé, ’é dan tawo lɛ Gakelebale zuo, a déretawenu koo, alé weplalenu koo, alé bélidɔwe koo, ’é dan a kɛlɛ lɛ é bli valé é léli faa nya, yé gipawe dérenu lé wa gyɛ sɛbɛ ’ko gi, ’é dan wo ta tawo lɛ. Yé munu faa dɔ a ta é ziin.

Minwiinzannu lé Wezuofe Sɛbɛ 22:19

Amalé sin, ’ka Gakelebale kalé Bale nagini ka bli faa valé ka boen faa nya; ’ka nwa, ’ka fɛna sauun dɔ Gakelebale lɛ, Gakelebale lé gipawe pagikɛsu koo, balelanyanama pafɛnu koo, yé ka da wo nya kɔn lé ka dan a dɔ lɛ Gakelebale tɔ gi, a gi.

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

2 Minwiinmunu lé Wezuofe Sɛbɛ 22:9

É Akazia gini, ’té é a é yɔɔle Samari tɛrɛ la, yé wa kun ’bɛna. Wo go a nya Jéu va, yé wa gyɛ. Yé wa pa, naa, wo léé: Jozafat lé é Gakelebale nagini é bli faa nya, a néné lé. Yé mi lé é bɔa plale lɛ munu nwiin, ’bɛzan ’ka ye lɛ Akazia lé munu va lo.

2 Minwiinmunu lé Wezuofe Sɛbɛ 31:21

We faa lé é ke a kɛlɛna, dé é a Bale lé kɔn va nyanama nyaoo, dé é a bélidɔwe valé a sɔnnénu zé nyaoo, é a élé Bale lé blibɔmawe naginina a gi. É a kɛlɛna é bli faa nya, yé we faa lé é a kɛlɛ, a nyian wo a ma tegele.

Lɛrɛvɔ Sɛbɛ 119:10

Maa i naginian an bli faa nya, Té bé nyi si léé, maa ilé bélidɔwe sɔnnénu vo an yuɛ zuo lo.

Lɛrɛvɔ Sɛbɛ 119:145

Maa i laan an bli faa nya; Gakelebale, bé zi pa an lɛ, Maalé i déretawe kɛlɛle we gi.

Lɛrɛvɔ Sɛbɛ 119:2

Munu lé woo alé wepladérenu maan, ’Té wa lɛdɔama wo bli faa nya, wozé a néné.

Lɛrɛvɔ Sɛbɛ 119:58

Maa a laa i lee an bli faa nya léé, I nyanai ’é zén an ta ilé blivolɛdére yɛrama.

Lɛrɛvɔ Sɛbɛ 119:69

Boblɛnzannu éé ’wuo gi nyané bɔrɔan viépale nya an ma, Naa, maa i déretawenu kɛla an bli faa nya.

Lɛrɛvɔ Sɛbɛ 145:18

Munu faa lé woo Gakelebale laan, é a wo sɔnɔ, Wo faa lé wa laan ’wo bli faa nya, woo lé;

Lɛrɛvɔ Sɛbɛ 32:6

’Bɛ zo lé é a lé Bale lé zi sɔlɛmunu faa ’wo bazoro i lɛ wolé nyané blebléyi va. Dé ’yi blɛnnu nwɛɛn ’wo gɔnu ta, wo ’ka dan bɔ lɛ azan ma lo.

Lɛrɛvɔ Sɛbɛ 91:15

É dan an tɔ laa lɛ, yé an dan we lɛ; Maa dan kɛlɛ lɛ a va alé kleblele gi; Maa dan a so lɛ wo lee, yé maa dan a tɔ zin bɔ lɛ.

Ézai 45:19

Maa ’ka we fe lɛ kyeen gi Tɛrɛ la gunuti do kpen va lo; Maa ’ka a fe lɛ Jakɔb kulu lɛ léé: ’Ka an nagini é pla, lo. Maa Gakelebale, maa we fé é fena, Maa we drɔle ɛ fé.

Ézai 65:10

Anlé trubɛnu é dan fɛ ble lɛ Sarɔn lé fɛna pɛblɛɛna. Pɛnguru lé wa laama Akɔɔ, é dan kɛlɛ lɛ anlé dirinu blena nya; munu lé wo dan an nagini lɛ, wozé lé.

Jérémi 24:7

Yé bli lé é dan an dɔɔ lɛ Gakelebale nya, maa dan a vɔ lɛ wo gi. Wo dan kɛlɛ lɛ anlé munu nya, yé maa dan kɛlɛ lɛ wolé Bale nya, ’té dé wo da an va wo bli faa nya.

Jérémi 3:10

Naa duowo, a buru Juda lé éé we kɛla gi la, é ’ka da lɛ an va é bli faa nya lo. É a kɛlɛ dabli nya. Maa Gakelebale ɛ ke a fena.

Jérémi 50:4

Gakelebale léma: ’Bɛ yi ’ko la, ’bɛ bléyi ’ko va, Izraɛl munu valé Juda munu é dan da lɛ é ziin ékeva; wo dan tawo lɛ wuvɔle nya; wo dan Gakelebale, wolé Bale nagini lɛ.

OZÉ (Osée) 5:15

Maa dan go lɛ yé maa dan da lɛ an nyanana fɔɔ yé wa gi dɔɔ léé, we ’wo gyɛ, yé wo an nagini. Dé wa nyané blena, wo dan an nagini lɛ.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Matio 7:7

’Ka fɛ laa, yé wo dan a nɔ lɛ ka lɛ; ’ka fɛ gini, yé ka dan a ye lɛ; ’ka duoli gyɛ yé wo dan kɔn lɛ so lɛ ka lɛ.

Kelewenu 8:36

Wa gona aan wo yé wo bɔ ’yi ma. Miblale léé: ’Yi lo; mɛ fɛ ɛ yi ga an lee léé, té wo an batizéwo loo?