Jérémi 29:11 - Kazambale lé Sebe Sauunu 1979

¹¹ Naa, Gakelebale léma: We lé ke an gi kazé nya, maa a dɔɔ. Ka vole drɔɔ we lé, we tɔntɔn kaan lo, léé, tɛlɛ tɛlama yé ka vo ana, yé ka bli é vo we lɛ.

Jérémi 29:11 ပူးပေါင်းရင်းမြစ်များ

JOB (Job) 23:13

Naa, we lé é dan a kɛlɛ lɛ, é a kɛlɛ é kyɛn; maa fé nɔɔ? We lé é sɔ aboen lɛ, éé a kɛla.

Lɛrɛvɔ Sɛbɛ 33:11

Gakelebale gi danmawenu woo voo ana yifaama, Yé a bligiwenu woo voo ana mi kulu é kulunu va.

Lɛrɛvɔ Sɛbɛ 40:5

Mian éé paan Gakelebale ta, ’Té é ’ka nanaan boblɛnzannu valé viéwozannu va lo, azé a néné.

Lɛrɛvɔ Sɛbɛ 85:9

Bale, Gakelebale éé wean fé, maa dan an tɔné dɔ lɛ a lɛ. Naa, éé dére drɔɔ fé élé munu valé élé yarapawelamunu lɛ, ’Té dé wo ’ka vɔ lɛ wolé ’tugyɛwe gi é ziin lo.

Ézai 27:4

’Bɛ ’ka ’nana an ma lo, naa, dé maa ka ye danan valé léliyilinu nya, maa dan guli dan lɛ ka va; maa dan nwa lɛ ka ma, yé maa dan ka faa kyɛ ble lɛ ékeva,

Jérémi 23:5

Gakelebale léma: Ka ye, a yinu é dan bɔ lɛ yé maa dan David punla nɛɛ lɛ mi tegele do nya yé é dan pla lɛ munu nwiin, yé fɛ kiɛre é dan nyian wo lɛ a ma, yé é dan we tegele valé we drɔle kɛlɛ lɛ tɛrɛ ’ko la.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 24:5

Gakelebale Izraɛlnu lé Bale léma: Fɛan zo lé bé ye léé, bɔrɔyiliporo kenu a é zima, a zo léé, Juda munu lé maa wo nwa ’ko yé wo go wo nya luu gi Kaldé tɛrɛ la, wa é zima, yé maa dan wezin kɛlɛ lɛ wo lɛ.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 30:9

Ka dan Gakelebale, kalé Bale bɔ lɛ, yé ka nwiinzan blɛn David lé maa dan a nwa lɛ, ka dan a bɔ lɛ.

Jérémi 33:6

Ka ye, maa dan wo manɔn paa lɛ, maa dan wo fuu dɔ lɛ wo ta, yé maa dan wo béli lɛ, yé maa dan vole drɔɔ valé yara pale we la ’wuo nɔ lɛ wo lɛ.

Jérémi Lé Wuvɔ Sɛbɛ 3:26

Dé mi éé Gakelebale lɛbɛn‐é léé, é bɔ ’é va yé é vo é tadɔle, ’Bɛ a é zima.

Ézékiɛl 11:16

Amalé bé fe léma: Mizan Gakelebale léma: Dé maa wo vo é sile ka ma baa bɛnnu méléna, dé maa wo kini ékema wo nwɛɛnle nya tɛrɛ bɛnu ta, maa dan kɛlɛ lɛ bléyi sɛ nya wo yɔɔna nya, tɛrɛnu lé wo go ana, ana.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Misé 4:12

Naa, wo ’ka Gakelebale lé gibɔrɔle dɔɔa lo, yé wo ’ka a bligiwe gi maan lo, yé wo ’ka a gi dɔɔa léé, é ’wo zén ékeva bélé ’sanwunnu lé wo wo téé ’sa sunwona, wo zo lo.

Zakari 1:6

Duowo, an dérenu lé maa wo pa an wuozannu balelayezannu ’léé ka tranu zé nya, wo lɛ ’ka é sɔɔle loo? Yé wo nɔla yé wo léé: We lé é dɔ lai sunyanu lé Gakelebale gi léé, é a kɛla ko lɛ kolé tawobɛ valé ko kɛlɛwenu yɛrama, é a kɛlɛ.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.