Jérémi 29:10 - Kazambale lé Sebe Sauunu 1979

¹⁰ Naa, we lé Gakelebale a fe, yee lé ke ’kɔ: Dé Babilɔn plale ka nwiin lɛɛ yɔ yaa wɔlɛ vu lɛ sɔɔ tɔɔn, ka sele é dan dɔ lɛ an gi, yé dére zima lé maa a fe kazé nya bɛ, maa dan a lɛ sɔɔ lɛ yé an da ka nya é ziin fɛkona.

Jérémi 29:10 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:21

Gakelebale dére lé é a fe Jérémi lɔlu nya bɛ, yé a lɛɛ é sɔɔ; fɔɔ yé tɛrɛ gi é nana élé flin lɛɛnu lé we ma. Naa, tɛrɛ flin a sɛrɛle tata bléyi faa va, fɔɔ, yé a lɛɛ yɔ yaa wɔlɛ vu lɛ sɔɔ, a zo.

2 Minwiinmunu lé Wezuofe Sɛbɛ 36:22

Sirus plale sia Pɛɛs munu nwiin lɛɛan nya, Gakelebale a nyunu léé, dére lé Gakelebale a fe Jérémi lɔlu nya, ’é a lɛ sɔɔ. Sirus a zana dɔɔ, ’té éé a sɛbɛ paan zia élé bɛn tɛrɛnu faa la, yé é léé:

Ezidras 1:1

Sirus pla Pɛɛs munu nwiin lɛɛan nya, Gakelebale a nyunu léé, dére lé Gakelebale a fe Jérémi lɔlu nya, ’é a lɛ sɔɔ. Sirus a zana dɔɔ, ’té é a sɛbɛ paan zia élé tɛrɛ faa la, yé é léé:

Ezidras 1:2

Pɛɛs munu nwiinzan blɛn Sirus léma: Gakelebale, lanu lé Bale tɛrɛ la fuatɛrɛ faa nɔ an lɛ yé é an bélidɔ léé, ’an kɔn dɔ Jérusalɛm, Juda tɛrɛ la.

Lɛrɛvɔ Sɛbɛ 102:14

I dan nwa lɛ, yé i dan i nyanai zén lɛ Siɔn munu ta; Ilé nyanai zénle wo ta bléyi bɔ, Bléyi lé bé dɔ, é bɔ sin.

Jérémi 25:11

Tɛrɛ ’ko faa é dan vo lɛ é pla, bwi gi nya; yé bɛnnu ’ko é dan pla lɛ Babilɔn nwiinzan blɛn wuo, lɛɛ yɔ yaa wɔlɛ vu.

Jérémi 25:12

Naa, lɛɛ yɔ yaa wɔlɛ vu ’konu nyaale zuo, maa dan we lɛdɔ lɛ Babilɔn nwiinzan blɛn valé bɛn ’ko gi, wolé weplenu lé we ma. Maa dan we lɛdɔ lɛ Kaldé tɛrɛ la munu gi, yé maa dan wo sɛrɛ lɛ lɛɛ faa zé nya. Maa Gakelebale ɛ ke a fena.

Jérémi 27:22

Wo dan go lɛ wo nya Babilɔn, yé wo dan vo lɛ ’bɛna fɔɔ yé yian nya lé an dan go lɛ wo si lɛ yé maa da wo nya é ziin fɛkona, yé ’bɛ yi é bɔ. Maa Gakelebale ɛ ke a fena.

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Jérémi 29:28

’té éé mi paan ka lɛ zia Babilɔn a fele ka lɛ we ma léé, ka dan mɔn lɛ luu gi; ’ka kɔn dɔ yé ka nyana a gi, ’ka féi pa, ’ka ana fɛ ble, mɛmalé i ’ka we pla lɛ a lɛ yara tɔntɔn nya loo?

Jérémi 29:32

amalé Gakelebale léma: Maa dan we lɛdɔ lɛ Nésélamizan Sémaéja gi, yee valé é kulunu nya; a kulu do kpen ’ka dan nyana lɛ munu ’ko va lo, yé we zin lé an dan a kɛlɛ lɛ anlé munu lɛ, wo ’ka dan ana ye lɛ lo. Naa, é nwa Gakelebale ma é dérenu nya. Maa Gakelebale ɛ ke a fena.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 33:14

Gakelebale léma: Ka ye, a yinu é dan bɔ lɛ yé dére zinnu lé maa a fe Izraɛl munu valé Judamunu ma, maa dan wo lɛ sɔɔ lɛ.

Ézékiɛl 11:17

Bɛwemalé, bé fe léma: Mizan Gakelebale léma: Maa dan ka si lɛ munu méléna yé maa ka zén ékeva, tɛrɛnu ké maa ka nwɛɛn ana, maa dan ka si lɛ wona yé maa da ka nya an va, yé maa dan Izraɛl tɛrɛ nɔ lɛ ka lɛ.

Daniɛl 9:2

a plale mi nwiin lɛɛ vininzan nya, maa Daniɛl, maa a ye sɛbɛ gi léé, é a lé Jérusalɛm é vo é ’bin nya lɛɛ yɔ yaa wɔlɛ vu wuo, lɛɛ lé Gakelebale a ’léé fe balelayezan Jérémi lɛ, a yɛrama.

Sofoni 2:7

Wɛyi gɔ ’konu é dan kɛlɛ lɛ Juda munu pɔnénu zé nya; ana lé wo dan wolé trubɛnu pa lɛ. Wo dan flin lɛ nyanadi Azkalɔn munu lé kɔnnu gi. Naa, Gakelebale, wolé Bale gi ’ka dan san lɛ wo ma lo. É dan wo si lɛ luu gi yé é da wo nya é ziin.

Zakari 1:12

Yé Gakelebale lé lanje we fe yé é léma: Lai sunyanu lé Gakelebale, Jérusalɛm valé Juda lé flanu lé i bli vo flina wo ma a lɛɛ yɔ yaa wɔlɛ vu lo, i nyanai é dan zén lɛ wo ta mɛ yi laa?

Zakari 7:5

Bé fe ana munu faa valé Balebanmunu lɛ léma: Dé ka lɔrɔ sɔn yé ka wuvɔ moné soruzan valé moné sɔrafiézan nya, lɛɛ yɔ yaa wɔlɛ vu wuo, ka lɔrɔ sɔn maa ɛ lɛɛ?

RUT (Ruth) 1:6

’Bɛ zuo Naomi a ’ma Moab tɛrɛ la léé, Gakelebale da élé munu va yé é fɛblele nɔ wo lɛ, amalé é nwa, yee valé é benu nanu nya, sile Moab tɛrɛ la we gi.