Jérémi 28:16 - Kazambale lé Sebe Sauunu 1979

¹⁶ Amalé Gakelebale léma: Bé ye, maa i sié tɛrɛ ’ko la. I dan ga lɛ lɛɛ ’ko gi. Naa, i dérenu a nwa Bale ma dérenu nya.

Jérémi 28:16 ပူးပေါင်းရင်းမြစ်များ

Wepélisiananu 7:4

Naa, é vo yi sɔrafié, yé maa dan lɛɛ da lɛ tɛrɛ la yi yɔ fié, bladi nyanadi, yé fɛ faa lé maa a kɛlɛ, maa dan wo si lɛ tɛrɛ la tata.

1 Minwiinzannu 13:34

É kɛlɛ Jéroboam lé kɔn gi munu dia wenyané gi we nya, yé we ’ko ma lé a kulu ga yé wo si tɛrɛ la tata.

Fwile 32:12

Mɛmalé i dan zi nɔ lɛ Éjipitinu lɛ yé wa fe léé, we tɔntɔn bɔle wo ma koo, wo gyɛle gɔnu nwiin koo, wo sile tɛrɛ la tata koo, alé we ma lé wolé bale wo fwii? ’I daan ilé bliflile blɛn ma, yé ’i bli nɔla we tɔntɔn lé i a a va léé, bé kɛlɛ ilé munu lɛ, a ma.

Jérémi 20:6

Yé bii Pasuu, bii valé ilé munu faa, ka dan go lɛ luu gi; i dan go lɛ Babilɔn yé i dan ga lɛ ’bɛna. Wo dan i pa lɛ ’bɛna, bii valé i béénu faa lé i balelawe fe wo lɛ vié nya bɛ, wo nya.

Jérémi 28:17

Yé balelayezan Aanania ga ’bɛ lɛɛ ’ko lé moné sɔrafiézan nya.

Jérémi 28:3

É vo lɛɛ fié yé Gakelebale lé kɔn gi nyanamapafɛnu faa lé Babilɔn nwiinzan Nébukanɛsaa a si fɛkona yé é go wo nya Babilɔn, maa dan da lɛ wo nya wo pa gi fɛkona.

Jérémi 29:32

amalé Gakelebale léma: Maa dan we lɛdɔ lɛ Nésélamizan Sémaéja gi, yee valé é kulunu nya; a kulu do kpen ’ka dan nyana lɛ munu ’ko va lo, yé we zin lé an dan a kɛlɛ lɛ anlé munu lɛ, wo ’ka dan ana ye lɛ lo. Naa, é nwa Gakelebale ma é dérenu nya. Maa Gakelebale ɛ ke a fena.

Amɔs 7:17

Gakelebale léma: We ’ko ma lé i na é dan kɛlɛ lɛ bɔrɔdɛ le nya fla; wo dan i benu valé i lunu gyɛ lɛ gwɔun nya; wo dan ilé féi guli lɛ bale ma; naa, bii é dan ga lɛ tɛrɛ lé é ’ka tegele lo, a ta, yé wo dan go lɛ Izraɛl nya luu gi baa.

Amɔs 9:8

Ka ye, Mizan Gakelebale yuɛ a é dɔle bɛntɛrɛ lé we a gyɛ, a ta; maa dan a sɛrɛ lɛ tata tɛrɛ ta, duowo, maa ’ka dan Jakɔb lé munu kulu ga lɛ tata lo. Yee lé Gakelebale a fe.

Mi Nɔnɔle 14:37

munu ’konu lé wo tɛrɛ ’ko ma wenyané fe, Gakelebale bawurumagyɛ vɔ wo ma yé wo ga.

Mi Nɔnɔle 29:32

A yi sɔrafiézan nya, dirigɔné sɔrafié koo, ’blagɔné fié koo, lɛɛ do ’blané vu ta ziɛn lé we do kpen ’ka wo ma lo, wo koo, ’ka wo nɔ;

Bélidɔwesɛbɛ Fiézan 6:15

naa, Gakelebale, kalé Bale é a maawo Bale nya ka méléna. A bli é dan fli lɛ ka ma yé é dan ka si lɛ tɛrɛ la tata.