Jérémi 28:1 - Kazambale lé Sebe Sauunu 1979

¹ ’Bɛ lɛɛ duo gi, Juda nwiinzan blɛn Sédésias plale mi nwiin pélisiana, a lɛɛ ziɛzan lé moné soruzan nya, Gabaɔnzan Azuu be Aanania lé ke balelayezan nya, é we fe an lɛ Gakelebale lé kɔn gi, Balebanmunu valé munu faa yuɛ va yé é léma:

Jérémi 28:1 ပူးပေါင်းရင်းမြစ်များ

1 Minwiinzannu 3:4

Minwiinzan go Gabaɔn Bale banle we gi, naa, é a gɔnwiin balebannanu va balebanna segele nya. Balebanwi lé wa kyɛ blé, Salomɔn a wuru soru nɔ balebanna ta.

2 Minwiinzannu 24:18

Sédésias kɛlɛ minwiinzan blɛn nya bléyian va, ’té a lɛɛ a yɔ do wɔlɛ do, yé é pla munu nwiin lɛɛ vu ta do Jérusalɛm. A bu a Libina le lé wa laama Jérémi lu Amutal, a nya.

2 Minwiinmunu lé Wezuofe Sɛbɛ 36:11

Sédésias kɛlɛ aan wo minwiinzan blɛn nya, ’té a lɛɛ a yɔ do wɔlɛ do, yé é pla munu nwiin lɛɛ vu ta do Jérusalɛm.

Ézai 9:15

Munu ’ko lé zigɔɔnzannu ’wo saan, yé munu lé wo yee zi gɔɔnle ’wo lɛ nyi si, wo saan.

Jérémi 23:28

Balelayezan lé é nyɛ gyɛ, ’élé nyɛ gi fe ma, yé mian é an dére ’ma, ’é a gi fe yarapalale nya ma. Mɛmalé ka ’sapɛɛ valé ’sawɔlɛ vɔɔ?-?aan? Maa Gakelebale ɛ ke a fena.

Jérémi 27:1

Juda munu nwiinzan blɛn Jozias be Jojakim plale munu nwiin pélisia bléyi va, Gakelebale we fe Jérémi lɛ léma:

Jérémi 27:12

Maa yee we duo fe Juda nwiinzan blɛn Sédésias lɛ léé, ’i kɛlɛ Babilɔn nwiinzan blɛn lé luu nya. ’I pla yee valé alé munu wuo yé i dan vo lɛ é yuɛma.

Jérémi 27:3

Édom koo, Moab koo, Amɔn koo, Tii koo, Sidɔn koo, i yee luubalenu pa wo nwiinzannu blɛn lɛ zia. Munu lé wo ’bɛnu nwunvɔ turu Jérusalɛm, Juda nwiinzan blɛn Sédésias va, bé nɔ wo lɛ yé wo goan wozannu lɛ.

Jérémi 28:11

Yé Aanania we fe munu faa yuɛ va léé: Gakelebale léma: É vo lɛɛ fié yé luubale lé Babilɔn nwiinzan blɛn Nébukanɛsaa a vɔ bɛnnu faa bɔrɔ ma, maa dan a kini lɛ. Yé balelayezan Jérémi go.

Jérémi 28:17

Yé balelayezan Aanania ga ’bɛ lɛɛ ’ko lé moné sɔrafiézan nya.

Jérémi 28:5

Balelayezan Jérémi a zi pa balelayezan Aanania lɛ, Balebanmunu valé munu faa lé wo ke é dɔle Gakelebale lé kɔn gi, wo yuɛ va.

Jérémi 29:15

Naa, ka a fena léé: Bale ’wozé balelayezannu nwa ’wo lɛ Babilɔn.

Jérémi 36:12

é bɔra yé é go minwiinzan blɛn lé kɔn gi yé é wɔra ’bɛlé sɛbɛgyɛzan lé kɔnmi zi, fɛana lé minwiinzannu faa ke é nyanale, wo va; sɛbɛgyɛzan Élisama koo, Sémaéja be Délaja koo, Akabɔɔ be Elnatan koo, Safan be Gémaria koo, Aanania be Sédésias koo, minwiinzan bɛnu faa koo, woo lé.

Jérémi 37:13

É bɔ aan wo flagɔrɔ ’léé lé wa laama Bɛnjamɛn, ana, ’té flatabin sunyanu ’lɛzan lé wa laama Aanania be Sélémia be Jiréija, é ana bɛ, é balelayezan Jérémi kun, yé é lé a lɛ léé: I a i péli vɔna Kaldé munu va.

Jérémi 37:19

Yé balelayezannu lé wo balelawe fe ka lɛ léé, Babilɔn nwiinzan blɛn ’ka dan da lɛ ka valé kalé tɛrɛ ma lo, wa kyɛɛn?

Jérémi 49:34

Gakelebale we fe balelayezan Jérémi lɛ Élam mawe nya, Juda nwiinzan blɛn Sédésias plale munu nwiin pélisia bléyi va. É léma:

Jérémi 51:59

Balelayezan Jérémi we do bɛ pa Maséja be Nérija be Séraja lee, bléyian va lé wo go Babilɔn Judanu nwiinzan blɛn Sédésias nya, Sédésias plale munu nwiin lɛɛ ziɛnzan nya, ’bɛ bléyi va. Naa, Séraja a Sédésias leemunu nwiinzan nya.

Ézékiɛl 13:6

Wolé yuɛziwenu a é pla, yé wolé wefelenu a vié nya. Wo léé, Gakelebale léma, dɔlé ’té Gakelebale ’ka wo nwunvɔ lɛ pelo. Yé wa kɛlɛna léé, munu bli ’é vo a lɛ léé, wo dére lɛ é dan sɔɔ lɛ.

OZÉ (Osée) 7:3

Wo ’wo nwiinzan blɛn gi nana wolé wenyané kɛlɛle nya, yé wo flayuɛlɛzannu gi nana wolé viéwole nya.

Jozué 10:12

Naa, yian nya lé Gakelebale Amorénu nɔ Izraɛlnu lɛ, Jozué we fe Gakelebale lɛ, yé é lé Izraɛl yuɛ va léé: Yiri, ’i dɔ flii Gabaɔn ta, Yé bii, moné, ’i dɔ Ajalɔn gɔ worona ta.

Jozué 9:3

We lé Jozué a kɛlɛ Jériko valé Ai lɛ, dé Gabaɔn munu a ’ma