Jérémi 27:9 - Kazambale lé Sebe Sauunu 1979

⁹ Yé kalé balelayezannu koo, kalé ’monédɔzannu koo, kalé nyɛgyɛzannu koo, kalé monénénu va ’monédɔzannu koo, kalé yokɛlɛzannu koo, we lé wa fena ka lɛ léé, ka ’ka dan pla lɛ Babilɔn nwiinzan blɛn wuo lo, té ka tɔné dɔ wo lɛ lo.

Jérémi 27:9 ပူးပေါင်းရင်းမြစ်များ

Fwile 22:18

Té ka yokɛlɛlezan vo é yuɛma lo.

Fwile 7:11

Naa, Faraɔn wedɔɔmunu valé ’monédɔzannu laa; yé Éjipiti yokɛlɛzannu é ziin, wo ’wozé kɛlɛ ’bɛ zo wolé yo kɛlɛle nya.

Wegɔnévɔlenu 19:27

An be, dé wa we paana i gi, i yara sile ’wuoatawe ta we ma, té i tɔné dɔ wo lɛ é dɛrɛ lo.

Ézai 8:19

Dé mi do lé ka lɛ léé: Kaa we laa miléli laamunu valé tɛlɛ tɛlama wefezannu lee, ’monédɔ ’furufɛnzannu valé gungyɛzannu lee, ’ka fe ’bɛzan lɛ léé: Mi ’ka we laan élé Bale lee loo? Woo mi yuɛmalenu lé we laan migalenu lee?

Jérémi 14:14

Yé Gakelebale lé an lɛ léma: Balelayezannu éé vié woo an tɔ gi; maa ’ka ’bɛ balelayezannu ’ko pa lɛ zia lo, maa ’ka dére ’ko pa lɛ wo ’léé lo, maa ’ka ’bɛ fe lɛ wo lɛ lo. Vié yuɛziwenu lé wa ye; wolé we lɛ kinile a we pla nya; dabliwenu lé woo sié ’wo bli gi, yee lé wa fe balelawefele nya.

Jérémi 23:16

Lai sunyanu lé Gakelebale léma: Balelayezannu lé woo balelawe fé ka lɛ, té ka tɔné dɔ wo lɛ lo. Wa boawe fena ka lɛ; we lé ke wo bli gi, yee lé wa fé ka lɛ yuɛziwe nya; we lé éé sié Gakelebale ’léé, wo ’ka ’bɛ fé ka lɛ lo.

Jérémi 23:25

Balelayezannu lé woo balelawe fé vié nya an tɔ gi, we lé wa fe, maa ’ma. Wo léma: Maa nyɛ do gyɛ, maa nyɛ do gyɛ.

Jérémi 23:32

Gakelebale léma: Ka ye, munu lé woo vié nyɛ gi fé balelawe fele nya, ’té woo wo gi fé, ’té woo anlé munu saan wolé viéwole valé wo yara plɛplɛ nya, maa a wo ma. Maa ’ka wo pa lɛ zia lo, maa ’ka we fe lɛ wo lɛ lo, wo ’ka we zin do kpen nyian wo anlé munu ma lo. Maa Gakelebale ɛ ke a fena.

Jérémi 29:8

Naa, lai sunyanu lé Gakelebale, Izraɛl lé Bale léma: Kalé balelayezannu lé wo ke ka va koo, kalé ’monédɔzannu koo, té ka zi nɔ wo lɛ léé, wo dabli kɛlɛ ka lɛ lo, yé nyɛgyɛzannu lé woo nyɛ gya kalé we nya, té ka tɔné dɔ wo lɛ lo.

Ézékiɛl 21:29

Amalé Mizan Gakelebale léma: Ka kalé weple sele dɔ an gi kalé bélidɔwe sɔnnénu sɛrɛle gɔrɔ la koo, kalé wenyanénu nagɔɔnle ka kɛlɛwenu faa gi koo, wo nya. Naa, ka wo sele dɔ an gi, amalé ka nyanézan é dan ka kun lɛ.

Daniɛl 4:7

Yé yokɛlɛzannu koo, monénénu va ’monédɔzannu koo, Kaldé munu koo, ’monédɔzannu koo, wo da. Maa nyɛo fe wo lɛ, yé wo ’ka a gi fe lɛ an lɛ lo.

Misé 3:7

Yara é dan kalé fɛnayezannu gyɛ lɛ, yé ’monédɔzannu yuɛ é dan tana lɛ. Kazambale ’ka dan we lɛ wo zi lo, amalé wo dan ’wo yara yɔɔ lɛ.

Zakari 10:2

Naa, térafimnu dére a é pla, ’monédɔmunu éé tɛlɛ tɛlama we fé vié nya; nyɛ ginu a vié nya, yé woo mi tɔrɔ paan boawenu nya. Amalé munu a wona bwi gi bélé trubɛ palu zo. Wo pazan ’ka lo, amalé wa wenaané bɔmazannu nya.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Kelewenu 8:11

É munu gi vuru élé yo kɛlɛle nya ana mɔn, amalé woo tɔné dɔa a lɛ flee.

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

Bélidɔwesɛbɛ Fiézan 18:14

Naa, bɛnnu ’ko lé ka dan wo bin lɛ, woo tɔné dɔa monéné va ’monédɔzan valé ’monédɔzan lɛ; naa, Gakelebale, kalé Bale ’ka ’bɛ zi nɔ lɛ ka lɛ lo.

Jozué 13:22

Munu lé Izraɛl wo gyɛ, wo va mi do lé ke yuɛzizan Béɔɔ be Balaam lé wa gyɛ gwɔun nya, a nya.

Wegɔɔnle 18:23

kyɛbɔ ’ka dan bi lɛ i ta é dɛrɛ lo, yé wo ’ka dan lesizan valé bosizan dére ’ma lɛ i ta é dɛrɛ lo; ilé yaawomunu kɛlɛ tɛrɛlami blɛnnu nya, yé i bɛnnu faa saan ilé yo kɛlɛlenu nya,

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.

Wegɔɔnle 9:21

wolé migyɛle koo, wolé yo kɛlɛle koo, wolé pɛnpɛnné gyɛle koo, wolé kyeenwole koo, wo ’ka ’wo bli nɔla lɛ ’bɛnu kɛlɛle ma lo.