Jérémi 27:5 - Kazambale lé Sebe Sauunu 1979

⁵ Maa ɛ tɛrɛ kɛlɛ. Tɛrɛlamunu koo, tɛrɛlawinu koo, an wo kɛlɛ anlé plɛplɛ blɛn valé an bɛ plɛplɛ nya, yé dé mian é sɔ an lɛ léé, maa tɛrɛ nɔ a lɛ, a lɛ lé maa a no.

Jérémi 27:5 ပူးပေါင်းရင်းမြစ်များ

Wepélisiananu 1:25

Kazambale bwiiwinu kɛlɛ wo dɔgɔnɔ yɛrama do do, yé é flawinu kɛlɛ wo dɔgɔnɔ yɛrama do do, yé é tawoplɛlawinu kɛlɛ wo dɔgɔnɔ yɛrama do do; yé Kazambale a ye ’léé, ’bɛ a é zima.

Wepélisiananu 9:6

Dé mi do mi nyɛ zana, munu é dan ’bɛzan nyɛ zana lɛ é ziin; Kazambale mi kɛlɛ é dɔbɛ gi, azama.

1 Minwiinzannu 8:42

naa, wa gi dɔɔ léé, i tɔ a blɛn, yé i bɛ a plɛplɛ yé i bɛ a é soile . . . dé é da bazoro lɛ kɔn ’ko gi,

Ezidras 1:2

Pɛɛs munu nwiinzan blɛn Sirus léma: Gakelebale, lanu lé Bale tɛrɛ la fuatɛrɛ faa nɔ an lɛ yé é an bélidɔ léé, ’an kɔn dɔ Jérusalɛm, Juda tɛrɛ la.

Néémi 9:22

I bɛn tɛrɛnu valé migɔnɔnu nɔ wo lɛ, yé tɛrɛnu lé wa si wo nyanézannu lee, bé guli wo ma. Wo Esibɔn nwiinzan blɛn Sioni valé Bazan nwiinzan blɛn Ɔg lé tɛrɛnu si wozé nya.

Lɛrɛvɔ Sɛbɛ 102:25

Maa léé: Anzé Bale, bii lé i yi ’léé ’ka lo, Té i an yinu bɔi a ta lo.

Lɛrɛvɔ Sɛbɛ 96:5

Naa, munu lé balenu faa a miyilinu nya, Yé Gakelebale ɛ lanu kɛlɛ.

Fwile 20:11

Lanu valé é gifɛnu koo, tɛrɛ valé é tafɛnu koo, wɛyi valé é vafɛnu koo, Gakelebale wo kɛlɛ yi suiɛdo wuo, yé é flin a yi sɔrafiézan nya; bɛwemalé Gakelebale flinyi drɔɔ vo yé é a pa é yɛrama.

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Ézai 42:5

Bale, Gakelebale lé É lanu kɛlɛ, ’té éé wo sɔɔlaan, É tɛrɛ pla alé fɛnu dɔle we ma, É tɛrɛ tamunu vo é yuɛma Yé é flinle nɔ munu lé wo ke tawona tɛrɛ la, wo lɛ. É léma:

Ézai 44:24

I tabozan Gakelebale lé É i ma’lɛrɛle sia i yaabléyi va, é léma: Maa Gakelebale, maa fɛ faa kɛlɛ; Maa lanu fwila an do kpen, An tɛrɛ pla an do kpen.

Ézai 45:12

Maa ɛ tɛrɛ kɛlɛ, Yé maa ɛ mi bɔra a ta; Maa lé, an bɛnu ɛ lanu fwila, Maa ɛ wo gifɛnu dɔ ’wo dɔna.

Ézai 48:13

An bɛ tɛrɛ gane vɔ, An bɛyi ɛ lanu fwila, Maa wo laa tɔɔn, wo da.

Ézai 51:13

Yé Gakelebale lé é lanu fwila, ’té é tɛrɛ gane vɔ, ’Té é biibozen kɛlɛ, yé i gi é san ’bɛ maa? Yé yaamitazan lé ke kwa kulina léé, ’é i gyɛ, Mɛmalé i ma é vo nyɔɔnna ’bɛ lé bliflile lee yifaamaa? Yaamitazan lé bliflile a mɛ ɛ nyaa?

Jérémi 27:4

Yé i we pa wo ’léé, léé, ’wa fe wozannu lɛ léma: Lai sunyanu lé Gakelebale, Izraɛl lé Bale léma: ’Ka fe kazannu lɛ léma:

Jérémi 32:17

Aa, Mizan Gakelebale, bé ye, i lanu valé tɛrɛ kɛlɛ ilé plɛplɛ blɛn valé i bɛ plɛplɛ nya; i givuruwe do kpen ’ka lo.

Jérémi 51:15

É tɛrɛ kɛlɛ é bɛ plɛplɛ nya; Alé wedɔɔle nya lé é tɛrɛ gane vɔ; É lanu fwila élé gikinile nya.

Daniɛl 2:38

blaminu koo, bwi gi winu koo, lagi mianénu koo, dé wa fɛofɛana, é wo bɛ pa i lee, yé é i pla wo faa nwiin. Bii ɛ ke miyili ’wuo lé ke kyan nya, a nya.

Daniɛl 4:14

É sia plɛplɛ, yé é léé: ’Ka yili ’ko dia yé ’ka a bɛnu bɔi; ’ka a kwɛɛnu nyɔɔn, yé ’ka a poronu nwɛɛn; winu ’é fwi a wuo ma, yé a bɛnu ta mianénu ’é fwi.

Daniɛl 4:17

Fɛyuɛmalenu lé woo fɛnu tabin‐é, wo we ’ko ’wuo dɔ; mi sauunnu munu béli dɔ we ’ko nya, léé, munu faa a gi dɔɔ léé, plale mi nwiin faa a é plale Loruzan wuo; dé miomian sɔ a lɛ, éé ’bɛzan plaan munu nwiin, yé éé munu faa va mi kiéné kɛla minwiinzan nya.

Daniɛl 4:22

minwiinzan blɛn, bii lé. Bii ɛ kɛlɛ blɛn yé bii ɛ kɛlɛ plɛplɛ. I kɛlɛle blɛn gi gyɛ yé é nwa fɔɔ yé é bɔ la ma, yé i plale mi nwiin bɔ fɔɔ tɛrɛ glɛ sina.

Daniɛl 4:25

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo, yé bé ble. Lolu é dan i kɛlɛ lɛ drɔɔdrɔɔ, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 5:18

Minwiinzan blɛn, balenu faa nwiin Bale, plale mi nwiin koo, kɛlɛle blɛn koo, tɔbɔle koo, fua zevɔle koo, é wo nɔ i ti Nébukanɛsaa lɛ. Kɛlɛle blɛn lé é a nɔ a lɛ bɛ,

Kelewenu 14:15

Éé, munu! Mɛmalé ka ke we ’ko zoɛ kɛlɛnaa? Ko é ziin, ko a blaminu nya bélé ka zo. Ko da wenéné ɛ fe lɛ ka lɛ. Ko da we pla lɛ ka lɛ léé, ’ka si fɛ pla ’konu zuo yé ’ka nɔla Bale yuɛmale va. ’Té la koo, tɛrɛ koo, wɛyi koo, fɛnu faa lé ke wo gi koo, é wo kɛlɛ bɛ, yee lé.

Kelewenu 17:24

Bale lé é tɛrɛ valé é tafɛnu faa kɛlɛ, é a Lazan valé Tɛrɛzan nya. É ’ka nyanaan kɔnnu lé mi a dɔa, wo gi lo.

Kelewenu 17:26

Bale a kɛlɛ léé, munu faa pun sina ’é kɛlɛ do, yé ’wo nyana tɛrɛ la fɛfaana. Yé é wo lɛɛnu glɛ dɔ, yé é munu nyanana glɛnu dɔ.

Bélidɔwesɛbɛ Fiézan 2:19

yé ko dan bié lɛ Amɔn lé nénu ma. Té ko guli vɔ wo lɛ lo, té ko guli dan wo va lo, naa, ’é ’ka dan Amɔnnu lé tɛrɛlafɛ do kpen nɔ lɛ ko lɛ lo; ’é a nɔ Lɔt lé nénu lɛ wozé nya, ’bɛzama.

Bélidɔwesɛbɛ Fiézan 2:21

wa migɔnɔ blɛn nya, yé wa kiɛre yé wa mi grɔgrɔnu nya bélé Anak munu zo. Gakelebale wo gyɛ Amɔnnu ’lɛ, yé Amɔnnu wo bin yé wo nyana wo pa gi.

Bélidɔwesɛbɛ Fiézan 2:7

Naa, Gakelebale, kalé Bale, é kalé nyanama faa drɔɔ vo; ta lé ka a wo bwi blɛn ta ’ko, é a gi dɔɔ. Ka lɛɛ yɔ fié lo, ’té yee Gakelebale, kalé Bale a ka va; fɛ do kpen ’ka vuru lɛ ka ma lo.

Bélidɔwesɛbɛ Fiézan 2:9

Gakelebale lé an lɛ léé, té ko guli vɔ Moab munu lɛ lo, té ko guli dan wo va lo; ’é ’ka dan wolé tɛrɛlafɛ do kpen nɔ lɛ ko lɛ lo, ’bɛzama; naa, ’é Aa nɔ Lɔt lé nénu lɛ wozé nya.

Bélidɔwesɛbɛ Fiézan 32:8

Dé Loruzan bɛnnu lé tɛrɛ nɔ, Dé é munu gi bɔi nuu, É munu lé tɛrɛ glɛ dɔ Izraɛl lé nénu ’léé yɛrama.

Bélidɔwesɛbɛ Fiézan 4:25

Dé ka né yaa, dé kalé nénu é né yaa, dé ka mɔn ana tɛrɛ la, dé ka kabo sɛrɛ, dé ka miyili nyaa, dé ka fɛofɛan foto kɛlɛ, we lé ke é naané Gakelebale kalé Bale yuɛ gi, dé ka ’bɛ kɛlɛ yé ka a bli fli,

Bélidɔwesɛbɛ Fiézan 4:32

We namɔnle kwakwa kyɛn lé é kɛlɛ, ’té wo ’ka tan ka yaa lɛ lo, é sia yian nya lé Kazambale mi kɛlɛ tɛrɛ la, yé é sia la glɛ do ma yé é bɔ a glɛ koɛ ma, ’ka nagini yé ’ka fe: ’bɛ zo we blɛnblɛnnu bɔ é vinin doo? wo ’bɛ zo we vinin ’maa?

Bélidɔwesɛbɛ Fiézan 4:35

Ka a we ’konu faa nayezannu nya, kalé a gi dɔɔle we gi léé, Gakelebale a Bale nya, yé bale bɛ ’ka lo.

Bélidɔwesɛbɛ Fiézan 5:16

I ti valé i bu lɛdɔma, Gakelebale, kalé Bale a fe ka lɛ fɛan zo, a zo, yé ka dan mɔn lɛ tɛrɛ la, yé ka gi é dan nana lɛ tɛrɛ lé Gakelebale, kalé Bale, a nɔ ka lɛ, a ta.

Bélidɔwesɛbɛ Fiézan 9:29

Gakelebale, wa ilé munu nya, wa ilé tɔnɔfɛ lé, i wo si Éjipiti tɛrɛ la ilé plɛplɛ blɛn valé i bɛ soile nya, a nya.

Kolɔs munu 1:16

Naa, fɛnu faa lé wa kɛlɛ la gi valé tɛrɛ la bɛ, Jézu gi lé wa kɛlɛ, fɛnu lé wa yé koo, fɛnu lé wo ’ka wo yé lo koo, webleblinnu koo, tɔmunu koo, wemaplɛplɛzannu koo, fɛ lé wa lɛdɔama koo, woo lé. Yee ɛ wo faa kɛlɛ yé wa kɛlɛ yee ɛzé nya.

Ébrunu 1:2

Naa, sin, bléyi voéla ’ko gi, é we fe kaa lɛ é Be Jézu lɔlu nya. É fɛnu faa nɔ é Be Jézu lɛ ’bɛzé nya yé Jézu nya lé é fɛnu faa kɛlɛ.

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.