Jérémi 27:18 - Kazambale lé Sebe Sauunu 1979

¹⁸ Dé wa balelayezannu nya webozen nya, yé dé Gakelebale dére a wo ’léé webozen nya, ’wo muun pa lai sunyanu lé Gakelebale la léé, nyanamapafɛnu lé woo voo Gakelebale lé kɔn valé Juda nwiinzan blɛn lé kɔn gi valé Jérusalɛm, té ’wo go wo nya Babilɔn lo.

Jérémi 27:18 ပူးပေါင်းရင်းမြစ်များ

Wepélisiananu 20:17

Abraam na Sara lé we ma Gakelebale Abimélɛk lé kɔn gi lomu faa kɛlɛ sɔnzannu nya turu. Amalé Abraam bazoro Kazambale lɛ yé Kazambale Abimélɛk béli, yee valé é na valé é wuolomu nya, yé wo kɛlɛ néyaazannu nya é ziin.

1 Minwiinzannu 18:24

’Bɛ zuo, ’ka kazé bale tɔ laa; yé maa dan Gakelebale tɔ laa lɛ. Balean é a zi pa kyɛ nya, yee ɛ dan kɛlɛ lɛ Bale nya. Yé munu faa léé: ’Bɛ a é zima.

1 Minwiinzannu 18:26

Dirigɔné lé wa nɔ wo lɛ, wa si, yé wa ma’lɛrɛ; yé wo Baal tɔ laa, é sia bladi fɔɔ yé yiéyi pa, ’té wa fé léé: Baal, ’i we ko lɛ! Naa, dére valé we zi pale ’ka lo. ’Té woo fɔrɔan Baal banna lé wa kɛlɛ, a ’lɛ.

2 Minwiinmunu lé Wezuofe Sɛbɛ 32:20

Minwiinzan blɛn Ézékia valé balelawefezan Amosi be Ézai kun bazorole ma we ’ko lé we ma, yé wo siaa fɔɔ yé é bɔ la gi.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 18:20

Woo wezin lɛgi paan wenaané nyaa? Naa, wo guru bo an lee anlé tɛrɛla nyaale we ma. An da i va, an dɔle wolé we gi we ma, yee valé i bli dɔralale wo ma we ma; we ’ko sele ’é dɔ i gi ma.

Jérémi 42:2

’I kolé dunuvɔmadére nyi si. Ko faa lé ko vo ’ko, ’i go kolé muun nya Gakelebale ilé Bale va. Sin, i ’ka ko yé loo? Ko a é vinin kiɛre, yé sin, ko ’léé vo sɛné.

Jérémi 7:16

Yé bii, té i dɔ mi ’konu lé we gi lo. Té i dére éé bié wolé zanté vɔlenu valé wo ma bazorole nya lo. Té i wo mawe fe an lɛ dunuvɔmadére nya lo, naa, maa ’ka dan an tɔné dɔ lɛ i lɛ lo, azama.

Ézékiɛl 14:14

yé dé é kɛlɛ léé, Noé koo, Daniɛl koo, Job koo, wana wo méléna kɔɔn, ’té wo mi yaa ’ko saa ɛ dan si lɛ we gi wo kɛlɛwe tegele ma. A zo lé Mizan Gakelebale a fe.

Ézékiɛl 22:30

Yé an mi do nagini wo va léé, ’é gɔrɔ guru do dɔ an ’lɛ, yé é dɔ gɔrɔ buruna tɛrɛ ’ko tamunu ’lɛ, zi dɔle an lee we ma léé, té maa wo kulu ga lo. Naa, an ’ka mi do kpen ye lɛ lo.

Malasi 1:9

Sin, ’ka bazoro Gakelebale lɛ léé, a nyanai ’é zén ko ta. É dan ka si lɛ é zimaa? É si ka ɛ va. A zo lé lai sunyanu lé Gakelebale a fe.

1 Samuɛl 12:19

Munu faa lé Samuɛl lɛ léé: ’I bazoro Gakelebale, ilé Bale lɛ i wuozannu lé we ma, té ko ga lo we gi; naa, ko kolé wenyanénu taa pa ko nwiinzan ma laale nya.

1 Samuɛl 12:23

Yé dé maa daan bazorole ma ka zuo ’té ma wenyané kɛlɛ. Té maa ’bɛ zo wenyané kɛlɛ lo ma. Maa dan zi drɔle valé zi zima gɔɔn lɛ ka lɛ.

1 Samuɛl 7:8

yé wo lé Samuɛl lɛ léé: Té i daan siaale ma Gakelebale, kolé Bale lɛ kolé we ma lo, alé ko sile Filisitinu lee we gi.