Jérémi 27:13 - Kazambale lé Sebe Sauunu 1979

¹³ Mɛmalé bii valé ilé munu é dan ga lɛ gwɔun koo, lɔrɔ koo, migyɛgyɛ koo, wo lee? Gakelebale léé, dé bɛn‐an ’ka pla lɛ Babilɔn nwiinzan blɛn wuo lo, é dan ga lɛ, yee kaan loo?

Jérémi 27:13 ပူးပေါင်းရင်းမြစ်များ

Wegɔnévɔlenu 8:36

Naa, mi lé éé wenyané kɛla an ma, éé wenyané kɛla ébozen ma; Munu faa lé woo an za paan, gale sɔ wo lɛ.

Jérémi 17:4

Ka pagi lé we ma lé tɔnɔ lé maa a nɔ ka lɛ bɛ, é dan san lɛ ka lee. Ka dan kɛlɛ lɛ ka nyanézannu wuozannu nya, tɛrɛ lé ka ’ka ana dɔɔa lo, ana. Naa, ka anlé bliflile nwa bélé kyɛ zo, amalé an bli flile ’ka dan nyaa lɛ lo.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 27:8

Dé bɛn do léé, dé bɛntɛrɛ do léé, dé é ’ka pla lɛ yee Babilɔn nwiinzan Nébukanɛsaa wuo lo, yé dé é ’ka a nyi si lɛ léé, é kɛlɛ alé luu nya lo, maa dan we lɛdɔ lɛ ’bɛ bɛn ’ko gi, gwɔun koo, lɔrɔ koo, migyɛgyɛ koo, wo nya fɔɔ yé maa a kulu ga yee Nébukanɛsaa bɛ nya. Maa Gakelebale ɛ ke a fena.

Jérémi 38:2

Gakelebale léma: Mian é vo fla ’ko ta, é dan ga lɛ, dé gwɔun léé, dé lɔrɔ léé, dé bawurumagyɛ léé, a nya; naa, mian é dan si lɛ ana yé é go Kaldé munu va, é dan so lɛ we lee, é dan vo lɛ é yuɛma, é dan béli lɛ.

Jérémi 38:20

Jérémi a zi pa léé: Wo ’ka dan i pa lɛ wo lee lo. ’I tɔné dɔ Gakelebale dére lɛ, wean maa a fe i lɛ bɛ, a lɛ. I dan wezin ye lɛ yé i dan béli lɛ.

Jérémi 38:23

Wo dan go lɛ ilé lomu valé ilé nénu faa nya Kaldémunu va; yé bii, i ’ka dan so lɛ wo lee lo. Babilɔn nwiinzan blɛn é dan i kun lɛ, yé wo dan fla ’ko kyɛ ble lɛ.

Ézékiɛl 14:21

Amalé we lé Mizan Gakelebale a fe, yee lo: Dé maa anlé welɛdɔ migifɛ ziɛn pa Jérusalɛm lɛ zia, gwɔun koo, lɔrɔ koo, migyɛwinu koo, migyɛgyɛ koo, woo lé, dé maa wo pa zia blaminu valé winu kulu gale we ma,

Ézékiɛl 18:24

Dé mi tegele é yara si élé we tegele kɛlɛle ta ’té éé weple kɛla, dé é mi nyané lé bozowenu zuosona ’naan, é dan vo lɛ é yuɛmaa? Alé we tegele kɛlɛle sele é dan saan lɛ an gi, naa, é ébo nɔ weple valé wenyané kɛlɛle lɛ, amalé é dan ga lɛ.

Ézékiɛl 18:31

Bélidɔwe sɔnné sɛrɛlenu faa lé wo ke kalé wenyanénu nya, ’ka sɔn vɔ wo ma. ’Ka ka bli kɛlɛ bli dɛrɛ nya, yé ’ka ’wuogibɔrɔlenu nɔla. Izraɛlnu, mɛmalé ka gaan?

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?