Jérémi 26:2 - Kazambale lé Sebe Sauunu 1979

² Gakelebale léma: ’I dɔ Gakelebale lé kɔn gɔrɔ gi yé munu lé wo si Juda flanu faa la yé wo dia ’wo bli la Gakelebale lé kɔn gi, dérenu faa lé maa i béli dɔ a nya, bé fe wo lɛ. Té i paa a do kpen zi lo.

Jérémi 26:2 ပူးပေါင်းရင်းမြစ်များ

Jérémi 1:17

Yé bii, ’i nwa, ’i kyɛsidi dɔ i gyɛn, yé we faa lé maa dan a fe lɛ i lɛ bɛ, bé fe wo lɛ. Té gligli é zén i gi wo ’lɛ lo, dé maa ɛ da gligli zén i gi wo ’lɛ.

Jérémi 1:7

Yé Gakelebale lé an lɛ léé: Té bé fe léé, ’é a nékénéné nya lo. Naa, munu faa lé maa i nwunvɔ wo va, i dan go lɛ wo va, yé we faa lé maa a pa i ’léé, i dan a fe lɛ wo lɛ.

Jérémi 19:14

Jérémi si Tofɛt, fɛana lé Gakelebale a nwunvɔ balelawe fele we ma, ana. ’Bɛ zuo yé é dɔ Gakelebale lé kɔn gɔrɔ gi, yé é lé munu faa lɛ léé:

Jérémi 23:28

Balelayezan lé é nyɛ gyɛ, ’élé nyɛ gi fe ma, yé mian é an dére ’ma, ’é a gi fe yarapalale nya ma. Mɛmalé ka ’sapɛɛ valé ’sawɔlɛ vɔɔ?-?aan? Maa Gakelebale ɛ ke a fena.

Jérémi 25:2

Yé Jérémi dére ’ko fe Judamunu faa valé Jérusalɛm munu faa lɛ, yé é léma:

Jérémi 28:5

Balelayezan Jérémi a zi pa balelayezan Aanania lɛ, Balebanmunu valé munu faa lé wo ke é dɔle Gakelebale lé kɔn gi, wo yuɛ va.

Jérémi 36:10

Jérémi dére lé ke é gyɛle sɛbɛ gi, Baruk a ta fe munu faa lɛ Gakelebale lé kɔn gi, sɛbɛgyɛzan Safan be Gémaria zé fɛna, Gakelebale lé kɔngɔrɔ loru zia, kɔn ’léé dɛrɛ nazia.

Jérémi 42:4

Balelayezan Jérémi lé wo lɛ léé: Maa ’ma; maa dan go lɛ bazoro lɛ Gakelebale kalé Bale lɛ, kalé we laale yɛrama; yé Gakelebale é dan a zi pa lɛ fɛan zo, maa dan a faa fe lɛ ka lɛ. Maa ’ka dan a gɔ do kpen yɔɔ lɛ ka ma lo.

Jérémi 7:2

’I dɔ Gakelebale lé kɔn ’léé, yé ’i dére ’ko zana dɔɔ ’bɛna, léé: ’Kaa Juda munu faa lé ka wɔra kɔn ’léénu ’ko na, ka ’wuo tuale Gakelebale lɛ we ma bɛ, ’ka tɔné dɔ Gakelebale dére lɛ.

Jérémi 7:27

Dé i we ’konu faa fe wo lɛ, wo ’ka dan ’wo tɔné dɔ lɛ i lɛ lo. Dé i siaa wo ta, wo ’ka dan a zi pa lɛ i lɛ lo.

Ézékiɛl 3:10

É lé an lɛ léé: Blami be, dérenu faa lé maa dan wo fe lɛ i lɛ, bé ’ma ma, ’é vo i bli gi ma.

Ézékiɛl 33:7

Yé bii blami be, maa i dɔ Izraɛl munu lé flataginizan nya. Dére lé éé sié an ’léé, é a lé i tɔné dɔ a lɛ, yé i we lɛ kini wo lɛ an lɛ gi.

Ézékiɛl 40:4

Mi ’ko lé an lɛ léma: Blami be, ’i yɛrɛ gini i yuɛ nya, yé ’i we ’ma i tɔné nya. Yé we faa lé maa dan wo nagɔɔn lɛ i lɛ, ’é vo i ’wuo gi. Naa, wo da i nya ’ko, léé, maa we ’konu gɔɔn i lɛ. Fɛnu faa lé i dan wo ye lɛ, bé nagɔɔn Izraɛl munu lɛ.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

WENÉNÉ LÉ LUK A GYE (Évangile selon Luc) 19:47

É a we paana munu gi Balebangikɔn gi yi faa do do ma. Naa, Balebanmunu segelenu koo, sɛbɛgifemunu koo, munu segelenu koo, wa kwa kulina léé, ’wa gya,

WENÉNÉ LE JAN A GYE (Évangile selon Jean) 18:20

Jézu lé a lɛ léé: Maa we fe munu lɛ gɔrɔ la, ’té an we paan munu gi yifaama bazorokɔn valé Balebangikɔn gi, fɛana lé Juifinu éé zén‐é ékeva, ana; yé maa ’ka we do kpen fe lɛ kyeen gi lo.

WENÉNÉ LE JAN A GYE (Évangile selon Jean) 8:2

Naa, bladi pa aan wo é go é ziin Balebangikɔn gi yé munu faa go a va. É nyana, yé é vo we paana wo gi.

Kelewenu 20:20

Ka a gi dɔɔ léé, wenu lé wo ka ma we nyian wo, an ’ka a gɔ do kpen yɔɔ lɛ ka ma lo. An we fe ka lɛ yé an we paa ka gi gɔrɔ la valé kɔnnu gi, té kana ’ka an gi lo,

Kelewenu 5:25

Yé mi do da a fe lɛ wo lɛ léé: Ka yua, munu lé ka wo vɔ bokɔn gi, wa we paana munu gi Balebangikɔn gi.

Kelewenu 5:42

Yé yi faa do do ma wo vo we paana munu gi, ’té woo Jézu Krist lé wenéné fé Balebangikɔn valé kɔnnu gi, wo ’ka daan lɛ a ma lo.

Bélidɔwesɛbɛ Fiézan 12:32

We lé maa a fena ka lɛ, ’ka wo lɛdɔma, ’ka wo ta tawo; té ka wo taa do kpen pa lo, té ka a do kpen si wo va lo.

Bélidɔwesɛbɛ Fiézan 12:5

’Ka a nagini é nyanana, fɛna do lé Gakelebale, kalé Bale é dan a si lɛ ézé nya ka bɛnnu faa va, yé é tɔ pa a ma, ’ka go yee ɛ na.

Bélidɔwesɛbɛ Fiézan 4:2

We lé maa a fena ka lɛ, té ka a taa do kpen pa lo, té ka a ke si a ta lo; naa, Gakelebale, kalé Bale lé bélidɔwenu lé maa a fena ka lɛ, ’ka wo ta we kɛlɛ.

Jozué 8:35

Dére faa lé Moizi a gyɛ bélidɔwe nya, Jozué a faa ta fe Izraɛlnu faa zénle ékeva lɛ, lomu valé nénu koo, bɛnnu lé wo ke tawona wo va koo, wo lɛ; é ’ka dére do kpen vo lɛ lo.

Wegɔɔnle 22:19

Dé mian é dére kenu si sɛbɛ ’ko lé balelaye wenu va, mibéliyili valé fla sauun lé, wo wolé we gyɛ sɛbɛ ’ko gi, Kazambale é dan azé si lɛ a lee.