Jérémi 26:19 - Kazambale lé Sebe Sauunu 1979

¹⁹ Juda munu nwiinzan blɛn Ézékia valé Juda munu faa, wo Misé gyɛɛ? Ézékia ’ka kana lɛ Gakelebale lee loo? É ’ka zanté vɔ lɛ Gakelebale lɛ loo? Yé wenaané lé Gakelebale a fe léé, é dan bɔ lɛ wo ma, é bli si a kɛlɛle lɛ. Yé kaa, kaa a a va léé, kaa ’bɛ zoɛ weple blɛn dɔ kaa nwiin?

Jérémi 26:19 ပူးပေါင်းရင်းမြစ်များ

2 Samuɛl 24:16

Lanje é bɛ soi Jérusalɛm ta a sɛrɛle we gi aan wo, Gakelebale bli nɔla wenyané ’ko ma yé é lé migyɛ lanje lɛ léé: É sɔ! ’I bɛ si ana sin. Gakelebale lé lanje bɔ Jébus mi Aravana lé ’sa sunwona sɔnɔ.

2 Minwiinmunu lé Wezuofe Sɛbɛ 32:20

Minwiinzan blɛn Ézékia valé balelawefezan Amosi be Ézai kun bazorole ma we ’ko lé we ma, yé wo siaa fɔɔ yé é bɔ la gi.

2 Minwiinmunu lé Wezuofe Sɛbɛ 34:21

’Ka go, sɛbɛ lé wa ye, ’ka a gi dére ta we laa Gakelebale lee, maa valé munu lé wo vo Izraɛl valé Juda tɛrɛ la, kolé we ma. Naa, ko tranu ’ka Gakelebale dérenu lɛdɔ lɛ a ma monomono lo, yé we faa lé wa gyɛ sɛbɛ ’ko gi, wo ’ka a ta tawo lɛ monomono lo, amalé Gakelebale bli a flina ko ma é baba.

Fwile 32:14

Yé Gakelebale bli nɔla we tɔntɔn lé é a a va léé, é a kɛlɛ élé munu lɛ, a ma.

Ézai 26:21

Naa, ka ye, Gakelebale nwa é nyanana yé é dan we lɛdɔ lɛ tɛrɛlamunu gi wolé wenyané blɛnnu ma, yé tɛrɛ é dan mi nyɛ zanale ta bɔra lɛ; é ’ka dan migyɛle yɔɔ lɛ é dɛrɛ lo.

Ézai 37:1

Minwiinzan Ézékia we ’ko ’ma aan wo, élé sɔnu fia yé é bɔlɔ zén ’é ta, yé é go Gakelebale lé kɔn gi.

Ézai 37:4

Dérenu lé Rabasaké a fe, ’té azan, Asiri munu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Jérémi 26:15

Naa, é a lé ka gi dɔɔ léé, dé ka an gyɛ, ’té ka weanwiinlozan gyɛwe dɔ kabo nwiin; ka koo, fla ’ko valé a tamunu koo, ka an gyɛwe dɔ ka nwiin. Naa, webozen lé, Gakelebale an pa ka lɛ zia dére ’konu faa fele ka lɛ we ma, azama.

Jérémi 26:3

Dé wo dan wo tɔné dɔ lɛɛ? Dé wo faa do do é dan si lɛ ’wo kɛlɛwe naanénu zuoo? Dé wa kɛlɛ, wenaané lé é a an gi léé, maa dan a bɔ lɛ wo ma wo kɛlɛwe naanénu lé we ma bɛ, maa dan an bli nɔla lɛ ’bɛ kɛlɛle ma.

Jérémi 44:7

Sin, Gakelebale, lai sunyanu lé Bale, Izraɛl lé Bale léma: Mɛmalé ka wenaané blɛn kɛlɛ kabozen lɛ yé gɔnénu koo, lomu koo, nénu koo, nyɔmanénu koo, ka wenaané ’ko kɛlɛ wo kulugawe nya Juda munu méléna fɔɔ yé ka va mi do kpen ’ka voo ana é dɛrɛ loo?

Amɔs 7:3

Gakelebale bli nɔla ’bɛ ma. Gakelebale léma: We ’ko ’ka dan bɔ lɛ é dɛrɛ lo.

Abaku 2:10

Migɔnɔ kiɛre kulu gale ma lé ilé kɔn kɛlɛ serelebomafɛ nya, yé biibozen lɛ lé i wenyané ’ko kɛlɛ.

Zakari 7:2

Sarɛsaa koo, Régɛm‐Mélɛk koo, alé munu koo, Bétɛl munu wo pa zia léé, ’wo go zanté vɔ Gakelebale ma,

Mi Nɔnɔle 16:38

Munu lé wobo bɔra gale lɛ wolé wenyané ma bɛ, ’i wolé kyɛnyɛsibɔnu si, yé ’i wo panu dɔ yé ’i wo bua balebanna ta. Wo wo dɔ Gakelebale ’lɛ, yé wo wo pa é yɛrama Bale zé nya, amalé wenu lé wo bɔ, wo dan kɛlɛ lɛ wo sele dɔ Izraɛlnu gifɛnu nya.

Matio 23:35

weanwiinlomunu nyɛ faa lé munu a zana tɛrɛ la, a we dɔle ka nwiin we gi; é sia mi tegele Abɛl ma fɔɔ yé é bɔ Barasi be Zakari lé ka a gyɛ Balebangikɔn valé balebanna worona bɛ, a ma, wo nyɛ lé é zana, a we a ka nwiin.

Kelewenu 5:39

Naa, dé é si Kazambale va ka ’ka bɔa a yi gale lɛ lo. Té ka bli si kabo lɛ yé ka guli dan Kazambale va lo.

Wegɔɔnle 16:6

Naa, wo Kazambale lé munu valé balelayemunu nyɛ zana, amalé ilé nyɛ nɔle wo lɛ yé wa mini yara lé.