Jérémi 26:15 - Kazambale lé Sebe Sauunu 1979

¹⁵ Naa, é a lé ka gi dɔɔ léé, dé ka an gyɛ, ’té ka weanwiinlozan gyɛwe dɔ kabo nwiin; ka koo, fla ’ko valé a tamunu koo, ka an gyɛwe dɔ ka nwiin. Naa, webozen lé, Gakelebale an pa ka lɛ zia dére ’konu faa fele ka lɛ we ma, azama.

Jérémi 26:15 ပူးပေါင်းရင်းမြစ်များ

Wepélisiananu 4:10

Yé Gakelebale léé: Mɛ lé bé kɛlɛ bɛɛ? I zuané nyɛ a wuvɔna tɛrɛ gi bɛ, yé maa a ’ma an tɔné gi ’ko.

Wepélisiananu 42:22

Rubɛn lé wo lɛ léé: Maa ’ka a fe lɛ ka lɛ yi la léé, té ka wenyané kɛlɛ né ’ko lɛ lo loo? Yé ka ’ka tɔné dɔ lɛ an lɛ lilo. Yé ka ye, wa nyɛ ma laa sin.

2 Minwiinzannu 24:4

é valé weanwiinlomunu nyɛ lé Manasé a zana, ’té é Jérusalɛm fan a nya bɛ, a we ma. É ziin, Gakelebale ’ka a va léé, é wo ma we vo lo.

2 Minwiinmunu lé Wezuofe Sɛbɛ 24:22

Wezinnu lé Zakari ti Jéojada a kɛlɛ minwiinzan blɛn Joas lɛ, a sele ’ka dɔ lɛ a gi lo, yé é a be gyɛ. Zakari a gana bléyian va, é léé: Gakelebale ’é ana yeoo ye, yé ’é we tegele kɛlɛ ma.

Wegɔnévɔlenu 6:16

Fɛ suiɛdo ’ka sɔ lɛ Gakelebale lɛ lo, maa fé, a sɔrafié faa za a a gi:

Wegɔnévɔlenu 6:17

mi gini é yuɛ zuozannu koo, viéwo nɛnɛ koo, munu lé woo weanwiinlozan nyɛ nwɛɛn‐an koo,

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 2:34

Yé nyanégyɛzannu valé weanwiinlozannu nyɛ a é zénle kalé varɔ gi, dɔlé ’té ka ’ka bɔ lɛ wo ma kɔn sɛrɛna yé wo wɔra a gi lo.

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Jérémi 22:3

Gakelebale léma: ’Ka we tegele valé we drɔle kɛlɛ; ’ka mi si vami lee; té ka nyané pa bɛn koo, ti valé bu galazan koo, zanagala le koo, wo ta lo; té ka glawe kɛlɛ mi lɛ lo; té ka weanwiinlozan nyɛ zana fɛkona lo.

Jérémi 26:12

Jérémi lé minwiinzannu faa valé munu faa lɛ léé: Wenu faa lé maa a fe munu ’ko valé fla ’ko ma, ’té ka a ’ma bɛ, Gakelebale ɛ an pa zia léé, ’maa wo fe.

Jérémi 30:1

Gakelebale we fe Jérémi lɛ yé é léma:

Jérémi 7:6

dé ka ’ka yaan bɛnnu koo, bu valé ti galazan koo, gyɛzarale koo, wo ta lo, dé ka ’ka weanwiinlozan nyɛ zanaan fɛkona lo, dé ka ’ka goo bale bɛnu zuo kalé we tɔntɔn bɔle ka ma we ma lo,

Mi Nɔnɔle 35:33

Tɛrɛ lé ka nyana ana, té ka a sɛrɛ lo, naa, mi nyɛ éé tɛrɛ sɛra. Nyɛ lé wa zana tɛrɛ la bɛ, a siafɛ ’ka lo, fɔɔ ’té mi lé é mi gyɛ, ’té wa gyɛ é wo.

Matio 26:25

A pamunuleezan Judas léma: Anzan, maa léé? Jézu a zi pa a lɛ léé: Yee lé bé fe bɛ.

Matio 26:4

Wa kwa kulina léé, ’wo Jézu kun dabli nya, yé wa gyɛ.

Kelewenu 7:60

Yé é powuo zun tɛrɛ va, yé é siaa dére plɛplɛ nya léé: Mizambale, té i wenyané ’ko dɔ wo nwiin lo. Dére ’konu fele zuo, é yi gyɛ.

Bélidɔwesɛbɛ Fiézan 19:10

’Bɛ zo lé, mi lé we ’ka a nwiin lo, a nyɛ ’ka dan zana lɛ é pla, tɛrɛ lé Gakelebale, kalé Bale a nɔ ka lɛ kalé tɔnɔfɛ nya, a ta lo, yé ka ’ka dan kɛlɛ lɛ migyɛzannu nya lo.

Wegɔɔnle 16:6

Naa, wo Kazambale lé munu valé balelayemunu nyɛ zana, amalé ilé nyɛ nɔle wo lɛ yé wa mini yara lé.