Jérémi 26:13 - Kazambale lé Sebe Sauunu 1979

¹³ Sin, ’ka ka kɛlɛwenu valé ka panyanama nɔla. ’Ka tɔné dɔ Gakelebale, kalé Bale dére lɛ. Yé wenaané lé Gakelebale a fe léé, é dan bɔ lɛ ka ma, é dan é bli nɔla lɛ a kɛlɛle ma.

Jérémi 26:13 ပူးပေါင်းရင်းမြစ်များ

Fwile 32:14

Yé Gakelebale bli nɔla we tɔntɔn lé é a a va léé, é a kɛlɛ élé munu lɛ, a ma.

Ézai 1:19

Dé ka an lɛdɔma bli drɔɔ nya, ka dan fɛ zinnu ble lɛ tɛrɛ ’ko la.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Jérémi 11:4

Maa gipadére ’ko fe ka tranu lɛ, yian nya lé maa wo si Éjipiti tɛrɛ la foliɛwɔlɛ gɔrɔ gi, a yi nya, yé maa léé: ’Ka tɔné dɔ an dére lɛ yé we faa lé maa dan ka béli dɔ lɛ a nya, ’ka kɛlɛ. ’Bɛna lé ka dan kɛlɛ lɛ anlé munu nya yé maa dan kɛlɛ lɛ kalé Bale nya.

Jérémi 18:11

Bé fe sin Judamunu valé Jérusalɛm munu lɛ léma: Gakelebale léma: Ka ye, an we tɔntɔn ma’lɛrɛ léé, ’é bɔ ka ma. Maa a an bɔn‐in bɔrɔna ka mawe do nya. Ka faa do do, ’ka daan ka kɛlɛwe nyanénu ma. ’Ka ka kɛlɛwe naanénu valé ka panyanamanu vo, ’ka a dɛrɛ sia.

Jérémi 18:8

Naa, bɛn lé maa a mawe fe, dé é daan élé we lɛrɛlɛrɛ kɛlɛle ma, wenaané lé ke an bli gi léé, maa kɛla a lɛ, maa dan an bli si lɛ ’bɛ lɛ.

Jérémi 26:19

Juda munu nwiinzan blɛn Ézékia valé Juda munu faa, wo Misé gyɛɛ? Ézékia ’ka kana lɛ Gakelebale lee loo? É ’ka zanté vɔ lɛ Gakelebale lɛ loo? Yé wenaané lé Gakelebale a fe léé, é dan bɔ lɛ wo ma, é bli si a kɛlɛle lɛ. Yé kaa, kaa a a va léé, kaa ’bɛ zoɛ weple blɛn dɔ kaa nwiin?

Jérémi 26:3

Dé wo dan wo tɔné dɔ lɛɛ? Dé wo faa do do é dan si lɛ ’wo kɛlɛwe naanénu zuoo? Dé wa kɛlɛ, wenaané lé é a an gi léé, maa dan a bɔ lɛ wo ma wo kɛlɛwe naanénu lé we ma bɛ, maa dan an bli nɔla lɛ ’bɛ kɛlɛle ma.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 36:3

Wenaané faa lé é a an bli gi léé, maa dan a kɛlɛ lɛ Juda munu lɛ, dé wa ’ma, dé wo faa do do é dan daan lɛ wo kɛlɛwe naanénu maa? Dé wa kɛlɛ, maa dan wo ma we vo lɛ wolé weplenu valé wolé wenyané ma.

Jérémi 38:20

Jérémi a zi pa léé: Wo ’ka dan i pa lɛ wo lee lo. ’I tɔné dɔ Gakelebale dére lɛ, wean maa a fe i lɛ bɛ, a lɛ. I dan wezin ye lɛ yé i dan béli lɛ.

Jérémi 42:10

Dé ka vo tɛrɛ ’ko la, maa dan ka nyana lɛ ana kli, maa ’ka dan ka kulu ga lɛ lo; maa dan ka suni wɔra lɛ, maa ’ka dan ka dia lɛ lo, naa, wenaané lé maa a kɛlɛ ka lɛ, an bli si ’bɛ lɛ.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Joɛl 2:14

Dé é dan da lɛ ka va é ziin, yé é bli nɔlaa? Dé alé drɔɔvole é dan vo lɛ a pa gii? Dé é dan Gakelebale, kalé Bale lé blɛnu valé baleban’yinu vo lɛ é pa gii? De ɛ ’bɛ gi dɔɔ?

Jonas 3:9

Dé Bale é dan é bli nɔla lɛ yé é bli flile plɛplɛ vo, yé ko ’ka zamaga wo loo?

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Bélidɔwesɛbɛ Fiézan 32:36

Gakelebale é dan élé munu lé we ble lɛ; Dé é a ye léé, wolé plɛplɛ nyaa wo lee, Yé luu valé miné ’ka ana lo, É dan é nyanai zén lɛ é wuozannu ta.

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

Weblezannu 2:18

Dé Gakelebale weblezannu nwa, ’té Gakelebale a ’bɛ weblezan va yé é wo si wo nyanézannu lee weblezan yuɛma bléyi faa va; naa, Gakelebale nyanai é zén wo ta wolé dunnu lé wa wo klepawotazannu valé nyanépawotazannu lee, alé we ma.