Jérémi 25:9 - Kazambale lé Sebe Sauunu 1979

⁹ amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 25:9 ပူးပေါင်းရင်းမြစ်များ

2 Minwiinzannu 24:2

Kaldénu lé sunyanu koo, Sirinu lé sunyanu koo, Moab munu lé sunyanu koo, Amɔn munu lé sunyanu koo, Gakelebale wo pa zia Jojakim ma; é wo pa zia Juda ma a sɛrɛle we gi, dére lé Gakelebale a fe é wuozannu balelayezannu lɔlu nya, a yɛrama.

2 Minwiinmunu lé Wezuofe Sɛbɛ 29:8

Amalé Gakelebale bli fli Judanu valé Jérusalɛm munu ma, yé we bilibilinu koo, we tɔntɔnnu koo, mi ma we nanalenu koo, Bale a bɔ wo ma, ka a yé fɛan zo, a zo.

2 Minwiinmunu lé Wezuofe Sɛbɛ 36:21

Gakelebale dére lé é a fe Jérémi lɔlu nya bɛ, yé a lɛɛ é sɔɔ; fɔɔ yé tɛrɛ gi é nana élé flin lɛɛnu lé we ma. Naa, tɛrɛ flin a sɛrɛle tata bléyi faa va, fɔɔ, yé a lɛɛ yɔ yaa wɔlɛ vu lɛ sɔɔ, a zo.

Wegɔnévɔlenu 21:1

Minwiinzan bli a bélé ’yiyoro zo Gakelebale lee; fɛana sɔ a lɛ, ana lé éé a yoroan.

Ézai 10:5

Asiri munu, anlé blifli vlewɔlɛ, wenaané ’é kɛlɛ ka lɛ ma. Vlewɔlɛ lé ke a lee, é a anlé bliflile nagɔɔnfɛ nya.

Ézai 13:3

Anlé sunyanu lé maa wo si a va, an dére nɔ wo lɛ; anlé nyanazannu, anlé bliflile lɛsɔɔzannu, maa wo laa. Munu lé wo gi nana an blɛn ma, maa wo laa.

Ézai 39:7

I benu lé i dan wo yaa lɛ bɛ, wo dan wo ke si lɛ yé wo dan wo kɛlɛ lɛ miblalenu nya Babilɔn nwiinzan lé kɔn gi.

Ézai 44:28

Maa lé Sirus ma léé, é a anlé ’blatabinzan nya, Yé é dan anlé blibɔmawe faa lɛ sɔɔ lɛ; É dan a fe lɛ léé, ’wo Jérusalɛm pa é ziin; É dan a fe lɛ léé, ’wo Balekɔn gane vɔ.

Jérémi 1:14

Yé Gakelebale léé: Dirikiniwe é dan si lɛ yirinwana bɛbolazia yé é sɔɔla tɛrɛ ’ko la munu faa ma.

Jérémi 1:15

Gakelebale léé: Naa, bé ye, maa dan yirinwana bɛbolazia bɛntɛrɛ faa laa lɛ; wo dan da lɛ yé wo dan wolé webleblinnu dɔra lɛ Jérusalɛm gɔrɔ ’léénu na; wo dan wo dɔra lɛ a gɔrɔ zi fɛfaana, yee valé Juda lé fla faa la. Maa Gakelebale ɛ ke a fena.

Jérémi 10:22

Ka ye, ko a ’ma léé, wa fena léé, Fla bɔgyɛwe a sina yirinwana bɛbolazia, Yé é Juda tɛrɛ la flanu kɛlɛ é ’bin nya, Yé é wo kɛlɛ gwenu yiɛna nya.

Jérémi 12:14

An zi bɛn nyanénu lé woo nwaan tɔnɔfɛ lé Bale a nɔ élé munu Izraɛl lɛ, a ma bɛ, Gakelebale wo ma we fe yé é léma: Ka ye, maa dan wo si lɛ wolé tɛrɛ la, yé maa dan Juda munu si lɛ wo méléna.

Jérémi 18:16

Wo ’wolé tɛrɛ kɛlɛ boatɛrɛ nya, ’té munu a ma we nanaan; Munu faa lé woo giéan ana, woo dɔa dan‐uun, ’té woo ’wuo nyɔɔn‐an.

Jérémi 2:15

Golizra boronénu éé wé wo ma, woo siaan wo ta, Woo ’wiié wolé tɛrɛ ta; Kyɛ wolé flanu ble, mi ’ka nyanaan wona é dɛrɛ lo.

Jérémi 20:4

Naa, Gakelebale léma: Bé ye, maa dan di kini lɛ i gi, bii valé i béénu faa nya; wo nyanézannu é dan wo gyɛ lɛ gwɔun nya i yuɛ va. Yé maa dan Juda munu faa pa lɛ Babilɔn nwiinzan blɛn lee, yé ’bɛ é dan go lɛ wo nya luu gi Babilɔn yé é dan wo gyɛ lɛ gwɔun nya.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 25:8

Bɛwemalé lai sunyanu lé Gakelebale léma: Ka ’ka ka tɔné dɔ lɛ an dérenu lɛ monomono lo,

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 35:11

Bléyian va lé Babilɔn munu nwiinzan blɛn Nébukanɛsaa nwa tɛrɛ ’ko ma, ko léé, kaa go Jérusalɛm; kaa si Kaldé munu valé Siri munu lé sunyanu ma baa. ’Bɛ zo lé ko nyanaan Jérusalɛm.

Jérémi 36:2

’I sɛbɛ si, yé we faa lé maa a fe i lɛ Izraɛl munu koo, Juda munu koo, bɛnnu faa koo, wolé we ma, a péli sia yian nya lé an we fe i lɛ Jozias bléyi va fɔɔ kyɔ, ’i wo faa gyɛ yee sɛbɛ ta.

Jérémi 36:29

I Juda nwiinzan blɛn Jojakim mawe fe ’ko zo léma: Gakelebale léma: I sɛbɛ ’ko kyɛ ble, yé i léé, mɛmalé bé gyɛ sɛbɛ la léé, Babilɔn nwiinzan blɛn é dan da lɛ yé é dan tɛrɛ ’ko sɛrɛ lɛ tata, yé a tamunu valé a tawinu ta é dan saan lɛɛ?

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 40:2

’Té sunyanu ’lɛzan we fe kɔɔn Jérémi lɛ yé é léé: Gakelebale, ilé Bale we tɔntɔn ’konu fe tɛrɛ ’ko ma,

Jérémi 43:10

Yé bé fe Juifinu lɛ léé: Lai sunyanu lé Gakelebale, Izraɛl lé Bale léma: Ka ye, maa dan mi pa lɛ zia an wuozan Babilɔn nwiinzan blɛn Nébukanɛsaa laana, yé maa dan alé plaminwiin blin dɔra lɛ gɔlɛnu lé maa wo yɔɔ bɛ, wo ta, yé é dan é ganedɔrala tapi fwila lɛ wo ta.

Jérémi 46:20

Éjipiti a bélé dirida boroné zima zo, (Misɛrɛzan éé sié yirinwana bɛbolazia, é a dana.)

Jérémi 49:19

Bé ye, é si Juudɛn yuu tɔbɔle gɔɔn ma yé é nwa nyanana plɛplɛ ma bélé golizra zo. Kele tɔɔn, maa kɛlɛ léé, Édom munu é fwi, yé mi lé maa a si a va, maa dan ’bɛzan dɔ lɛ ana. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan lé é dan dɔ lɛ an ma, é a kyɛɛn?

Jérémi 6:1

’Kaa Bɛnjamɛn munu, ’ka fwi Jérusalɛm. ’Ka béli fɛn Tékoa, ’ka fɛ do nwa Bɛt‐Akérɛm tɔmase nya. Naa, woo we tɔntɔn valé dunuzénmitawe blɛn yé sina yirinwana bɛbolazia.

Jérémi 8:16

Wolé wisoonu a siaana Dan zia, yé tɛrɛ ma éé nyɔɔn‐an wo dére nya. Wa dana, yé tɛrɛ koo, é tafɛnu koo, fla koo, é tamunu koo, woo wo nyaan.

Ézékiɛl 12:20

Flanu lé munu éé nyanaan wo ta, wo dan wo sɛrɛ lɛ yé wo dan ’wii lɛ tɛrɛ ’ko ta. Yé ka dan a gi dɔɔ lɛ léé, maa lé ke Gakelebale nya.

Ézékiɛl 16:40

Wo dan da lɛ mi gu nya i va. Wo dan i gyɛ lɛ gɔlɛ nya yé wo dan i fɔn lɛ gwɔun nya.

Ézékiɛl 21:11

Yé bii blami be, ’i dunnu. ’I dunnu i sowɔlɛ yélile valé i bli kyɛ dɔle baba we ma. ’I dunnu wo yuɛ va.

Ézékiɛl 26:7

Naa, Mizan Gakelebale léma: Babilɔn nwiinzan, minwiinzannu ’é nwiinzan blɛn Nébukanɛsaa, maa dan a si lɛ Babilɔn yirinwana bɛbolazia, yé maa dan da lɛ a nya Tii ma, ’té wisoonu koo, gulidangoronu koo, wisootazannu koo, mi gu blɛn koo, ’té wa a va.

Ézékiɛl 36:5

Mizan Gakelebale léma: Iin, anlé maawole nwa wo ma bélé kyɛ zo; maa a we fena bɛn bɛnu valé Édom tɛrɛ faa lɛ. Wo lé wo anlé tɛrɛ si wozé nya, ’wiile ana fɛnu ta we ma bɛ, ’té wo gi éé nanama, ’té woo serele boo anlé tɛrɛ ma wo bli gi bɛ, maa a we fena wo ɛ lɛ.

Daniɛl 5:18

Minwiinzan blɛn, balenu faa nwiin Bale, plale mi nwiin koo, kɛlɛle blɛn koo, tɔbɔle koo, fua zevɔle koo, é wo nɔ i ti Nébukanɛsaa lɛ. Kɛlɛle blɛn lé é a nɔ a lɛ bɛ,

Abaku 1:12

Gakelebale, anlé Bale sauun, bian i lɛɛ ’ka lɛɛnu va lo loo? Ko ’ka dan ga lɛ lo. Gakelebaleoo, Gakelebale, i bɛn ’ko dɔ i déretawe kɛlɛzannu nya ilé munu ma. Anlé Gɔlɛgɔ, i bɛn ’ko nwa wo kɛlɛle ilé we lɛdɔ migizannu nya we ma.

Abaku 1:17

Bɛwemalé é dan élé séli vo lɛ é koro nyaa? ’Té éé bɛngɔnɔnu bɔrɔ boo yifaama, ’té a nyanai ’ka zén‐é wo ta loo?

Bélidɔwesɛbɛ Fiézan 28:37

Munu faa lé Gakelebale é dan go lɛ ka nya wo va, ka dan kɛlɛ lɛ wo givuruzannu koo, ka bomayérisi?-?zannu koo, plalazannu koo, wo nya.