Jérémi 25:3 - Kazambale lé Sebe Sauunu 1979

³ A péli sia Amon be Jozias plale mi nwiin lɛɛ vu ta yaazan nya fɔɔ kyɔ, an Gakelebale dére fe ka lɛ, a lɛɛ yɔ do wɔlɛ yaa lo. Maa a fe ka lɛ, maa a fe ka lɛoo, yé ka ’ka a ’ma lɛ an lɛ lo.

Jérémi 25:3 ပူးပေါင်းရင်းမြစ်များ

Wepélisiananu 22:3

Abraam nwa bladi tutu, é nyanatafɛ pla élé sokofale punu yé é ’é wuomunu fié valé é be Izak si. É kyɛ fén gyɛ balebanwi kyɛblele we ma yé wo nwa yé wo go fɛ lé Kazambale a fe a lɛ, ana.

1 Minwiinzannu 22:3

Izraɛl nwiinzan blɛn lé é wuomunu lɛ léé: Ka ’ka a gi dɔɔa léé, Ramɔt lé ke Galaad tɛrɛ la, é a kozé nya loo? Yé ko ’ka we do kpen kɛlɛna a sile Siri nwiinzan blɛn lee we gi lo.

2 Minwiinzannu 17:13

Gakelebale we pla Izraɛl valé Juda lɛ élé balelayezannu faa valé fɛnayezannu faa lɔlu nya, yé é lé wo lɛ léé: ’Ka si kalé zi naané ta, ’ka tawo anlé bélidɔwe yɛrama, ’ka an déretawe kɛlɛ, yé bélidɔwe lé maa a fe ka tranu lɛ yé maa a pa ka lɛ zia an wuozannu balelayezannu nya, ’ka a faa kɛlɛ tegele.

2 Minwiinmunu lé Wezuofe Sɛbɛ 24:19

Gakelebale balelayezannu pa wo lɛ zia léé, ’wo da wo nya ’é va é ziin, naa, wo ’ka wo tɔné dɔ lɛ wolé weplalenu lɛ lo.

2 Minwiinmunu lé Wezuofe Sɛbɛ 34:1

Jozias plale sia munu nwiin, ’té a lɛɛ a sɔraa. Yé é pla munu nwiin Jérusalɛm lɛɛ yɔ do wɔlɛ vu ta do.

2 Minwiinmunu lé Wezuofe Sɛbɛ 34:3

Jozias plale mi nwiin lɛɛ sɔraazan nya, bléyian va lé é a tan mi boroné nya, é kun é tra David lé Bale naginile ma; yé a plale mi nwiin lɛɛ vu ta fiézan nya é kun gɔ nwiin yobannanu koo, miyilinu koo, yofotonu koo, fɛfoto serelenu koo, wo sile ma Juda tɛrɛ la valé Jérusalɛm, ana kɛlɛle tegele we ma.

2 Minwiinmunu lé Wezuofe Sɛbɛ 34:8

A plale mi nwiin lɛɛ vu ta sɔraazan nya, alé tɛrɛ la valé alé kɔn gi kɛlɛle tegele zuo, Asalia be Safan koo, fla nwiinzan Maaséja koo, sɛbɛgyɛzan Joakaz be Joak koo, é wo pa zia léé, ’wo Gakelebale élé Bale lé kɔn ma’lɛrɛ.

2 Minwiinmunu lé Wezuofe Sɛbɛ 36:15

É sɔ Gakelebale wo tranu lé Bale lɛ léé, ’é élé munu valé ébozé nyanana tadɔ, amalé éé munu nwunvɔa wo va yifaama, léé, ’wo ’élé we pla wo lɛ.

Lɛrɛvɔ Sɛbɛ 81:13

Naa, wo bli a zi bɛ ta, amalé maa wo vo wobo lé blibɔmawe lee, Woo tawoo ’wobozen lé weplalenu yɛrama.

Fwile 8:20

Gakelebale a kɛlɛ a zo. Dirimabounu kiɛre kiɛre da Faraɔn valé é wuozannu lé kɔnnu gi, yé dirimabounu Éjipiti tɛrɛ faa sɛrɛ.

Ézai 55:2

Mɛmalé ka gɔɔli sɛra fɛ lé é ’ka fɛblele nya lo, a maa? Mɛmalé ka nyanama paan fɛ lé é ’ka ka kaan lo, a maa? Amalé ’ka tɔné dɔ an lɛ yé ka dan fɛ zin ble lɛ, Yé fɛ lé a néné éé mi ’léli selean é ’léé, i gi é dan nana lɛ a blele ma.

Jérémi 1:2

Amon be Jozias lé ke Juda munu nwiinzan blɛn nya, a plale mi nwiin lɛɛ vu ta yaazan nya, Gakelebale we ’konu fe Jérémi lɛ.

Jérémi 11:7

Naa, maa we ’ko lɛ kini ka tranu lɛ, yian nya lé maa wo si Éjipiti tɛrɛ la, a yi nya fɔɔ yi ’ko nya; maa vo we plana wo lɛ bladi yifaama, a fele nya wo lɛ léé: ’Ka tɔné dɔ an dére lɛ.

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 22:21

Maa we fe i lɛ ilé tɔnɔfɛ yebléyi va, Yé bii léé, ’é ’ka ’é tɔné dɔa an lɛ lo. I kiéné la bléyi va fɔɔ kyɔ, i we kɛlɛ ’bɛ zo, I ’ka i tɔné dɔ lɛ an dére lɛ lo.

Jérémi 25:4

Gakelebale é wuozannu balelayezannu faa nwunvɔ ka va yifaama, yé ka ’ka ka tɔné dɔ lɛ wo lɛ lo; ka ’ka wo ban lɛ ka tɔné nya lo.

Jérémi 26:5

dé ka ’ka ka tɔné dɔ lɛ anlé balelayezannu lé wo ke an wuozannu nya, ’té maa wo nwunvɔ ka va bɛ, wo lɛ lo, dɔlé ’té maa wo paan ka lɛ zia yifaama yé ka ’ka ka tɔné dɔ lɛ lo,

Jérémi 29:19

Wo ’ka ’wo tɔné dɔ lɛ an dére lɛ lo, yé an wuozannu lé wo ke balelayezannu nya, ’té maa wo paan wo lɛ zia yifaama bɛ, wo ’ka ’wo tɔné dɔ lɛ ’bɛnu lɛ lo, amalé maa dan a kɛlɛ lɛ a zo. Maa Gakelebale ɛ ke a fena.

Jérémi 32:33

Wo nwun zi dɔ an ta, wo ’ka an nagini lɛ lo; wo we paa wo gi yifaama, naa, wo ’ka wo tɔné dɔ lɛ léé, wo we paa ’wo gi lo.

Jérémi 35:14

Dére lé Rékab bé Jonadab a fe é benu lɛ léé, té wo dɔrɔ mini lo, wa tawe kɛlɛ, yé wo ’ka a minian lo fɔɔ kyɔ; naa, wo dɔ wo tra dére ta, azama. Yé maa, an wefele sia ka lɛ bladi yé an ’ka daanma a ma lo, yé ka ’ka tɔné dɔ lɛ an lɛ lo.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 36:1

Juda munu nwiinzan blɛn Jozias be Jojakim plale mi nwiin lɛɛ ziɛnzan nya, Gakelebale we fe Jérémi lɛ yé é léma:

Jérémi 36:2

’I sɛbɛ si, yé we faa lé maa a fe i lɛ Izraɛl munu koo, Juda munu koo, bɛnnu faa koo, wolé we ma, a péli sia yian nya lé an we fe i lɛ Jozias bléyi va fɔɔ kyɔ, ’i wo faa gyɛ yee sɛbɛ ta.

Jérémi 44:4

Maa an wuozannu balelayezannu faa pa ka lɛ zia, yé an ’ka daan lɛ wo pale ma ka lɛ zia lo, a fele ka lɛ we ma léé, bozowe ’konu lé wo za ke an gi, té ka wo kɛlɛ lo.

Jérémi 7:13

Yé Gakelebale léma: Sin, ka we ’konu faa kɛlɛ, yé an we plale sia ka lɛ yé ka ’ka a ’ma lɛ an lɛ lo, yé an ka laa, yé ka ’ka a zi pa lɛ lo.

Jérémi 7:25

Yian nya lé ka tranu si Éjipiti tɛrɛ la, é sia ’bɛ bléyi ma fɔɔ kyɔ, maa an wuozannu, balelayemunu pa ka lɛ zia; maa wo paan zia yifaama, yé an ’ka daan lɛ a ma lo.

Ézékiɛl 33:4

Dé mian é béli dére ’ko ’ma, yé é tɔné sia a ta, yé gwɔunzan bɔ a ma fiaa, alé we a ébo nwiin.

Zakari 1:4

Té ka kɛlɛ bélé ka tranu zo lo. Balelayezan vininnu we fe wo lɛ léé: Lai sunyanu lé Gakelebale léma: ’Ka si kalé zi naanénu ta, ’ka daan ka kɛlɛwe naanénu ma. Naa, wo ’ka ’wo tɔné dɔ lɛ ’bɛnu lɛ lo, yé wo ’ka a ’male nyi si lɛ an lɛ lo. A zo lé Gakelebale a fe.

Maak 1:35

Manegɔné fiézan wele nya, Jézu nwa yé é bɔra yé é go bwi gi bazoro lɛ.

WENÉNÉ LE JAN A GYE (Évangile selon Jean) 8:2

Naa, bladi pa aan wo é go é ziin Balebangikɔn gi yé munu faa go a va. É nyana, yé é vo we paana wo gi.

WENÉNÉ LE JAN A GYE (Évangile selon Jean) 8:47

Mi lé é ke Kazambale zé nya, éé tɔné dɔa Kazambale dérenu lɛ. Ka ’ka Kazambale lé munu nya lo, bɛwemalé ka ’ka ka tɔné dɔa a dére lɛ lo.

2 Timoté 4:2

’i Kazambale dére fe; ’i dɔ a ta plɛplɛ bléyi faa va, dé é a bléyi zin nyaoo, dé é ’ka a nya looo, ’i dɔ a ta plɛplɛ; ’i we vɔ munu lɛ, ’i we pla wo lɛ, ’i kwa kuli wo ma. ’Bé kɛlɛ bli tiéé nya, ’té i we paan wo gi yifaama.