Jérémi 25:29 - Kazambale lé Sebe Sauunu 1979

²⁹ Naa, ka ye, fla lé wo an tɔ laa ana, ana lé maa kun wenaané kɛlɛle ma, yé ’kaa, maa ’ka dan we lɛdɔ lɛ ka gi loo? We lɛdɔle ka gi ’ka dan vuru lɛ ka ma lo. Naa, maa dan tɛrɛlamunu faa gyɛ lɛ gwɔun nya. Maa, lai sunyanu lé Gakelebale ɛ ke a fena.

Jérémi 25:29 ပူးပေါင်းရင်းမြစ်များ

1 Minwiinzannu 8:43

’bé ’ma lanu gi, i nyanana, yé we faa lé bɛn ’ko a laa i lee, ’bé nɔ a lɛ ma, léé, tɛrɛ la bɛnnu faa i tɔ dɔɔ kanale i lee we ma, bélé ilé munu Izraɛl zo, yé wa gi dɔɔ léé, munu éé i tɔ laan, kɔn ’ko lé maa a dɔ, a gi.

Wegɔnévɔlenu 11:21

Weboen nya, wo dan we lɛdɔ lɛ mi nyanénu gi, naa, mi tegele kulu é dan si lɛ we gi.

Wegɔnévɔlenu 11:31

Bé ye, mi tegele éé gooli yé tɛrɛ la; mi nyané valé wenyanékɛlɛzan nii? Wo ’ka ’wozé yé loo?

Wegɔnévɔlenu 17:5

Mi lé éé we nanaan nyanégyɛzan ma, é a a Kɛlɛzan sɔnɔna, mi lé a gi éé nanaan blikyɛdɔwe ma, é ’ka dan vuru lɛ we lɛdɔle ’é gi ma lo.

Ézai 10:12

Naa, dé Mizan élé we kɛlɛle faa lɛ sɔɔ Siɔn gɔ nwiin koo, Jérusalɛm koo, wona faa, maa dan we lɛdɔ lɛ Asirinu nwiinzan blɛn gi, a kɛlɛwenu lé alé boblɛn a nagɔɔn a lɛ, wo ma, ’bɛ valé alé mi naginile é yuɛ zuo nya.

Jérémi 13:13

Yé bé fe wo lɛ léma: Gakelebale léma: Ka ye, maa dan tɛrɛ ’ko la munu faa bɔn fan lɛ yee ɛ zo; minwiinzan blɛnnu lé woo nyanaan David lé webleblin ta koo, Balebanzannu koo, balelayemunu koo, Jérusalɛm munu faa koo, maa dan wo faa gyɛ lɛ dɔrɔ nya.

Jérémi 19:3

Bé fe wo lɛ léma: Juda nwiinzannu valé Jérusalɛm munu, ’ka tɔné dɔ Gakelebale dére lɛ. Lai sunyanu lé Gakelebale, Izraɛl munu lé Bale léma: Ka ye, maa dan we tɔntɔn do kɛlɛ lɛ fɛkona lɛ, yé dé miomian é a zuo’ma, a tɔné zuogi éé wé, zeee.

Jérémi 30:11

Gakelebale léma: Naa, maa a bii va, i sile we lee we ma; Yé bɛnnu lé maa ka sɔɔla wo va, maa dan wo faa sɛrɛ lɛ tata, Naa, bii, maa ’ka dan i sɛrɛ lɛ tata lo, Maa dan we lɛdɔ lɛ i gi we tegele nya, Maa ’ka bɔa i vole lɛ é pla lo, é a lé maa we lɛdɔ i gi.

Jérémi 46:28

Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Jérémi 49:12

Naa, Gakelebale léma: Bé ye, mi lé é ’ka kɔɔn ’yi ’ko minizan nya lo, é dan a mini lɛ; yé bii, wo ’ka dan we lɛdɔ lɛ i gi loo? Wo dan we lɛdɔ lɛ i gi, i dan a mini lɛ.

Ézékiɛl 14:17

Eɛ, dé an da kɔɔn gwɔun nya fla ’ko la munu ma, dé maa fe kɔɔn léé, gwɔun ’é gié tɛrɛ ’ko la yé é blaminu valé winu kulu ga,

Ézékiɛl 14:21

Amalé we lé Mizan Gakelebale a fe, yee lo: Dé maa anlé welɛdɔ migifɛ ziɛn pa Jérusalɛm lɛ zia, gwɔun koo, lɔrɔ koo, migyɛwinu koo, migyɛgyɛ koo, woo lé, dé maa wo pa zia blaminu valé winu kulu gale we ma,

Ézékiɛl 38:21

Mizan Gakelebale léma: Maa dan gwɔunzannu pa lɛ zia anlé gɔ blɛnnu faa nwiin Gɔg ma. Gwɔunzannu faa é dan nwa lɛ ’wo bwenu ma do do.

Ézékiɛl 9:6

’Ka wo gyɛ; mi kwakwanu koo, pɛniɛnu koo, blɛnnu koo, nénu koo, lomu koo, ’ka wo gyɛ. Naa, dé miomian tɔmase ke a ma, té ka bié ’bɛzan ma lo. Yé ka péli sia anlé fɛna sauun na. Wa péli sia mi segelenu lé wo ke kɔn ’léé, wo ta.

Abudias 1:16

Naa, ka dɔrɔ mini anlé gɔ sauun nwiin fɛan zo, A zo duo lé bɛnnu faa é dan wozé mini lɛ, té wo ’ka daan a ma pelo. Wo dan dɔrɔ mini lɛ, ’té éé wo gya, Yé wo ta é dan saan lɛ bélé fɛan zo lé wo ’ka ana turu lo, a zo.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

WENÉNÉ LÉ LUK A GYE (Évangile selon Luc) 23:31

Naa, dé wo we ’konu kɛlɛ yili drɔɔdrɔɔ lɛ ’naan, ’té a gale zé é dan kɛlɛ lɛ kaa?

1 Piɛri 4:17

Weblebléyi bɔ sin, yé a péli éé sian Kazambale lé kɔngimunu va. Yé dé a pélisia kaa va, munu lé wo ’ka Kazambale lé Wenéné lɛdɔama lo, wozé we ’wuo é dan pla lɛ kaa?