Jérémi 25:27 - Kazambale lé Sebe Sauunu 1979

²⁷ Bé fe wo lɛ léma: Lai sunyanu lé Gakelebale, Izraɛl lé Bale léma: ’Ka a mini, yé ’é ka gyɛ yé ka féé a nya, yé ’ka dia, té ka nwa é ziin lo, guli lé é dan nwa lɛ ka ma, a yele we ma.

Jérémi 25:27 ပူးပေါင်းရင်းမြစ်များ

Ézai 51:21

Amalé nyanaizénlazan, ’i tɔné dɔ ’ko do, Ka lé ka Bale lé bliflile mini yé é ka gyɛ bélé nwɛ zo, dɔlé ’té nwɛ kaan lo, ’ka tɔné dɔ do.

Ézai 63:6

An bli flile zi an munu zɔn an gane nya, an wɛwɛ wo gyɛ nwɛ zo, yé maa wo nyɛ zana tɛrɛ va.

Jérémi 12:12

Fɛsɛrɛzannu éé sié bwi gi fɛna nwalenu faa na, Naa, Gakelebale lé gwɔun mi gyɛle sia tɛrɛ glɛ do la fɔɔ yé é bɔ a glɛ koɛ la; Vole drɔɔ ’ka mi do kpen zé nya lo.

Jérémi 13:13

Yé bé fe wo lɛ léma: Gakelebale léma: Ka ye, maa dan tɛrɛ ’ko la munu faa bɔn fan lɛ yee ɛ zo; minwiinzan blɛnnu lé woo nyanaan David lé webleblin ta koo, Balebanzannu koo, balelayemunu koo, Jérusalɛm munu faa koo, maa dan wo faa gyɛ lɛ dɔrɔ nya.

Jérémi 22:10

Té ka wuvɔ ka nwiinzan Jozias lé é ga, a ta lo, Té ka a gyɛ bo lo; A be lé é ke gona luu gi, ’ka wuvɔ ’bɛzan ta. Naa, é ’ka dan da lɛ é pa gi é dɛrɛ lo; É ’ka dan é yaatɛrɛ ye lɛ é dɛrɛ lo.

Jérémi 25:16

Wo dan a mini lɛ yé wo dan vɔ lɛ danké danké bélé gwegyɛzan zo. Guli lé é dan nwa lɛ wo ma, dé wa ye, é dan vɔ lɛ wo ’wuo gi gwe nya.

Jérémi 46:10

Yi ’ko a Mizan, lai sunyanu lé Gakelebale lé yi nya, We lɛgi payi lé, we lɛgi payi nya Gakelebale nyanézannu ma. Gwɔun é dan fɛ ble lɛ, é dan kan lɛ, Yé wo nyɛ é dan gwɔun gyɛ lɛ bélé nwɛ zo. Naa, Mizan lai sunyanu lé Gakelebale, éé saraka boo Yirinwana bɛbolazia tɛrɛ la, Yufrat yuu gɔ la.

Jérémi 46:14

’Ka a zuo fe Éjipiti tɛrɛ la, ’Ka a zana dɔɔ Migidɔl, Yé ’ka a zana dɔɔ Nofa valé Tapanɛs, Léé, ’i nwa, ’i ma’lɛrɛ, Naa, gwɔun a mi gyɛna i zi.

Jérémi 50:35

Gakelebale léma: ’Wo gwɔun sia Kaldé munu ma! ’Wa sia Babilɔn munu koo, a nwiinmunu koo, alé wedɔɔzannu koo, wo ma.

Jérémi 51:39

Dé nwɛ gié wo yuɛ ma, maa dan nwɛ taa nɔ lɛ wo lɛ, yé maa wo gyɛ a nya wobo nɔle ginanale lɛ we ma. ’Bɛ zuo yé wo dan yi gyɛ lɛ fɔɔ ’bɛ glɛ ’ka dɔa lo, yé wo ’ka vuoan é dɛrɛ lo. Maa Gakelebale ɛ ke a fena.

Jérémi 51:57

A nwiinzannu koo, alé wedɔɔzannu koo, Alé gbɔrɔnamanu koo, alé flazannu valé alé sunyanu koo, Maa dan wo gyɛ lɛ nwɛ nya, Maa dan wo ta pla lɛ yi nya, ’bɛ glɛ ’ka lo, ’té wo ’ka dan vuo lɛ é dɛrɛ lo; A zo lé minwiinzan blɛn lé, wa tɔ laama lai sunyanu lé Gakelebale, é a fe.

Jérémi Lé Wuvɔ Sɛbɛ 4:21

Édom munu, Usi tɛrɛ lamunu, Ka gi ’é nana é bléyi, ka a ka tanyila, Yee we duo é dan bɔ lɛ ka ma, Ka dan kle ble lɛ a gi, yé wo dan ka poro lɛ.

Amɔs 8:14

Samarinu lé wenyané lé ke ’wolé yonu nya, woo ’bɛnu ’nyɔɔn‐an yé wo léé: Dan, ilé bale tɔ gi, Bɛɛ‐Sééba zi, i tɔ gi; naa, munu faa lé wa kɛla a zo, wo dan dia lɛ yé wo ’ka dan nwa lɛ é dɛrɛ lo.

Naum 3:11

Bii é ziin, nwɛ é dan i gyɛ lɛ, yé i dan yɔɔ lɛ; bii é ziin, i dan i yɔɔna gini lɛ i nyanézannu lee.

Abaku 2:16

Yara lé i gyɛle é dan mini lɛ i tɔbɔle ta; bii é ziin, ’bé mini, yé ’ibo poro. ’Yiminikana lé é ke Gakelebale bɛyi lee bɛ, a minile é dan bɔ lɛ i ta, yé yaragyɛwe é dan ilé tɔbɔwe gi tiri dɔ lɛ.

Bélidɔwesɛbɛ Fiézan 32:42

Anlé gwɔun é dan wo nɛ so lɛ a ma, Mi tuolenu koo, luunu koo, An nyanézannu nwiinzannu ’wuonu koo, Wo nyɛ é dan zén lɛ anlé sawɔlɛnu ma bélé nwɛgyɛzan ma kyɛyee bɔle zo.

Wegɔɔnle 14:10

yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.