Jérémi 25:26 - Kazambale lé Sebe Sauunu 1979

²⁶ yirinwana bɛyilazia nwiinzannu faa, wo lé wo ke é pu valé wo lé wo ke baa, wo faa lé, bɛnnu faa lé wo ke tɛrɛ yuɛ la; wo lé maa kana nɔ wo lɛ yé wo ’yi mini a gi, wo lé ke bɛ, yé Sésak nwiinzan blɛn, ’bɛ é dan a mini lɛ wo zuo.

Jérémi 25:26 ပူးပေါင်းရင်းမြစ်များ

Ézai 51:23

Maa dan a nɔ lɛ munu lé woo yaan ka ta, wo lɛ. Wa fé ka lɛ turu léé: ’Ka bua, ko gié ka ta, Yé ka lala kɛlɛ bélé tɛrɛ zo wo lɛ, Bélé giémunu lé zi zo wo lɛ, maa dan yee kana nɔ lɛ wo ɛ lɛ.

Jérémi 25:12

Naa, lɛɛ yɔ yaa wɔlɛ vu ’konu nyaale zuo, maa dan we lɛdɔ lɛ Babilɔn nwiinzan blɛn valé bɛn ’ko gi, wolé weplenu lé we ma. Maa dan we lɛdɔ lɛ Kaldé tɛrɛ la munu gi, yé maa dan wo sɛrɛ lɛ lɛɛ faa zé nya. Maa Gakelebale ɛ ke a fena.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 51:41

Éé, mɛ léé? Wo Sésak si! Fla lé alé fuatɔ ke é bɔle tɛrɛ faa la, wa kele. Yé ’té mɛ léé? Wo Babilɔn sɛrɛ bɛnnu méléna!

Jérémi 51:51

Ko sɔnɔle ’ma aan wo, ’bɛ kɛlɛ ko ma yaragyɛwe nya; dé bɛnnu wɔra Gakelebale lé kɔn sauun gi, yara wɔra ko ’wuo ma.

Ézékiɛl 32:30

Ana lé yirinwana bɛbolazia mi blɛnnu faa ke, é valé Sidɔn munu faa nya; wo go gamunu va; wolé plɛplɛ éé di kinié munu gi, naa, duowo, yara wo gyɛ. Woo ganedɔlomunu ’ko, wo galenu yia munu lé wo wo gyɛ gwɔun nya, wo va, yé wo go ’wolé yaragyɛwenu nya wo lee, munu lé wo go guruwɔlɛ ma, wo va.

Abaku 2:16

Yara lé i gyɛle é dan mini lɛ i tɔbɔle ta; bii é ziin, ’bé mini, yé ’ibo poro. ’Yiminikana lé é ke Gakelebale bɛyi lee bɛ, a minile é dan bɔ lɛ i ta, yé yaragyɛwe é dan ilé tɔbɔwe gi tiri dɔ lɛ.