Jérémi 25:22 - Kazambale lé Sebe Sauunu 1979

²² Tii nwiinzan blɛnnu faa, Sidɔn nwiinzan blɛnnu faa, wɛyiworona tɛrɛ nwiinzan blɛnnu;

Jérémi 25:22 ပူးပေါင်းရင်းမြစ်များ

Ézai 23:1

Balelawe lé Ézai a fe Tii ma, yee lo. Taasis lé ’yitagoronu, ’ka wuvɔ. Taasis guru zana a gi; kɔn ’ka ana é dɛrɛ lo, wɔrana ’ka é dɛrɛ lo. Wa sina Kitim tɛrɛ la aan wo, wo we ’ko ’ma.

Ézai 23:15

’Bɛ bléyi va, munu gi é dan san lɛ Tii ma, lɛɛ yɔ yaa wɔlɛ vu; ’bɛ é dan kɛlɛ lɛ minwiinzan blɛn do plale nya munu nwiin. Lɛɛ yɔ yaa wɔlɛ vu nyaala nya, Tii lé we é dan kɛlɛ lɛ bélé bɔrɔdɛ le lé wa tɔ vɔ lɛrɛ nya, a zo. Wa vɔ lɛrɛ nya léé:

Ézai 23:4

Sidɔn munu, yara ’é ka gyɛ. Wɛyi we fe, wɛyi lé plɛplɛ we fe yé é léma: An ’ka tan vɔ lɛ lu zi lo, an ’ka tan né yaa lɛ lo; an ’ka fɛblele nɔ lɛ pɛniɛnu lɛ lo; an ’ka blɛnnu pa lɛ lo.

Jérémi 27:3

Édom koo, Moab koo, Amɔn koo, Tii koo, Sidɔn koo, i yee luubalenu pa wo nwiinzannu blɛn lɛ zia. Munu lé wo ’bɛnu nwunvɔ turu Jérusalɛm, Juda nwiinzan blɛn Sédésias va, bé nɔ wo lɛ yé wo goan wozannu lɛ.

Jérémi 31:10

’Kaa bɛnnu, ’ka tɔné dɔ Gakelebale dére lɛ, Yé ’ka a zana dɔɔ wɛyi worona tɛrɛ baanu ta, ’Ka fe léé: Mian é Izraɛl munu kini ékema, é dan wo zén lɛ ékema é ziin, Yé é dan wo tabin lɛ bélé ’blata‐binzan élé ’blanu tabin‐é fɛan zo, a zo.

Jérémi 47:4

Naa, a yi é dan bɔ lɛ yé wo dan Filisitinu faa sɛrɛ lɛ, Yé munu faa lé wo bɔ Tii valé Sidɔn munu va, wo dan wo kulu ga lɛ é ziin. Naa, Gakelebale é dan Filisitinu sɛrɛ lɛ, wɛyi worona tɛrɛ Kafitɔɔ lé munu lé wo vo, woo lé.

Ézékiɛl 27:27

Ilé fuafɛnu koo, ilé flɛnu koo, ilé yaawofɛnu koo, Ilé ’yitagoro gi nyanamapazannu valé a vɔzannu lé zigɔɔnzannu koo, Munu lé woo ilé ’yitagoronu fɔnnanu bééan, wo koo, Munu lé wo ke ilé yaawole zi ’lɛ, wo koo, Gulidanmunu faa lé wo ke i va koo, Mi gu faa lé é ke i va koo, Wo dan dia lɛ wɛyi wɔlɛ ma I diayi nya.

Ézékiɛl 28:1

Gakelebale lé an lɛ léma:

Ézékiɛl 28:20

Gakelebale lé an lɛ léma:

Ézékiɛl 28:21

Blami be, ’i yara nɔla Sidɔn vazia yé i balelawe fe a ma.

Ézékiɛl 29:18

Blami be, Babilɔn nwiinzan blɛn Nébukanɛsaa nyanama plɛplɛ nɔ élé sunya palu lɛ Tii munu ma. Palo wo faa gyɛ yé wo bɛapa faa ta kɔlɛ so yé nyanama lé é a pa Tii ma, é ’ka a ma ban do kpen ye lɛ lo. Yee koo, élé sunya palu koo, wo ’ka a ma ban do kpen ye lɛ lo.

Ézékiɛl 32:30

Ana lé yirinwana bɛbolazia mi blɛnnu faa ke, é valé Sidɔn munu faa nya; wo go gamunu va; wolé plɛplɛ éé di kinié munu gi, naa, duowo, yara wo gyɛ. Woo ganedɔlomunu ’ko, wo galenu yia munu lé wo wo gyɛ gwɔun nya, wo va, yé wo go ’wolé yaragyɛwenu nya wo lee, munu lé wo go guruwɔlɛ ma, wo va.

Ézékiɛl 39:6

Maa dan kyɛ zana lɛ Magɔg tɛrɛ la, ’bɛ valé munu lé woo nyanaan ’wobo ma duaa wɛyi worona tɛrɛnu la, wo ta. Yé wo dan a gi dɔɔ lɛ léé, maa lé ke Gakelebale nya.