Jérémi 25:15 - Kazambale lé Sebe Sauunu 1979

¹⁵ Naa, Gakelebale Izraɛl lé Bale we fe an lɛ yé é léma: Kana lé é ke é fanle anlé bliflile nya bélé dɔrɔ zo, bé si an lee, yé bɛnnu faa lé maa i nwunvɔ wo va, bé nɔ wo lɛ ’wa mini.

Jérémi 25:15 ပူးပေါင်းရင်းမြစ်များ

JOB (Job) 21:20

É a lé yee ɛ ébo guru zanale a gi na ye, É a lé yee ɛ Plɛplɛfaazan lé bliflile mini bélé nwɛ zo.

Lɛrɛvɔ Sɛbɛ 11:6

Kyɛnyɛnu koo, kyɛ valé povun koo, Éé wo zén‐é mi nyanénu ta bélé lɛɛ zo. Fu lé éé wo kyɛ blé, yee ɛ ke wo dɔlafɛ nya.

Lɛrɛvɔ Sɛbɛ 60:3

Baleoo, Bale, i ko si i ma; i ko kini ékema, I bli fli; ’i da ko nya é pai;

Lɛrɛvɔ Sɛbɛ 75:8

Naa, ’bɛ éé sié Bale ɛ va; Yee ɛ mi do tuaan, yé yee ɛ mi koɛ nwaan.

Lɛrɛvɔ Sɛbɛ 75:9

’Yiminikana ana Gakelebale lee, A gi lé dɔrɔ vɔɔle ke, ’té a tɔn éé dɔa, Yé é a ke zana, léé, Mi nyanénu faa lé wo ke tɛrɛ la, ’wa mini, ’wa minian fɔɔ yé é bɔ a wuobo ma.

Ézai 14:26

We lé é dɔ an gi tɛrɛ faa zé nya, yee lé ke bɛ. An bɛ lé é ke é soile bɛnnu faa ma, yee lé ke bɛ.

Ézai 34:2

Naa, Gakelebale lé bliflile é dan nwa lɛ bɛnnu faa ma, yé a wɛwɛ é dan dɔ lɛ wolé sunyanu faa ma. É dan wozé nyaa lɛ; é wo pa wo gyɛzannu lee.

Ézai 51:17

Jérusalɛm munuoo, ’ka vuo, ’ka nwa, Ka lé ka Gakelebale leekana gi bliflile mini, ’Yiminikana lé a gifɛ éé mi yuɛi nɔɔan, ka lé ka ’yi mini a gi, ’té ka foroloo vɔa fɔɔ yé ka bɔ a bo ma, ’ka vuo.

Ézai 51:22

Kazan Gakelebale, Kalé Bale lé é élé munu takuun‐an, é léma: Ka ye, ’yiminikana lé a gifɛ éé mi yuɛi nɔɔan, anlé bliflile zéngikana, Maa dan a si lɛ ka lee; Ka ’ka dan a gi ’yi mini lɛ é dɛrɛ lo.

Ézai 51:23

Maa dan a nɔ lɛ munu lé woo yaan ka ta, wo lɛ. Wa fé ka lɛ turu léé: ’Ka bua, ko gié ka ta, Yé ka lala kɛlɛ bélé tɛrɛ zo wo lɛ, Bélé giémunu lé zi zo wo lɛ, maa dan yee kana nɔ lɛ wo ɛ lɛ.

Jérémi 1:5

Dé maa ’ka tan i kɛlɛle péli sia lɛ i bu bɔn gi lo, ’té maa i dɔɔ. Yé maa i pa é yɛrama yé maa i dɔ munu faa lé balelayezan nya i bu lé i yaale ’lɛ.

Jérémi 36:2

’I sɛbɛ si, yé we faa lé maa a fe i lɛ Izraɛl munu koo, Juda munu koo, bɛnnu faa koo, wolé we ma, a péli sia yian nya lé an we fe i lɛ Jozias bléyi va fɔɔ kyɔ, ’i wo faa gyɛ yee sɛbɛ ta.

Jérémi 43:11

É dan da lɛ yé é dan Éjipiti munu bla lɛ; munu lé wozé ke ga nya, ’wo ga ma, munu lé wozé ke luubale nya, ’wo kɛlɛ luubale gi ma, yé munu lé wozé ke gwɔun nya, ’wo wo gyɛ gwɔun nya ma.

Jérémi 45:5

Yé bii, inɔ fɛ blɛnnu ginian izé nyaa? Té i wo gini lo. Naa, Gakelebale léma: Bé ye, an dan wenaané bɔ lɛ munu faa ma. Naa, dé i go fɛofɛana, maa dan i vo lɛ é yuɛma.

Jérémi 46:1

Dére lé Gakelebale a fe balelayezan Jérémi lɛ bɛnnu mawe nya, yee lé ke ’ko:

Jérémi 48:26

’Ka a gyɛ nwɛ nya, naa, é nwa Gakelebale ma; Moab ’é burula é féé va, yé ’é kɛlɛ é ziin yérisiémazan nya ma.

Jérémi 49:12

Naa, Gakelebale léma: Bé ye, mi lé é ’ka kɔɔn ’yi ’ko minizan nya lo, é dan a mini lɛ; yé bii, wo ’ka dan we lɛdɔ lɛ i gi loo? Wo dan we lɛdɔ lɛ i gi, i dan a mini lɛ.

Jérémi 51:7

Babilɔn a Gakelebale lee bélé ’yiminigi kyankana zo; éé tɛrɛlamunu faa gya bélé nwɛ lé mi gyɛle zo. Bɛnnu alé dɔrɔ mini, bɛwemalé wo kɛlɛ bélé gwegyɛzannu zo.

Ézékiɛl 23:32

Mizan Gakelebale léma: I dan ’yi mini lɛ i buru lé ’yiminikana gi. ’Yiminikana blɛɛn guruzan lé; É dan i kɛlɛ lɛ yérisiémazan valé wenanamazan nya; A gifɛ a di.

Ézékiɛl 23:33

A gi nwɛ é dan i gyɛ lɛ yé i dan kle ble lɛ; I buru Samari lé ’yiminikana A tɛrɛlalɔrɔ nyaa mi ma kana valé mi sɛrɛ tata kana nya.

Ézékiɛl 29:12

Maa dan Éjipiti tɛrɛ kɛlɛ lɛ fɛna tétété nya, tɛrɛnu lé wo ’wii wo ta, wo va. Yé lɛɛ yɔ fié wuo alé flanu é dan vo lɛ bwi nya, flanu lé wo kɛlɛ bwi nya, wo vazan do nya. Maa dan Éjipiti munu nwɛɛn lɛ bɛnnu suiɛ gi; maa dan wo sɔɔla lɛ tɛrɛ do do ta.

Ézékiɛl 36:5

Mizan Gakelebale léma: Iin, anlé maawole nwa wo ma bélé kyɛ zo; maa a we fena bɛn bɛnu valé Édom tɛrɛ faa lɛ. Wo lé wo anlé tɛrɛ si wozé nya, ’wiile ana fɛnu ta we ma bɛ, ’té wo gi éé nanama, ’té woo serele boo anlé tɛrɛ ma wo bli gi bɛ, maa a we fena wo ɛ lɛ.

Abudias 1:16

Naa, ka dɔrɔ mini anlé gɔ sauun nwiin fɛan zo, A zo duo lé bɛnnu faa é dan wozé mini lɛ, té wo ’ka daan a ma pelo. Wo dan dɔrɔ mini lɛ, ’té éé wo gya, Yé wo ta é dan saan lɛ bélé fɛan zo lé wo ’ka ana turu lo, a zo.

Abaku 2:16

Yara lé i gyɛle é dan mini lɛ i tɔbɔle ta; bii é ziin, ’bé mini, yé ’ibo poro. ’Yiminikana lé é ke Gakelebale bɛyi lee bɛ, a minile é dan bɔ lɛ i ta, yé yaragyɛwe é dan ilé tɔbɔwe gi tiri dɔ lɛ.

Wegɔɔnle 14:10

yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.

Wegɔɔnle 14:19

Yé lanje élé kɔblané gié tɛrɛ la. É tɛrɛ la dɔrɔporo pannu bɔi yé é a zén Kazambale lé bliflile zéngikana blɛn gi.