Jérémi 25:12 - Kazambale lé Sebe Sauunu 1979

¹² Naa, lɛɛ yɔ yaa wɔlɛ vu ’konu nyaale zuo, maa dan we lɛdɔ lɛ Babilɔn nwiinzan blɛn valé bɛn ’ko gi, wolé weplenu lé we ma. Maa dan we lɛdɔ lɛ Kaldé tɛrɛ la munu gi, yé maa dan wo sɛrɛ lɛ lɛɛ faa zé nya. Maa Gakelebale ɛ ke a fena.

Jérémi 25:12 ပူးပေါင်းရင်းမြစ်များ

2 Minwiinzannu 24:1

Jojakim bléyi va, Babilɔn nwiinzan Nébukanɛsaa go guli dan lɛ a va. Jojakim pla a wuo lɛɛ yaa; ’bɛ zuo Jojakim nwa a ma é ziin.

2 Minwiinmunu lé Wezuofe Sɛbɛ 36:22

Sirus plale sia Pɛɛs munu nwiin lɛɛan nya, Gakelebale a nyunu léé, dére lé Gakelebale a fe Jérémi lɔlu nya, ’é a lɛ sɔɔ. Sirus a zana dɔɔ, ’té éé a sɛbɛ paan zia élé bɛn tɛrɛnu faa la, yé é léé:

Lɛrɛvɔ Sɛbɛ 137:8

Babilɔn munu, ’kaa kɔn ’wiizannu, Wenaané lé ka kɛlɛ ko lɛ, Mian é a lɛgi kɛlɛ ka lɛ, ’bɛzan zé a néné.

Ézai 13:19

Babilɔn, bɛntɛrɛnu lé wɛɛwɔlɛ, Kaldé munu lé ’lɛrɛfɛ, wolé bokɛlɛgi blɛn fɛ, é dan kɛlɛ lɛ bélé Sɔdɔm valé Gɔmɔɔ lé Bale wo sɛrɛ, a zo.

Ézai 14:23

Lai sunyanu lé Gakelebale léé: Maa dan a kɛlɛ lɛ ’téli nyanana valé ’yidɔna nya. Maa dan ana sia lɛ yé ana sia faané a fɛ sɛrɛle nya.

Ézai 15:6

Naa, Nimrim lé ’yinu guru gi ga, lunu ga, dinin sɛrɛ, a drɔɔdrɔɔ ’ka é dɛrɛ lo.

Ézai 20:1

Asiri munu nwiinzan blɛn Saagɔn Taatan nwunvɔ yé é go Azdɔd mabɛn lɛ, yé é a si lɛɛan nya,

Ézai 33:1

Bii lé i ’wiié fɛ ta yé wo ’ka ’wii lɛ izé ta lo, bii lé i fɛ sian gla nya yé wo ’ka izé sia lɛ gla nya lo, we tɔntɔn ’é kɛlɛ i lɛ ma. Dé i nyaa ’wiile fɛ ta nya, wo dan ’wii lɛ i ta; dé i fɛ sile gla nya lɛ sɔɔ, wo dan ilé fɛ sia lɛ gla nya.

Ézai 46:1

Bɛl zana a gi; Nébo dia; Wo miyili ’konu pla winu punu; wa pla kɔnésiwinu punu. Bale ’konu lé ka go wo nya, wo bɛn dɔ winu ta, ’Té wo wɔlɛi nyaa wo ma.

Jérémi 23:2

Bɛwemalé, munu pazannu lé woo fɛblele no anlé munu lɛ, Gakelebale, Izraɛl lé Bale wo ma we fe léé: Ka anlé ’blanu fwila, ka wo bin; ka ’ka wo pa lɛ é zima lo, amalé maa dan we lɛdɔ lɛ ka gi kalé we lɛrɛlɛrɛ kɛlɛle we ma. Maa Gakelebale ɛ ke a fena.

Jérémi 25:14

Naa, Kaldé munu é ziin, wo dan kɛlɛ lɛ bɛn plɛplɛnu valé minwiinzan blɛnnu lé luunu nya, yé maa dan wozé lɛgi pa lɛ wo kɛlɛwe valé wo bɛ kɛlɛfɛnu yɛrama.

Jérémi 27:22

Wo dan go lɛ wo nya Babilɔn, yé wo dan vo lɛ ’bɛna fɔɔ yé yian nya lé an dan go lɛ wo si lɛ yé maa da wo nya é ziin fɛkona, yé ’bɛ yi é bɔ. Maa Gakelebale ɛ ke a fena.

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Jérémi 29:10

Naa, we lé Gakelebale a fe, yee lé ke ’kɔ: Dé Babilɔn plale ka nwiin lɛɛ yɔ yaa wɔlɛ vu lɛ sɔɔ tɔɔn, ka sele é dan dɔ lɛ an gi, yé dére zima lé maa a fe kazé nya bɛ, maa dan a lɛ sɔɔ lɛ yé an da ka nya é ziin fɛkona.

Ézékiɛl 35:9

Maa dan i kɛlɛ lɛ fɛna tété nya lɛɛ faa zé nya. Munu ’ka dan nyana lɛ ilé flanu ta é dɛrɛ lo, yé ka dan a gi dɔɔ lɛ léé, maa ɛ ke Gakelebale nya.

Daniɛl 9:2

a plale mi nwiin lɛɛ vininzan nya, maa Daniɛl, maa a ye sɛbɛ gi léé, é a lé Jérusalɛm é vo é ’bin nya lɛɛ yɔ yaa wɔlɛ vu wuo, lɛɛ lé Gakelebale a ’léé fe balelayezan Jérémi lɛ, a yɛrama.

Abaku 1:17

Bɛwemalé é dan élé séli vo lɛ é koro nyaa? ’Té éé bɛngɔnɔnu bɔrɔ boo yifaama, ’té a nyanai ’ka zén‐é wo ta loo?