Jérémi 25:11 - Kazambale lé Sebe Sauunu 1979

¹¹ Tɛrɛ ’ko faa é dan vo lɛ é pla, bwi gi nya; yé bɛnnu ’ko é dan pla lɛ Babilɔn nwiinzan blɛn wuo, lɛɛ yɔ yaa wɔlɛ vu.

Jérémi 25:11 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:20

Munu lé wo so gwɔun lee, Nébukanɛsaa go wo nya luu gi Babilɔn, yé wo pla yee valé é benu wuo, fɔɔ yé Pɛɛs nwiinzan blɛn pla wo nwiin léé,

Ézai 5:6

Maa dan a vo lɛ é gɔ nya; maa ’ka dan a ma bɔi lɛ yé maa a féi pa é dɛrɛ lo; plésɔné léliyili valé lélinu é dan tuu lɛ ana; yé maa dan latinu béli dɔ lɛ léé, té wo lɛɛ da a ta é dɛrɛ lo.

Jérémi 25:12

Naa, lɛɛ yɔ yaa wɔlɛ vu ’konu nyaale zuo, maa dan we lɛdɔ lɛ Babilɔn nwiinzan blɛn valé bɛn ’ko gi, wolé weplenu lé we ma. Maa dan we lɛdɔ lɛ Kaldé tɛrɛ la munu gi, yé maa dan wo sɛrɛ lɛ lɛɛ faa zé nya. Maa Gakelebale ɛ ke a fena.

Jérémi 25:38

É nwa é nyanana, bélé fɛan zo lé golizrané éé nwaan é yiina, a zo; naa, wolé tɛrɛ vo bwi nya, fɛsɛrɛzan wɛwɛ dɔle valé alé bliflile baba lé we ma.

Jérémi 27:22

Wo dan go lɛ wo nya Babilɔn, yé wo dan vo lɛ ’bɛna fɔɔ yé yian nya lé an dan go lɛ wo si lɛ yé maa da wo nya é ziin fɛkona, yé ’bɛ yi é bɔ. Maa Gakelebale ɛ ke a fena.

Jérémi 27:7

Bɛnnu faa é dan pla lɛ a wuo, yee koo, a be koo, a néné koo, wo dan pla lɛ wo wuo fɔɔ yé wozé bléyi é nyaa, ’bɛ zuo yee Babilɔn tɛrɛ é dan pla lɛ bɛn plɛplɛ bɛnu valé minwiinzan blɛn bɛnu wuo.

Jérémi 28:14

Naa, lai sunyanu lé Gakelebale, Izraɛl lé Bale léma: Maa foliɛwɔlɛ vɔ bɛn ’konu faa bɔrɔ ma, wo plale Babilɔn nwiinzan blɛn Nébukanɛsaa wuo we gi; yé wo dan pla lɛ a wuo webozen nya; yé an bwigiwinu nɔ a lɛ é ziin.

Jérémi 29:10

Naa, we lé Gakelebale a fe, yee lé ke ’kɔ: Dé Babilɔn plale ka nwiin lɛɛ yɔ yaa wɔlɛ vu lɛ sɔɔ tɔɔn, ka sele é dan dɔ lɛ an gi, yé dére zima lé maa a fe kazé nya bɛ, maa dan a lɛ sɔɔ lɛ yé an da ka nya é ziin fɛkona.

Jérémi 4:26

Maa nagini, yé Kaamɛl tɛrɛ zin kɛlɛ bwi saa nya, Yé ana fla faa ’wii Gakelebale ’lɛ. Gakelebale bli flile blɛn lé we ma lé we ’konu kɛlɛ.

Jérémi 4:27

Naa, Gakelebale léma: Tɛrɛ ’ko faa é dan sɛrɛ lɛ; Naa, maa ’ka dan a sɛrɛ lɛ tata lo.

Jérémi 43:10

Yé bé fe Juifinu lɛ léé: Lai sunyanu lé Gakelebale, Izraɛl lé Bale léma: Ka ye, maa dan mi pa lɛ zia an wuozan Babilɔn nwiinzan blɛn Nébukanɛsaa laana, yé maa dan alé plaminwiin blin dɔra lɛ gɔlɛnu lé maa wo yɔɔ bɛ, wo ta, yé é dan é ganedɔrala tapi fwila lɛ wo ta.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Ézékiɛl 12:19

Bé fe ana tɛrɛlamunu lɛ léma: Jérusalɛm munu lé wo ke Izraɛl tɛrɛ la, Mizan Gakelebale wo mawe fe léma: Wo dan wolé fɛ ble lɛ wo zuru va nyɛ kinile nya, yé wo dan wolé ’yi mini lɛ di kinile nya wo gi. Naa, fɛnu faa lé é ke wolé tɛrɛ la, wo dan a faa si lɛ ana munu lé glawe kɛlɛle we ma.

Ézékiɛl 29:11

Mi do kpen ’ka dan é gane zun lɛ ana lo, yé wi do kpen ’ka dan é gane zun lɛ ana lo, yé lɛɛ yɔ fié wuo mi do kpen ’ka dan nyana lɛ ana lo.

Ézékiɛl 6:14

Maa dan an bɛ kɛlɛ lɛ wo ma; fɛ faa lé wo nyanaan ana, maa dan ana tɛrɛ kɛlɛ lɛ é ’bin nya, ’té a guru a é zanale a gi é mini Dibla bwi ta, yé wo dan a gi dɔɔ lɛ léé, maa lé ke Gakelebale nya.

Daniɛl 9:2

a plale mi nwiin lɛɛ vininzan nya, maa Daniɛl, maa a ye sɛbɛ gi léé, é a lé Jérusalɛm é vo é ’bin nya lɛɛ yɔ yaa wɔlɛ vu wuo, lɛɛ lé Gakelebale a ’léé fe balelayezan Jérémi lɛ, a yɛrama.

Lévinu 26:32

Maa dan tɛrɛ sɛrɛ lɛ tata, yé ka nyanézannu lé wo dan nyana lɛ ana, wo ’léé é dan ma lɛ wo ma.

Misé 7:13

Tɛrɛ é dan sɛrɛ lɛ a tamunu koo, wo kɛlɛwenu koo, wolé we ma.

Zakari 1:12

Yé Gakelebale lé lanje we fe yé é léma: Lai sunyanu lé Gakelebale, Jérusalɛm valé Juda lé flanu lé i bli vo flina wo ma a lɛɛ yɔ yaa wɔlɛ vu lo, i nyanai é dan zén lɛ wo ta mɛ yi laa?

Zakari 7:5

Bé fe ana munu faa valé Balebanmunu lɛ léma: Dé ka lɔrɔ sɔn yé ka wuvɔ moné soruzan valé moné sɔrafiézan nya, lɛɛ yɔ yaa wɔlɛ vu wuo, ka lɔrɔ sɔn maa ɛ lɛɛ?