Jérémi 24:7 - Kazambale lé Sebe Sauunu 1979

⁷ Yé bli lé é dan an dɔɔ lɛ Gakelebale nya, maa dan a vɔ lɛ wo gi. Wo dan kɛlɛ lɛ anlé munu nya, yé maa dan kɛlɛ lɛ wolé Bale nya, ’té dé wo da an va wo bli faa nya.

Jérémi 24:7 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 6:38

dé wo da i va é ziin ’wo bli faa valé ’wo boen faa nya, wo nyanézannu lé wo wo kɛlɛ luu nya bɛ, ’bɛnu lé tɛrɛ la, dé wo bazoro, ’té wo yara a é dɔle wolé tɛrɛ lé bé nɔ wo tranu lɛ, a vazia, yee valé fla ’ko lé bé si a va, yee valé kɔn lé maa a dɔ i tɔ nya, a vazia,

Lɛrɛvɔ Sɛbɛ 119:2

Munu lé woo alé wepladérenu maan, ’Té wa lɛdɔama wo bli faa nya, wozé a néné.

Ézai 51:16

Maa an dérenu paan i ’léé, Maa i tabuaan an bɛ furɔ nya. Maa ɛ lanu fwila yé maa ɛ tɛrɛ kɛlɛ, Yé maa ɛ fe Siɔn munu lɛ léé: Ka a anlé munu nya.

Jérémi 11:4

Maa gipadére ’ko fe ka tranu lɛ, yian nya lé maa wo si Éjipiti tɛrɛ la foliɛwɔlɛ gɔrɔ gi, a yi nya, yé maa léé: ’Ka tɔné dɔ an dére lɛ yé we faa lé maa dan ka béli dɔ lɛ a nya, ’ka kɛlɛ. ’Bɛna lé ka dan kɛlɛ lɛ anlé munu nya yé maa dan kɛlɛ lɛ kalé Bale nya.

Jérémi 29:10

Naa, we lé Gakelebale a fe, yee lé ke ’kɔ: Dé Babilɔn plale ka nwiin lɛɛ yɔ yaa wɔlɛ vu lɛ sɔɔ tɔɔn, ka sele é dan dɔ lɛ an gi, yé dére zima lé maa a fe kazé nya bɛ, maa dan a lɛ sɔɔ lɛ yé an da ka nya é ziin fɛkona.

Jérémi 3:10

Naa duowo, a buru Juda lé éé we kɛla gi la, é ’ka da lɛ an va é bli faa nya lo. É a kɛlɛ dabli nya. Maa Gakelebale ɛ ke a fena.

Jérémi 30:22

Ka dan kɛlɛ lɛ anlé munu nya, Yé maa dan kɛlɛ lɛ kalé Bale nya.

Jérémi 7:23

Naa, ka ye, we lé maa fe wo lɛ, yee lé ke ’ko: ’Ka tɔné dɔ an dére lɛ yé an dan kɛlɛ lɛ kalé Bale nya yé ka dan kɛlɛ lɛ anlé munu nya; zinu lé maa wo ta tawole fe ka lɛ, ’ka tawo wo ta, ka gi nanale we gi.

Ézékiɛl 11:17

Bɛwemalé, bé fe léma: Mizan Gakelebale léma: Maa dan ka si lɛ munu méléna yé maa ka zén ékeva, tɛrɛnu ké maa ka nwɛɛn ana, maa dan ka si lɛ wona yé maa da ka nya an va, yé maa dan Izraɛl tɛrɛ nɔ lɛ ka lɛ.

Ézékiɛl 14:11

léé, té Izraɛl munu é si an ma baa é dɛrɛ lo we ma, yé té wo ’wobo tiri dɔ Bale sɔnné faa sɛrɛle nya é dɛrɛ lo we ma. ’Bɛna lé wo dan kɛlɛ lɛ anlé munu nya, yé maa dan kɛlɛ lɛ wolé Bale nya. A zo lé Mizan Gakelebale a fe.

Ézékiɛl 16:62

Maa dan an gi pa lɛ i va, yé i dan a gi dɔɔ lɛ léé, maa ɛ ke Gakelebale nya,

Ézékiɛl 37:23

Wo ’ka dan wobo tiri dɔ lɛ wolé miyilinu koo, wolé bozowenu koo, wolé bélidɔwe sɛrɛlenu koo, wo nya é dɛrɛ lo. Fɛ faa lé wo nyana ana yé wo wenyané kɛlɛ, maa dan wo si lɛ ana yé maa wo kɛlɛ tegele. Wo dan kɛlɛ lɛ anlé munu nya, yé an dan kɛlɛ lɛ wolé Bale nya.

Ézékiɛl 37:27

An nyanana é dan kɛlɛ lɛ wo va. Maa dan kɛlɛ lɛ wolé Bale nya yé wo dan kɛlɛ lɛ anlé munu nya.

Ézékiɛl 39:22

É sia ’bɛ yi ma fɔɔ yé é bɔ bléyi voélanu ma, Izraɛl munu é dan a gi dɔɔ lɛ léé, maa lé ke Gakelebale wolé Bale nya.

OZÉ (Osée) 2:22

maa dan kɛlɛ lɛ ka zana nya yarapalale nya yé ka dan maa Gakelebale dɔɔ lɛ.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

Zakari 8:8

Maa dan da lɛ wo nya, yé wo dan nyana lɛ Jérusalɛm; wo dan kɛlɛ lɛ anlé munu nya, yé maa dan kɛlɛ lɛ wolé Bale nya, webozen valé wedrɔle kɛlɛle nya.

Rom munu 6:17

’Wo Kazambale bɔ vɔ léé, Bale lé we lé wa paa ka gi, ka alé bélidɔwe lɛdɔma ka bli faa nya, dɔlé té ka a wenyané lé luu nya é vinin.

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Ébrunu 8:10

Naa, Mizambale léé: Gipawe lé maa dan a kɛlɛ lɛ Izraɛl munu va Yi ’konu zuo, yee lé é ke ’ko: Maa dan anlé bélidɔwenu pa lɛ wo ’wuo gi, Maa dan wo gyɛ lɛ wo bli gi Yé maa dan kɛlɛ lɛ wolé Bale nya, Yé wo dan kɛlɛ lɛ anlé munu nya.

1 Samuɛl 7:3

Samuɛl lé Izraɛl munu faa lɛ léé: Dé ka bli faa nya lé ka da Gakelebale va é ziin, ’ka bɛnnu lé balenu valé Asataténu si ka méléna, ’ka bli drɔ Gakelebale vazia tegele yé ’ka yee do kpen ɛ bɔ; yé é dan ka si lɛ Filisitinu lee.