Jérémi 24:10 - Kazambale lé Sebe Sauunu 1979

¹⁰ Gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia, fɔɔ yé wo ta é saan tɛrɛ lé maa a nɔ wo valé wo tranu lɛ, a ta.

Jérémi 24:10 ပူးပေါင်းရင်းမြစ်များ

1 Minwiinzannu 14:15

Gakelebale é dan Izraɛl bla lɛ, yé é dan kɛlɛ lɛ bélé gyan lé ’yinu a nyɔɔn‐an, a zo; tɛrɛ zima lé é a nɔ Izraɛl tranu lɛ, é dan a si lɛ Izraɛl lee, yé é dan wo nwɛɛn lɛ yuu zi, wo miyilinu kɛlɛ yé wo Gakelebale bli fli, azama.

Ézai 51:19

We tɔntɔn fié bɔ i ma, De ɛ nyanai é dan zén lɛ i taa? Ilé fɛnu sile gla nya valé i sɛrɛle koo, lɔrɔ lé i gyɛle valé gwɔun koo, wo bɔ i ma, Maa dan i tɔrɔ paa lɛ kaa?

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 15:2

Yé dé wa laa i lee léé: Ko go kyɛɛn? bé zi pa léma: Gakelebale léma: Munu lé wozé ke ga nya, ’wo ga ma; Munu lé wozé ke gwɔun nya, ’wo ga gwɔun ’léé ma; Munu lé wozé ke lɔrɔ nya, ’wo ga lɔrɔ nya ma; Munu lé wozé ke luubale nya, ’wo kɛlɛ luu nya ma.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 19:7

Fɛkona, maa dan Juda munu valé Jérusalɛm munu lé wepladérenu gi sɛrɛ lɛ tata. Maa dan wo gyɛ lɛ wo nyanézannu lé gwɔun nya, yee valé munu lé é sɔ ’bɛnu lɛ léé, ’wo wo gyɛ, ’bɛnu bɛ nya. Maa dan wo galenu nɔ lɛ lagi mianénu valé tɛrɛlawinu lɛ wolé fɛblele nya.

Jérémi 21:9

Mian éé voo fla ’ko ta, é dan ga lɛ gwɔun lee, dé ’bɛ kaan lo, lɔrɔ lee; dé ’bɛ kaan lo, bawurumagyɛ lee. Naa, mian é bɔra yé é go Kaldé munu lé wo ke kalé fla mabɛnna bɛ, wo va, é dan vo lɛ é yuɛma, yé alé gulizarafɛ lé ke léé, é so ga lee.

Jérémi 27:8

Dé bɛn do léé, dé bɛntɛrɛ do léé, dé é ’ka pla lɛ yee Babilɔn nwiinzan Nébukanɛsaa wuo lo, yé dé é ’ka a nyi si lɛ léé, é kɛlɛ alé luu nya lo, maa dan we lɛdɔ lɛ ’bɛ bɛn ’ko gi, gwɔun koo, lɔrɔ koo, migyɛgyɛ koo, wo nya fɔɔ yé maa a kulu ga yee Nébukanɛsaa bɛ nya. Maa Gakelebale ɛ ke a fena.

Jérémi 29:17

Ka ye, gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia yé munu ’ko é dan kɛlɛ lɛ é naané bélé bɔrɔyiliporonu lé wa naané é baba yé mi ’ka bɔa wo blele lɛ lo, wo zo.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Jérémi 32:25

Naa, Mizan Gakelebale, duowo, bé fe an lɛ léé, ’an féi do lɔ gɔɔli nya, an wenayezannu dɔ, ’té Kaldé munu fla si.

Jérémi 34:17

Amalé Gakelebale léma: Ka ’ka an lɛ dɔ lɛ a ma lo, ka ’ka zi nɔ lɛ ka bwenu valé ka bɔluzannu lɛ léé, wo vo wobo ma lo. Amalé maa dan zi nɔ lɛ gwɔun koo, migyɛgyɛ koo, lɔrɔ koo, wo lɛ yé di é dan kini lɛ tɛrɛ blɛnnu faa gi kalé we ma.

Jérémi 42:17

Munu faa lé wo yara nɔla yé wo go Éjipiti tɛrɛ la nyanale ’bɛna we ma, wo dan ga lɛ, dé gwɔun léé, dé lɔrɔ léé, dé bawurumagyɛ léé, a nya. We tɔntɔnnu lé maa dan a bɔ lɛ wo ma bɛ, wo va mi do kpen ’ka dan so lɛ a ta lo, wo ’ka dan fwi lɛ a ’lɛ lo.

Jérémi 42:22

Sin, ’ka we ’ko dɔɔ ma: Ka dan ga lɛ, dé gwɔun léé, dé lɔrɔ léé, dé bawurumagyɛ léé, a nya, tɛrɛ lé é sɔ ka lɛ léé, ’wo go nyana lɛ ana bɛ, a ta.

Jérémi 5:12

Wo sɔn vɔ Gakelebale ma yé wo léé: Bale ’ka lo. Yé we tɔntɔn ’ka dan bɔ lɛ ko ma lo. Gwɔun valé lɔrɔ ’ka dan ko gyɛ lɛ lo.

Jérémi 9:15

Amalé, lai sunyanu lé Gakelebale, Izraɛl munu lé Bale léma: Ka ye, maa dan kɔnɔn nɔ lɛ munu ’konu lɛ wolé fɛblele nya, yé maa dan laleyi nɔ lɛ wo lɛ wo miniyi nya.

Jérémi 9:16

Maa dan wo nwɛɛn lɛ bɛnnu lé wo valé wo tinu ’ka wo dɔɔ lɛ lo, wo méléna, yé maa dan wo zuo bin lɛ gwɔun nya fɔɔ yé maa wo kulu ga.

Ézékiɛl 33:27

Bé fe wo lɛ léma: Mizan Gakelebale léma: Maa a é yuɛma. Munu lé wo ke fla ’wiilenu ta, gwɔun é dan wo gyɛ lɛ. Munu lé wo ke bwi gi, maa dan wo kɛlɛ lɛ bwigiwinu blefɛ nya, yé munu lé wo ke guliyɔɔkɔn valé gɔlɛkoronu gi, wo dan ga lɛ migyɛgyɛ nya.

Ézékiɛl 6:11

Mizan Gakelebale léma: ’I bɛ dia i golɛ la, ’i gane dia tɛrɛ la, bé fe, yuuu! Izraɛl munu lé bozowe naané lé we ma lé wo dan ga lɛ gwɔun koo, lɔrɔ koo, bawurumagyɛ koo, wo lee, bɛwemalé ’bé kɛlɛ.

Ézékiɛl 7:15

Gwɔun a wo ma béera, yé migyɛgyɛ valé lɔrɔ a wo ma fla. Mi lé é ke féi, wo dan a gyɛ lɛ gwɔun nya, yé mi lé ’bɛ ke fla, migyɛgyɛ valé lɔrɔ é dan ’bɛ gyɛ lɛ.

Bélidɔwesɛbɛ Fiézan 28:21

Gakelebale é dan ka gyɛ lɛ migyɛgyɛ nya, fɔɔ yé é ka faa gyɛ tɛrɛ lé ka dan a si lɛ kazé nya, a ta.

Wegɔɔnle 6:8

Maa a naginina yé bé ye, kyɛyee wisoo bɔra. Wo atazan tɔ laama ga, yé gamunu nyanana a a va. Wa se kɛlɛ wo lɛ léé, ’wo tɛrɛ fén ziɛnzan tamunu gyɛ, gwɔun koo, lɔrɔ koo, migyɛgyɛ koo, bwigiwinu koo, wo nya.