Jérémi 23:9 - Kazambale lé Sebe Sauunu 1979

⁹ Gakelebale balelayemunu mawe fe léé: An bli ’wii an gi, An wɔlɛnu faa ma éé nyɔɔn‐an; Maa a bélé nwɛgyɛzan zo, Bélé mi lé nwɛ gié a yuɛ ma, a zo, Gakelebale valé é dére sauun lé we ma.

Jérémi 23:9 ပူးပေါင်းရင်းမြစ်များ

Lɛrɛvɔ Sɛbɛ 60:3

Baleoo, Bale, i ko si i ma; i ko kini ékema, I bli fli; ’i da ko nya é pai;

Lɛrɛvɔ Sɛbɛ 69:20

Serele lé wa boo an ma koo, anlé yaragyɛle koo, yaragyɛwe lé wa bɔa an ma koo, i wo gi dɔɔ; Bii an mazannu faa dɔɔ.

Ézai 28:1

Éfraim munu, nwɛgyɛzannu lé tɔkoro nɔnɔmi, we tɔntɔn kɛlɛ i lɛ. Bɛn ’ko, a vwi lé ke a ’lɛrɛfɛ nya, ’té a ma éé yuruan bɛ, ’té é ke é plale nwɛtanzannu lé pɛnguru gi tɛrɛ nyɔnɔzan nwiin bɛ, we tɔntɔn kɛlɛ a lɛ.

Ézai 29:9

Kwakwa ’é vɔ ka ta yé ka gi ’é vuru; ’ka yuɛ lɛ tan, ka yuɛ ’é ’wii; glinni vɔ wo ’wuo gi, naa, nwɛ pagi kaan lo; woo vɔa dada, naa, dɔrɔ ’lɛ plɛplɛ pagi kaan lo.

Ézai 51:21

Amalé nyanaizénlazan, ’i tɔné dɔ ’ko do, Ka lé ka Bale lé bliflile mini yé é ka gyɛ bélé nwɛ zo, dɔlé ’té nwɛ kaan lo, ’ka tɔné dɔ do.

Ézai 6:5

Yé maa léé: Wenaané kɛlɛ an lɛ! Maa a é sanle weboen nya, naa, maa a mi lé a lɔlu tiri ke é dɔle, a nya, yé maa nyanaan munu lé wo lɔlu tiri ke é dɔle, wo va; maa Minwiinzan blɛn, lai sunyanuzan Gakelebale ye an yuɛ nya, azama.

Jérémi 20:9

Dé maa fe léé: Maa ’ka dan a tɔ bɔra lɛ an ’léé é dɛrɛ lo, Maa ’ka dan we fe lɛ a tɔ gi é dɛrɛ lo, Tɔɔn, fɛ do kɛlɛ an bli gi bélé kyɛ zo, ’Té éé yaan an wɔlɛnu gi. An kwa kuli léé, an pla ’bɛ nwiin, naa, an ’ka bɔalɛ lo.

Jérémi 36:16

Wo dére ’konu faa ’ma aan wo, wo vo wo ke yara ginina di kinile nya wo gi. Yé wo lé Baruk lɛ léé: Ko dan dére ’konu faa zuo fe lɛ minwiinzan blɛn lɛ.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 8:18

É sɔ an lɛ léé, anlé kleblele ta ’é zana; An bli a nyané blena an gi.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

Jérémi Lé Wuvɔ Sɛbɛ 3:15

É an kan fɛ nyanale nya, É ziri’yi nɔ an lɛ minifɛ nya, yé é an gyɛ bélé nwɛ zo.

Ézékiɛl 13:3

Mizan Gakelebale léma: ’Tugyɛ balelayezannu lé woo tawoo ’wobo ’wuogiwe zuo, ’té wo ’ka yuɛziwe do kpen ye lɛ lo, we tɔntɔn ’é bɔ wo ma ma.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Ézékiɛl 9:6

’Ka wo gyɛ; mi kwakwanu koo, pɛniɛnu koo, blɛnnu koo, nénu koo, lomu koo, ’ka wo gyɛ. Naa, dé miomian tɔmase ke a ma, té ka bié ’bɛzan ma lo. Yé ka péli sia anlé fɛna sauun na. Wa péli sia mi segelenu lé wo ke kɔn ’léé, wo ta.

Daniɛl 8:27

We ’konu zuo, maa Daniɛl, maa yi kiɛre gié, ’té an yuɛgi zun, ’té gyɛ a an ma. ’Bɛ zuo yé an nwa yé an kun minwiinzan blɛn lé wenu kɛlɛle ma. Yuɛziwe lé maa a ye, é an gi vuru, yé mi do kpen ’ka a gi dɔɔ lɛ lo.

Abaku 3:16

Maa ’ma, yé an bɔn gi kɛlɛ wɛwɛwɛ. An dére ’ko ’ma tɔɔn, an lɔlunu nyɔɔn, An wɔlɛnu éé yaan an gi, Yé an powuonu vo tɔɔtɔɔ. É a lé an we tɔntɔn bɔyi lɛbɛn an ta nya é dɔle, Yian nya lé yaamitazan é dan nwa lɛ yé é go guli dan migɔnɔnu ma, a yi nya.

Rom munu 7:9

É vinin, dé maa ’ka bélidɔwe la lo, ’té maa a é yuɛma; naa, bélidɔwe da aan wo, é a bélé fɛan zo lé wenyané vuo, yé an ga, a zo.