Jérémi 23:8 - Kazambale lé Sebe Sauunu 1979

⁸ naa, wo dan a fe lɛ léé: Gakelebale lé é Izraɛl munu kulunu si yirinwana bɛbolazia tɛrɛ la, yee valé tɛrɛnu faa lé é wo bin yé wo go wona, ana, yé é da wo nya, ’bɛzan a é yuɛma. Yé wo dan nyana lɛ wolé tɛrɛ la.

Jérémi 23:8 ပူးပေါင်းရင်းမြစ်များ

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Jérémi 16:14

Gakelebale léma: Amalé a yi é dan bɔ lɛ yé ’bɛ yi nya wo ’ka dan a fe lɛ é dɛrɛ léé, Gakelebale lé é Izraɛl munu si Éjipiti tɛrɛ la, ’bɛ a é yuɛma, lo.

Jérémi 16:15

Naa, wo dan a fe lɛ léé: Gakelebale lé é Izraɛl munu si yirinwana bɛbolazia tɛrɛ la, yee valé tɛrɛnu faa lé é wo sɔɔla ana, ’bɛ a é yuɛma. Yé maa dan go lɛ wo nya wolé tɛrɛ la é ziin, tɛrɛ lé maa a nɔ wo tranu lɛ, a ta.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 29:14

Gakelebale léé: Maa ’ka dan an yele yi ga lɛ ka lee lo, yé maa dan da lɛ kalé luugimunu nya é ziin; maa dan ka si lɛ bɛnnu faa va, fɛna faa lé maa ka bin yé ka go ana, maa dan ka si lɛ wona yé an da ka nya é ziin, fɛana lé maa ka si yé an go ka nya luu gi, ana.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 31:8

Ka ye, maa dan munu si lɛ yiri‐nwanazia tɛrɛ la, yé an da wo nya, Maa dan wo si lɛ tɛrɛ glɛ sina yé maa wo zén ékeva; Yuɛwiizannu valé ganesuruzannu a wo va, Bɔnlomu valé néyaalomu a wo va. Migu blɛn lé é ke dana ’ko é ziin, yee lé.

Jérémi 32:37

yee flamunu lé maa wo mawe fe i lɛ léé, maa wo bin yé wo go tɛrɛ faa‐an ta bɛ, an bli flile koo, an wɛwɛ koo, an bli nwale koo, wolé we ma bɛ, maa dan wo si lɛ ana yé maa wo zén ékeva yé an da wo nya wolé tɛrɛ la é ziin yé wo dan nyana lɛ ana duaa.

Jérémi 8:3

Lai sunyanu lé Gakelebale léma: Munu faa lé wo dan vo lɛ bɛn nyané ’ko gɔnɔlazannu nya fɛfaana lé maa wo bin‐é ana, ga é dan kɛlɛ lɛ wo ’léé néné yé é mini vole é yuɛma ta. Maa lai sunyanu lé Gakelebale ɛ ke a fena.

Ézékiɛl 28:25

Mizan Gakelebale léma: Dé maa Izraɛl munu si é nwɛɛnle bɛnnu méléna yé maa wo zén ékeva ’ko, ’bɛna lé maa dan anbo nagɔɔn lɛ mi sauun nya bɛnnu yuɛ va, yé anlé munu é dan nyana lɛ wolé tɛrɛ lé maa a nɔ an wuozan Jakɔb lɛ, a ta.

Ézékiɛl 34:13

Maa dan wo si lɛ bɛnnu méléna, maa dan wo si lɛ tɛrɛ do do ta yé maa dan go lɛ wo nya wobo lé tɛrɛ la; maa dan wo pa lɛ Izraɛl tɛrɛla gɔnu nwiin, ’bɛ valé ’yiyoronu sɔnɔ, fɛ faa lé munu ke é nyanale ana, wona.

Ézékiɛl 36:24

Maa dan ka si lɛ bɛnnu va é ziin. Maa dan ka si lɛ tɛrɛ faanu ta, yé maa dan go lɛ ka nya kalé tɛrɛ la.

Ézékiɛl 36:35

’té wa fé léé, tɛrɛ sɛrɛle ’ko, é nɔla bélé Édɛn zianféi zo. Yé fla ’konu lé wa guru zana a gi, ’té wo vo bwi nya, wo fla pa ana yé munu éé nyanaan ana.

Ézékiɛl 37:25

Tɛrɛ lé maa a nɔ an leezan Jakɔb lɛ, yé wo tranu nyana a ta bɛ, wo dan nyana lɛ a ta; wo koo, wolé nénu koo, wo nénénu koo, wo dan nyana lɛ a ta lɛɛfaama. Yé an leezan David é dan kɛlɛ lɛ wo nwiinzan nya yifaama.

Ézékiɛl 39:28

Yé wo dan a gi dɔɔ lɛ léé, Gakelebale wolé Bale lé é go wo nya luu gi bɛnnu va, yé é wo zén ékeva wo pa gi ’wolé tɛrɛ la, maa a a nya; maa ’ka dan wo vazan do kpen vo lɛ ’bɛnu va lo,

Joɛl 3:7

Ka ye, fɛana lé ka wo dan, maa dan wo si lɛ ’bɛna yé an da wo nya, Yé an dan wo lɛgi pa lɛ ka ma.

Misé 7:15

Maa dan we blɛnblɛnnu kɛlɛ lɛ ka yuɛ va, bélé fɛan zo lé maa kɛlɛ yian nya lé maa ka si Éjipiti tɛrɛ la, a yi nya, a zo.

Sofoni 3:20

’Bɛ bléyi va, maa dan da lɛ ka nya ka pa gi; ’Bɛ bléyi va, maa dan ka zén lɛ ékeva; Naa, kalé munu lé wo ke luu gi, dé an da wo nya wo pa gi ka yuɛ va, Maa dan ka kɛlɛ lɛ tɔbɔfɛ valé ginanamafɛ nya, Tɛrɛla migɔnɔnu faa méléna. A zo lé Mizan Gakelebale a fe.