Jérémi 23:6 - Kazambale lé Sebe Sauunu 1979

⁶ ’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 23:6 ပူးပေါင်းရင်းမြစ်များ

1 Minwiinzannu 4:25

É sia Dan fɔɔ yé é bɔ Bɛɛ‐Sééba, kana do kpen ’ka Juda valé Izraɛl gi lo, wo faa a é nyanale wobo lé dɔrɔyili valé wobo lé bɔrɔyili wuo do do Salomɔn bléyi faa va.

Lɛrɛvɔ Sɛbɛ 45:5

Iin, ilé fua. ’I kɛlɛ guliwuovolɛzan nya ma, ’i vɔ ilé goro gi, Webozen koo, bli kɛlɛle drɔɔ koo, we tegele koo, ’i dɔ wo zuo. We blɛnblɛnnu lé woo mi gi vuruan, ’i bɛyi ’é wo nagɔɔn.

Fwile 9:26

Gozɛn tɛrɛ lé Izraɛl lé nénu ke é nyanale a ta ’bɛna do kpen lé goowɔlɛlɛɛ ’ka dia lɛ lo.

Ézai 2:4

É dan bɛnnu lé we ble lɛ, Yé é dan kɛlɛ lɛ milɛgɔnɔ kiɛre lé we yuɛgibozan nya. Wo dan wolé gwɔunnu foli lɛ gwanénu nya, Yé wo dan wolé dinnu foli lɛ sénblanu nya; Bɛn do ’ka dan gwɔun sia lɛ wo bɔlu bɛn bɛ ma é dɛrɛ lo, Wo ’ka dan gulidanle draan lɛ é dɛrɛ lo.

Ézai 32:1

’Bɛ bléyi nya, munu nwiinzan é dan pla lɛ munu nwiin we tegele nya yé wolé mi segelenu é dan pla lɛ wo nwiin wedrɔle kɛlɛle nya.

Ézai 32:18

Anlé munu é dan nyana lɛ fɛna drɔɔ na, wo dan nyana lɛ kɔnnu lé wo ’ka ’wiié lo, wo gi, wo dan nyana lɛ fɛna drɔɔ na.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 33:5

Gakelebale a é nwale, naa, a nyanana a loru, azama. É Siɔn fan we drɔle valé we tegele nya.

Ézai 35:9

Golizra ’ka dan zun lɛ yee zi ’ko ta lo; Migyɛwi do kpen ’ka dan zi ’ko sia lɛ lo; Wo ’ka dan wo ye lɛ ana lo, Voébomamunu ɛ dan tawo lɛ a ta.

Ézai 42:6

Maa, Gakelebale, maa i laa i sile we gi we ma, Yé maa dan kun lɛ i bɛ ma, Maa dan yuɛ pa lɛ i va, yé maa i dɔ maa valé munu gi pa do fɛ nya, I kɛlɛle bɛnnu vakinisan nya we ma,

Ézai 45:17

Gakelebale ma lé Izraɛlnu si we gi, Sile we gi lé a glɛ ’ka lo, yee lé. Yaragyɛwe ’ka dan bɔ lɛ ka ma lo, yé yara ’ka dan ka gyɛ lɛ lo, Fɔɔ, lɛɛfaama, a glɛ ’ka dɔa lo.

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 29:11

Naa, Gakelebale léma: We lé ke an gi kazé nya, maa a dɔɔ. Ka vole drɔɔ we lé, we tɔntɔn kaan lo, léé, tɛlɛ tɛlama yé ka vo ana, yé ka bli é vo we lɛ.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 31:23

Lai sunyanu lé Gakelebale, Izraɛl lé Bale léma: Dé an da luugi‐munu nya wo pa gi, we lé munu é dan a fe lɛ Juda tɛrɛ valé é ta flanu ta, yee lé ke ’ko: Wetegele nyanana, gɔ sauun, Gakelebale i drɔɔ vo ma.

Jérémi 32:37

yee flamunu lé maa wo mawe fe i lɛ léé, maa wo bin yé wo go tɛrɛ faa‐an ta bɛ, an bli flile koo, an wɛwɛ koo, an bli nwale koo, wolé we ma bɛ, maa dan wo si lɛ ana yé maa wo zén ékeva yé an da wo nya wolé tɛrɛ la é ziin yé wo dan nyana lɛ ana duaa.

Jérémi 33:15

’Bɛ yinu la, yé ’bɛ bléyi va, David punla é dan nɛɛ lɛ mi tegele do nya. É dan we tegele valé we drɔle kɛlɛ lɛ tɛrɛ la.

Jérémi 33:16

’Bɛ yinu la Juda munu é dan si lɛ we gi, yé Jérusalɛm munu é dan nyana lɛ kli wo nyanana; tɔ lé wo dan a laa lɛ a nya, yee lé ke ’ko: Gakelebale, kolé wetegele.

Ézékiɛl 21:27

’Munnuwɔlɛ lé ke a bɛyi lee, ’bɛ Jérusalɛm nagɔɔn; ’bɛna lé é a lé wo guruzanagifɛnu dɔ, yé é kɛlɛ migyɛna nya yé wo guli ma siaa wo ana; wo dan gulidan guru zanagifɛnu dɔ lɛ gɔrɔ ’léénu ma; wo dan tɛrɛ zun dɔ lɛ wo ’lɛ, wo dan tɛrɛ zun blɛn dɔ lɛ ilé gɔrɔ ma.

Ézékiɛl 28:26

Wo dan nyana lɛ ana woboma duaa; wo dan kɔnnu dɔ lɛ, yé wo dan dɔrɔféinu pa lɛ. Munu faa lé wo wo zi lɛ sɔɔ, ’té wo serele bo wo ma bɛ, dé maa dɔra ’bɛnu ta bléyian va, wo dan nyana lɛ woboma duaa, yé wo dan a gi dɔɔ lɛ léé, maa ɛ ke Gakelebale wolé Bale nya.

Ézékiɛl 38:14

Bɛwemalé, blami be, ’i balelawe fe. Bé fe Gɔg lɛ léma: Mizan Gakelebale léma: Iin, yian nya lé anlé munu Izraɛl é dan nyana lɛ woboma duaa, i dan ’bɛ gi dɔɔ lɛ.

Ézékiɛl 48:35

A zi kɛlɛ fɛdanmayili baa sɔraziɛn. ’É sia ’bɛ yi ma, wo dan fla ’ko tɔ laa lɛ, Gakelebale a ’ko.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Daniɛl 9:7

Mizan, kɛlɛle tegele a bii ɛ zé nya; yé yaragyɛwe a kozé nya kyɔ, Juda munu koo, Jérusalɛm munu koo, Izraɛlnu faa koo, dé wa é puoo, dé wa baaoo, yaragyɛwe a wo faa zé nya. Wo yuɛ gi blanle lé we ma lé wo kɛlɛ weanwiinzannu nya, amalé i wo bin yé wo sɔɔla tɛrɛ faa la.

OZÉ (Osée) 1:7

Naa, maa dan nyanai zén lɛ Juda munu ta; maa Gakelebale ɛ dan wo si lɛ we gi anboan; maa ’ka dan wo si lɛ we gi sa valé gwɔun koo, gulidanle koo, wisoonu valé wotazannu koo, wo nya lo.

OZÉ (Osée) 2:18

Gakelebale léma: ’Bɛ yi ’ko la, i dan an laa lɛ, i zana; i ’ka dan an laa lɛ é dɛrɛ izan, lo.

Abudias 1:17

Naa, sile we gi é dan kɛlɛ lɛ Siɔn gɔ nwiin; é dan kɛlɛ lɛ sauun, Yé Jakɔb lé munu é dan ’wolé tɛrɛ si lɛ é ziin.

Abudias 1:21

Mi siéwegizannu é dan vɔ lɛ Siɔn gɔ nwiin, Ézau lé gɔ la munu lé weblele we ma; Yé Gakelebale é dan pla lɛ munu nwiin.

Sofoni 3:13

Izraɛl munu pɔnénu ’ka dan weple kɛlɛ lɛ é dɛrɛ lo, yé wo ’ka dan vié wo lɛ é dɛrɛ lo, yé mi saan dére do kpen ’ka dan kɛlɛ lɛ wo ’léé lo. Naa, wo dan fɛ ble lɛ, yé wo dan flin lɛ, yé mi do kpen ’ka dan wo zuru va nyɛ kini lɛ é dɛrɛ lo.

Zakari 10:6

Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

Zakari 3:10

Lai sunyanu lé Gakelebale léma: ’Bɛ yi la, ka faa do do ka dan ka bɔlunu laa lɛ, ’té ka a é nyanale kalé dɔrɔyili valé bɔrɔyilinu wuo.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Filip munu 3:9

Yé dé an kɛlɛ Krist gi, maa ’ka a gi kɛlɛle tegele lé éé sié bélidɔwe va, ’bɛ we ma lo, naa, maa a a gi kɛlɛle tegele lé éé sié blivole Jézu Krist lɛ va, a we ma. Kɛlɛle tegele ’ko, Bale a no blipale ma.