Jérémi 23:5 - Kazambale lé Sebe Sauunu 1979

⁵ Gakelebale léma: Ka ye, a yinu é dan bɔ lɛ yé maa dan David punla nɛɛ lɛ mi tegele do nya yé é dan pla lɛ munu nwiin, yé fɛ kiɛre é dan nyian wo lɛ a ma, yé é dan we tegele valé we drɔle kɛlɛ lɛ tɛrɛ ’ko la.

Jérémi 23:5 ပူးပေါင်းရင်းမြစ်များ

2 Samuɛl 23:3

Izraɛl lé Bale we fe, Izraɛl lé gɔlɛ lé an lɛ léé: Mi lé éé plaan munu nwiin we tegele kɛlɛle nya na, Mi lé éé plaan munu nwiin kanale Bale lee nya na,

Lɛrɛvɔ Sɛbɛ 45:4

Gulidanzan nyanazan, ’i ilé gwɔun dɔ i gyɛn, ’Ilé ’lɛrɛfɛ zén i ta yé ilé fua nagɔɔn.

Lɛrɛvɔ Sɛbɛ 80:15

Lai sunyanu lé Bale, é a lé i da é ziin, Biian i ke lagi loru, bé nagini, bé ye, ’i gi bɔrɔ dɔrɔyili ’ko ma.

Lɛrɛvɔ Sɛbɛ 99:4

Minwiinzan blɛn lé, we tegele sɔ a lɛ, ’wo alé plɛplɛ tɔ bɔ ma. I wedrɔle dɔa gligli, I we tegele valé we drɔle kɛla Jakɔb bɛn gi.

Ézai 33:5

Gakelebale a é nwale, naa, a nyanana a loru, azama. É Siɔn fan we drɔle valé we tegele nya.

Ézai 4:2

’Bɛ bléyi va, Gakelebale lé fɛ gɔn é dan bɔ lɛ; é dan kɛlɛ lɛ Izraɛl ’lɛrɛfɛ valé a tɔbɔle nya. Yee fɛ gɔn lé tɛrɛ a bɔra bɛ, Izraɛl lé munu lé wo si we gi, é dan kɛlɛ lɛ wo tɔbɔmafɛ valé wo nyɛɛfɛ nya.

Ézai 42:6

Maa, Gakelebale, maa i laa i sile we gi we ma, Yé maa dan kun lɛ i bɛ ma, Maa dan yuɛ pa lɛ i va, yé maa i dɔ maa valé munu gi pa do fɛ nya, I kɛlɛle bɛnnu vakinisan nya we ma,

Ézai 45:24

Wo dan a fe lɛ an lɛ léé: Gakelebale do kpen gi lé wetegele valé plɛplɛ ke; Munu faa lé wo bli fli a ma, Wo dan da lɛ a va, wo gi blinle wo ma we gi.

Ézai 52:13

Ka ye, we faa nyian é dan wo lɛ an wuozan ma, É dan nwa lɛ, é dan kɛlɛ lɛ blɛn, é dan kɛlɛ lɛ blɛn é baba.

Ézai 53:10

Élé tɛrɛla nɔ wenyané ’yibofɛ nya, Yé Gakelebale a ’wii nyanéblele nya, é sɔ a lɛ fɛan zo, a zo; A kulu é dan kɛlɛ lɛ yé a yinu é dan kɛlɛ lɛ di, Yé Gakelebale lé nyanama va é dan gyɛ lɛ a lee.

Ézai 53:2

É tin Gakelebale yuɛ va bélé lutolu zo, Bélé yili lé ke fɔnna tɛrɛ gale ta, a zo; É ’ka nɔnɔmi lo, yé a yara ’ka bié yé é mi sia ana lo, A yara dɔbɛ ’ka ko gi nanama lo.

Ézai 9:5

Naa, wo né do yaa ko lɛ, Bale négɔné do nɔ ko lɛ, É dan pla lɛ munu nwiin, Wo dan a laa lɛ, lɛamazan, weplamilɛzan Bale plɛplɛ, Lɛɛfaama Ti, vole drɔɔ ’wuo.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Jérémi 22:15

Sɛdrɛyili lɔrɔ lé i gyɛle we ma lé i ke é plale mi nwiin? I ti ’ka fɛ ble lɛ loo? É ’ka ’yi mini lɛ loo? Naa, é we tegele valé we zima kɛlɛ Yé a gi nana.

Jérémi 22:3

Gakelebale léma: ’Ka we tegele valé we drɔle kɛlɛ; ’ka mi si vami lee; té ka nyané pa bɛn koo, ti valé bu galazan koo, zanagala le koo, wo ta lo; té ka glawe kɛlɛ mi lɛ lo; té ka weanwiinlozan nyɛ zana fɛkona lo.

Jérémi 23:6

’Bɛzan zé bléyi va, Juda munu é dan si lɛ we gi; Izraɛl munu é dan nyana lɛ drɔɔ ’wo nyanana. Yé ka ye, tɔ lé wo dan a laa lɛ a nya, yee lé ke ’ko: Gakelebale, kolé we tegele.

Jérémi 29:11

Naa, Gakelebale léma: We lé ke an gi kazé nya, maa a dɔɔ. Ka vole drɔɔ we lé, we tɔntɔn kaan lo, léé, tɛlɛ tɛlama yé ka vo ana, yé ka bli é vo we lɛ.

Jérémi 30:3

Gakelebale léé: Bé ye, a yi é dan bɔ lɛ yé an dan anlé munu Izraɛl valé Juda si lɛ luu gi yé an da wo nya. Tɛrɛ lé maa a nɔ wo tranu lɛ, maa dan da lɛ wo nya ’bɛna é ziin, yé é dan kɛlɛ lɛ wozé nya.

Jérémi 30:9

Ka dan Gakelebale, kalé Bale bɔ lɛ, yé ka nwiinzan blɛn David lé maa dan a nwa lɛ, ka dan a bɔ lɛ.

Jérémi 31:27

Gakelebale léma: Ka ye, a yi é dan bɔ lɛ, yé maa dan Izraɛl munu valé Juda munu fan lɛ; maa dan munu valé winu fan lɛ.

Ézékiɛl 21:27

’Munnuwɔlɛ lé ke a bɛyi lee, ’bɛ Jérusalɛm nagɔɔn; ’bɛna lé é a lé wo guruzanagifɛnu dɔ, yé é kɛlɛ migyɛna nya yé wo guli ma siaa wo ana; wo dan gulidan guru zanagifɛnu dɔ lɛ gɔrɔ ’léénu ma; wo dan tɛrɛ zun dɔ lɛ wo ’lɛ, wo dan tɛrɛ zun blɛn dɔ lɛ ilé gɔrɔ ma.

Ézékiɛl 34:16

Yee lé é ke é sanle, maa dan a gini lɛ; yee lé é saan, maa dan da lɛ a nya é pa gi; yee lé é tuo, maa dan a tuonanu paa lɛ; yee lé gyɛ ke a ma, maa dan plɛplɛ nɔ lɛ a lɛ. Naa, wo lé wo ke é buale, ’té wa plɛplɛ, maa dan wo gyɛ lɛ. É sɔ an lɛ léé, maa wo pa we tegele yɛrama.

Ézékiɛl 34:29

Féi lé a tɔ ke é bɔle, maa dan a pa lɛ wo lɛ. Lɔrɔ ’ka dan wo gyɛ lɛ é dɛrɛ tɛrɛ ’ko la lo, yé bɛnnu ’ka dan serele bo lɛ wo ma é dɛrɛ lo.

Ézékiɛl 45:8

Tɛrɛ ’ko ’é kɛlɛ mi nwiinzan zé nya, azé fɛna nya Izraɛl tɛrɛ la. É ’ka lé anlé munu nwiinzannu wo yaa anlé munu ta é dɛrɛ lo; naa, ’wo tɛrɛ vo Izraɛlnu zé nya, wo bɛn do do yɛrama.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Misé 5:3

É dan bɔra lɛ yé é dan pla lɛ munu nwiin Gakelebale lé plɛplɛ nya, Gakelebale alé Bale lé fuatɔ nya. Wo dan a tɔ bɔ lɛ fɔɔ tɛrɛ glɛ sina, amalé alé munu é dan nyana lɛ kli.

Zakari 3:8

Amalé Balebanmunu ’lɛzan Jozué, ’i tɔné dɔ an lɛ, bii valé i bɔlunu lé wo ke é nyanale i ’lɛ bɛ, ’té wo ke tɛlɛ tɛlama tɔmasenu nya bɛ, wo nya. Bé ye, an leezan lé wa laama mipunla, maa dan a pa lɛ zia.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Matio 2:2

yé wo léé: Né lé wa yaa Juifinu nwiinzan blɛn nya, é a kyɛɛn? Ko alé monéné ye yirinwanazia, amalé ko da a bɔ lɛ.

WENÉNÉ LE JAN A GYE (Évangile selon Jean) 1:45

Filip valé Natanaɛl kee, yé Filip lé a lɛ léé: Mi lé Moizi alé we gyɛ bélidɔwe gi yé balelayezannu a mawe fe, ko a ye, Nazarɛtzan Jézu, Jozɛfu be lé.

WENÉNÉ LE JAN A GYE (Évangile selon Jean) 1:49

Natanaɛl lé a lɛ léé: Anzan, bii a Kazambale Be nya. Bii a Izraɛl munu nwiinzan blɛn nya.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

Ébrunu 8:8

Naa, Mizambale léé: Izraɛl munu lé we ’ka tegele lo, yé é léé: Mizambale léma: Ka ye, yi do é dan bɔ lɛ, Yé maa dan gipawe dɛrɛ kɛlɛ lɛ Izraɛl valé Juda munu va,

Wegɔɔnle 19:11

A zuo maa la lɛ ye é sole yé bé ye, wisoo fu bɔra. Wo atazan laama yarapawelazan valé webozen, yé éé we blé tegele ’té éé guli daan tegele.