Jérémi 23:4 - Kazambale lé Sebe Sauunu 1979

⁴ Yé mi pazannu lé wo dan fɛ nɔ lɛ wo lɛ, maa dan wo dɔ lɛ. Wo ’ka dan kana lɛ é ziin lo; di ’ka dan kini lɛ wo gi é dɛrɛ lo, yé fɛ ’ka dan kele lɛ wo va mi do kpen ma lo.

Jérémi 23:4 ပူးပေါင်းရင်းမြစ်များ

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Jérémi 30:10

Yé Gakelebale léé: Yé bii an wuozan Jakɔb, té i kana lo; Yé bii Izraɛl, té i gi nyɛ é kini lo, Naa, maa dan i si lɛ tɛrɛ baa la munu lee, Maa dan i kulunu si lɛ luu gi tɛrɛ lé wo kɛlɛ ana luu nya, ana munu lee; Jakɔb é dan da lɛ é pa gi, yé a gi é dan nana lɛ flinle valé vole drɔɔ we ma, Yé mi do kpen ’ka dan gibɔrɔpa?-?amawe kɛlɛ lɛ lo.

Jérémi 31:10

’Kaa bɛnnu, ’ka tɔné dɔ Gakelebale dére lɛ, Yé ’ka a zana dɔɔ wɛyi worona tɛrɛ baanu ta, ’Ka fe léé: Mian é Izraɛl munu kini ékema, é dan wo zén lɛ ékema é ziin, Yé é dan wo tabin lɛ bélé ’blata‐binzan élé ’blanu tabin‐é fɛan zo, a zo.

Jérémi 33:26

’té an dan sɔn vɔ lɛ Jakɔb valé an wuozan David kulunu ma, yé munu lé wo dan pla lɛ Abraam koo, Izak koo, Jakɔb koo, wo kulunu nwiin, maa ’ka dan wo si lɛ David kulunu va lo. Naa, maa dan da lɛ wolé luugimunu nya wo pa gi, yé an nyanai é dan zén lɛ wo ta, azama.

Ézékiɛl 36:11

Maa dan blaminu valé winu ’léé gi gyɛ lɛ ka nwiin di. Wo gi é dan gyɛ lɛ yé wo dan fan lɛ. É sɔ an lɛ léé, munu é nyana ka nwiin bélé é vinin zé zo, yé maa dan zin kɛlɛ lɛ ka lɛ yé ’bɛ é gié é vinin zé ta, yé ka dan a gi dɔɔ lɛ léé, maa ɛ ke Gakelebale nya.

Lévinu 26:9

An dan an yara dɔ lɛ ka vazia, yé maa dan ka kɛlɛ lɛ néyaazannu nya, yé maa dan ka fan lɛ, yé an dan dɔ lɛ anlé gipawe ta ka va.

Misé 4:4

Wo faa do do é dan nyana lɛ ’wolé dɔrɔyilinu valé ’wolé bɔrɔyilinu wuo, Yé mi do kpen ’ka dan wo gi kyɛ dɔ lɛ lo; Lai sunyanu lé Gakelebale ɛ fe, azama.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Misé 7:14

Ilé munu, ilé trubɛ lé ke ilé tɔnɔyémafɛ nya, ’té wo ke é nyanale Kaamɛl gɔnu méléna pɔrɔ gi wo saa, ’i wo pa ilé ’blatabinyili nya; ’wo fɛ ble Bazan valé Galaad tɛrɛ la bélé é vinin zo.

Sofoni 3:13

Izraɛl munu pɔnénu ’ka dan weple kɛlɛ lɛ é dɛrɛ lo, yé wo ’ka dan vié wo lɛ é dɛrɛ lo, yé mi saan dére do kpen ’ka dan kɛlɛ lɛ wo ’léé lo. Naa, wo dan fɛ ble lɛ, yé wo dan flin lɛ, yé mi do kpen ’ka dan wo zuru va nyɛ kini lɛ é dɛrɛ lo.

Mi Nɔnɔle 31:49

yé wo lé a lɛ léé: Sunyanu lé ke ko wuo, i wuozannu wo nɔnɔ, yé ko va mi do ’ka so lɛ a ’léé lo.

WENÉNÉ LE JAN A GYE (Évangile selon Jean) 17:12

Bléyian va lé maa ke wo va tɛrɛ la, an yuɛ pa wo va i tɔ gi. Munu lé i wo nɔ an lɛ, an wo ta béli dɔ. Dé é ’ka sanzan do kpen nya lo, wo va mi do kpen ’ka san lɛ lo, we lé wa gyɛ Kazambale lé sɛbɛ gi, a lɛsɔɔle we ma.

WENÉNÉ LE JAN A GYE (Évangile selon Jean) 18:9

É we ’ko fe, dére lé é a fe é kyɛn, a lɛsɔɔle we ma; é léé: Munu lé i wo nɔ an lɛ, wo va mi do kpen ’ka san lɛ an lee lo.

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.