Jérémi 23:32 - Kazambale lé Sebe Sauunu 1979

³² Gakelebale léma: Ka ye, munu lé woo vié nyɛ gi fé balelawe fele nya, ’té woo wo gi fé, ’té woo anlé munu saan wolé viéwole valé wo yara plɛplɛ nya, maa a wo ma. Maa ’ka wo pa lɛ zia lo, maa ’ka we fe lɛ wo lɛ lo, wo ’ka we zin do kpen nyian wo anlé munu ma lo. Maa Gakelebale ɛ ke a fena.

Jérémi 23:32 ပူးပေါင်းရင်းမြစ်များ

JOB (Job) 13:4

Naa, ’kaa, we lé ka dɔa ka ’wuo gi, viéwe lé, Ka faa a dɔtrɔ gyétrɛn boanu nya.

Ézai 3:12

Nénu éé yaan anlé munu ta yé lomu a é plale wo nwiin. Anlé munu, kalé zigɔɔnzannu a ka saanna, yé zi lé ka ke tawona a ta, wa sɛrɛna.

Ézai 9:15

Munu ’ko lé zigɔɔnzannu ’wo saan, yé munu lé wo yee zi gɔɔnle ’wo lɛ nyi si, wo saan.

Jérémi 23:13

Maa Samari lé balelayezannu ye gweawuogizannu nya; Woo balelawe fé Baal tɔ nya; Wo anlé munu Izraɛl saan.

Jérémi 23:16

Lai sunyanu lé Gakelebale léma: Balelayezannu lé woo balelawe fé ka lɛ, té ka tɔné dɔ wo lɛ lo. Wa boawe fena ka lɛ; we lé ke wo bli gi, yee lé wa fé ka lɛ yuɛziwe nya; we lé éé sié Gakelebale ’léé, wo ’ka ’bɛ fé ka lɛ lo.

Jérémi 23:25

Balelayezannu lé woo balelawe fé vié nya an tɔ gi, we lé wa fe, maa ’ma. Wo léma: Maa nyɛ do gyɛ, maa nyɛ do gyɛ.

Jérémi 23:31

Gakelebale léma: Ka ye, balelayezannu lé woo wobo gi we fé balelawe fele nya, maa a wo ma.

Jérémi 29:31

Bé fe luugimunu faa lɛ léé: Gakelebale we fe Nésélamizan Sémaéja ma yé é léma: Sémaéja balelawe fe ka lɛ ’té an ’ka a pa lɛ zia lo, yé ka pa alé viéwe ’ko ta,

Jérémi 7:8

Naa, ka ye, ka kabo no dablikɛlɛ?-?dérenu lé wo ’ka we do kpen kɛla mi lɛ lo, wo lɛ.

Jérémi Lé Wuvɔ Sɛbɛ 2:14

Kalé balelayezannu lé balelayele a boawe valé vié nya, Wo ’ka ilé weple bɔra lɛ Léé, té ka go luu gi lo lo. Wenu lé wa gɔɔn ka lɛ wa viéwenu valé dabliwe nya.

Jérémi Lé Wuvɔ Sɛbɛ 3:37

De ɛ bɔa a fele lɛ léé, we ’ko é dan bɔ lɛɛ? ’Té dé Mizan ’ka a nyi si lɛ lo.

Sofoni 3:4

Webozen ’ka alé balelayemunu gi lo, yé woo dabli kɛla. Alé Balebanmunu éé fɛ sauunnu sɔnnénu sɛra yé woo bélidɔwe sɛra.

Zakari 10:2

Naa, térafimnu dére a é pla, ’monédɔmunu éé tɛlɛ tɛlama we fé vié nya; nyɛ ginu a vié nya, yé woo mi tɔrɔ paan boawenu nya. Amalé munu a wona bwi gi bélé trubɛ palu zo. Wo pazan ’ka lo, amalé wa wenaané bɔmazannu nya.

Matio 15:14

’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.

2 Korɛnt Munu 1:17

É a an gi léé, maa kɛlɛ ’bɛ zo ’naan, maa a we pla fenaa? É dɔ ka gi léé, maa we fé kelekele, dé an we iin tɔɔn yé maa léé, gbaa?

Bélidɔwesɛbɛ Fiézan 18:20

Naa, balelayezan‐an é bli si ébo lɛ yé dére lé ’yee Gakelebale ’ka a fe lɛ a lɛ léé, é a fe lo, dé é ’bɛ dére fe ’é tɔ gi, ɛɛ, dé bale bɛ tɔ gi lé é a fe, balelayezan ’ko, wo dan we lɛdɔ lɛ a gi ga nya.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.