Jérémi 23:22 - Kazambale lé Sebe Sauunu 1979

²² Dé é kɛlɛ kɔɔn léé, wo nyana anlé wekyɛ zi, ’té wo an dérenu fe anlé munu lɛ, ’té wo wo si wolé tawobɛ naané zuo, ’té wo wo si wo kɛlɛwe lɛrɛlɛrɛnu zuo.

Jérémi 23:22 ပူးပေါင်းရင်းမြစ်များ

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 23:18

Mi kyɛn ɛ go nyana lɛ Gakelebale lé wekyɛ zi, ’té éé a yé, ’té éé tɔné dɔa a dére lɛɛ? De ɛ tɔné dɔ a dére lɛ, ’té éé a gi maan?

Jérémi 25:5

Yee balelayezannu léma: ’Kaa faa do do, ’ka si ka kɛlɛwe naané valé ka kɛlɛwe nyanénu zuo, yé ka dan nyana lɛ tɛrɛ lé maa a nɔ ka valé ka tranu lɛ, a ta, ’té ’bɛ glɛ ’ka dɔa lo.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 36:3

Wenaané faa lé é a an bli gi léé, maa dan a kɛlɛ lɛ Juda munu lɛ, dé wa ’ma, dé wo faa do do é dan daan lɛ wo kɛlɛwe naanénu maa? Dé wa kɛlɛ, maa dan wo ma we vo lɛ wolé weplenu valé wolé wenyané ma.

Jérémi 9:12

Wedɔɔzan lé éé we ’konu maan, é a kyɛɛn? Mi lé Gakelebale we fe a lɛ, yee ɛ fe ma. Mɛmalé tɛrɛ a é sɛrɛle yé ana kyɛ ble bélé bwi gi lé mi do kpen ’ka giéan ana lo, a zoo?

Ézékiɛl 13:22

Ka mi tegelenu bli kyɛ dɔa viéwole nya, dɔlé ’té maabozen ’ka wo bli kyɛ dɔ lɛ lo. Yé ka mi nyanénu bɛ dɔa plɛplɛ léé, té wo si ’wo kɛlɛwe naanénu zuo yé wo vo é yuɛma lo.

Ézékiɛl 13:5

Ka ’ka go lɛ gɔrɔ guru buruna lo, yé ka ’ka gɔrɔ bo lɛ Izraɛl lé kɔnnu zi, wo dɔle gligli Gakelebale lé gulidanyi nya lo.

Ézékiɛl 18:30

Izraɛlnu, bɛwemalé maa dan ka faa do do lé we ble lɛ kalé wekɛlɛbɛ yɛrama. A zo lé Mizan Gakelebale a fe. ’Ka da é ziin, yé ’ka daan kalé bélidɔwe sɔnné sɛrɛlenu faa ma, léé, té weple é kɛlɛ ka sɛrɛfɛ nya lo.

Ézékiɛl 2:7

Dé wo ’wo tɔné dɔoo, dé wo ’ka ’wo tɔné dɔ lɛ looo, ’i an dére fe wo lɛ. Naa, wa tɔnégiplɛplɛzannu nya.

Ézékiɛl 3:17

Blami be, maa i dɔ Izraɛlnu taginizan nya. ’I tɔné dɔ an dére lɛ, yé i dan we lɛ kini lɛ wo lɛ an dére nya.

Amɔs 3:7

Naa, Mizan Gakelebale ’ka we kɛla é pla lo, ’té dé é ’ka tan é giwe yɔɔle ga vɔ lɛ é leezannu balelayezannu la lo.

Zakari 1:4

Té ka kɛlɛ bélé ka tranu zo lo. Balelayezan vininnu we fe wo lɛ léé: Lai sunyanu lé Gakelebale léma: ’Ka si kalé zi naanénu ta, ’ka daan ka kɛlɛwe naanénu ma. Naa, wo ’ka ’wo tɔné dɔ lɛ ’bɛnu lɛ lo, yé wo ’ka a ’male nyi si lɛ an lɛ lo. A zo lé Gakelebale a fe.

Malasi 2:6

Bélidɔwe bozen a a ’léé, yé mi ’ka weple do kpen yé a ’léé lo. É tawo maa va, we drɔɔ valé we tegele kɛlɛle nya, yé é mi kiɛre nɔla wenaané zuo.

1 Tɛsalɔnik munu 5:6

Bɛwemalé, té kaa yi gyɛ bélé mi pɔnénu zo lo; kaa vo é yuɛma yé kaa kaabo kun.