Jérémi 23:21 - Kazambale lé Sebe Sauunu 1979

²¹ Maa ’ka balelayezan ’konu nwunvɔ lɛ lo; wo go é wo; maa ’ka we pa lɛ wo ’léé lo, naa, wo balelawe fe.

Jérémi 23:21 ပူးပေါင်းရင်းမြစ်များ

Ézai 6:8

Maa Mizan dére ’ma, ’té éé a fé léé: Maa dan mi kyɛn ɛ nwunvɔ lɛɛ? Yé de ɛ dan tawo lɛ kolé we gii? Yé maa a zi pa léé: Maa lo, ’i an nwunvɔ.

Jérémi 14:14

Yé Gakelebale lé an lɛ léma: Balelayezannu éé vié woo an tɔ gi; maa ’ka ’bɛ balelayezannu ’ko pa lɛ zia lo, maa ’ka dére ’ko pa lɛ wo ’léé lo, maa ’ka ’bɛ fe lɛ wo lɛ lo. Vié yuɛziwenu lé wa ye; wolé we lɛ kinile a we pla nya; dabliwenu lé woo sié ’wo bli gi, yee lé wa fe balelawefele nya.

Jérémi 23:32

Gakelebale léma: Ka ye, munu lé woo vié nyɛ gi fé balelawe fele nya, ’té woo wo gi fé, ’té woo anlé munu saan wolé viéwole valé wo yara plɛplɛ nya, maa a wo ma. Maa ’ka wo pa lɛ zia lo, maa ’ka we fe lɛ wo lɛ lo, wo ’ka we zin do kpen nyian wo anlé munu ma lo. Maa Gakelebale ɛ ke a fena.

Jérémi 27:14

Balelayezannu lé wa fé ka lɛ léé: Ka ’ka dan kɛlɛ lɛ Babilɔn nwiinzan blɛn wuozannu nya monomono lo, té ka tɔné dɔ wo lɛ lo. Naa, woo balelawe fé ka lɛ vié nya.

Jérémi 27:15

Maa ’ka wo nwunvɔ lɛ monomono lo, yé woo balelawe fé ka lɛ vié nya an tɔ gi, léé, maa ka bin yé ka ga zama, ka valé balelayezannu lé woo balelawe fé ka lɛ bɛ, wo nya. Maa Gakelebale ɛ ke a fena.

Jérémi 28:15

Yé balelayezan Jérémi lé balelayezan Aanania lɛ léé: Aanania, ’i tɔné dɔ. Gakelebale ’ka i pa lɛ zia monomono lo. Yé munu pa ilé viéwe fele ’ko ta.

Jérémi 29:31

Bé fe luugimunu faa lɛ léé: Gakelebale we fe Nésélamizan Sémaéja ma yé é léma: Sémaéja balelawe fe ka lɛ ’té an ’ka a pa lɛ zia lo, yé ka pa alé viéwe ’ko ta,

Jérémi 29:8

Naa, lai sunyanu lé Gakelebale, Izraɛl lé Bale léma: Kalé balelayezannu lé wo ke ka va koo, kalé ’monédɔzannu koo, té ka zi nɔ wo lɛ léé, wo dabli kɛlɛ ka lɛ lo, yé nyɛgyɛzannu lé woo nyɛ gya kalé we nya, té ka tɔné dɔ wo lɛ lo.

Jérémi 29:9

Naa, woo balelawe fé ka lɛ vié nya an tɔ gi. Maa ’ka wo nwunvɔ lɛ monomono lo. Maa Gakelebale ɛ ke a fena.

WENÉNÉ LE JAN A GYE (Évangile selon Jean) 20:21

Jézu lé é ziin wo lɛ léé: ’Ka vo drɔɔ ma. Fɛan zo lé an Ti an nwunvɔ, a zo duo lé maa ka nwunvɔa é ziin.

Kelewenu 13:4

Léli Sauun Banabas valé Sɔl pa zia, yé wo go Sélusi. ’Bɛna lé wo vɔ ’yitagoro gi yé wo go wɛyi worona tɛrɛ lé wa laama Sipri, a ta.

Rom munu 10:15

Yé dé wo ’ka mi pa lɛ zia lo, wefezan éé kɛla ana kaa? We lé ke é gyɛle sɛbɛ gi, é a ’bɛ zo; wo léé: Munu lé woo vole drɔɔ we fé, ’Té woo wenéné fé, Wo ganenu a é nɔnɔmi.