Jérémi 23:16 - Kazambale lé Sebe Sauunu 1979

¹⁶ Lai sunyanu lé Gakelebale léma: Balelayezannu lé woo balelawe fé ka lɛ, té ka tɔné dɔ wo lɛ lo. Wa boawe fena ka lɛ; we lé ke wo bli gi, yee lé wa fé ka lɛ yuɛziwe nya; we lé éé sié Gakelebale ’léé, wo ’ka ’bɛ fé ka lɛ lo.

Jérémi 23:16 ပူးပေါင်းရင်းမြစ်များ

1 Minwiinzannu 22:11

Kénaana be Sédésias foliɛwɔlɛ bélinu kɛlɛ yé é léé: Gakelebale léma: Bélinu ’ko nya lé i dan Siri munu gyɛ lɛ fɔɔ yé i wo guru zana a gi.

2 Minwiinzannu 17:15

Wo sɔn vɔ alé bélidɔwe koo, gipawe lé é a kɛlɛ wo tinu va koo, wenu lé é a pla wo lɛ koo, wo ma. Wo go boafɛnu zuo yé wobozen kɛlɛ boazannu nya, yé bɛnnu lé ke wo zi, wo go wo zuo, dɔlé ’té Gakelebale a yi ga wo lee léé, té ’wo wo zuo sona lo.

2 Minwiinmunu lé Wezuofe Sɛbɛ 18:5

Izraɛl nwiinzan blɛn balelayezannu zén ékeva, wo mi wuru fié bɔa, yé é lé wo lɛ léé: ’Ko go guli dan Ramɔt lé ke Galaad tɛrɛ la, a va laa, taa, ko diéraa? Yé wa zi pa léé: ’I go. Bale é dan a pa lɛ minwiinzan blɛn lee.

Wegɔnévɔlenu 19:27

An be, dé wa we paana i gi, i yara sile ’wuoatawe ta we ma, té i tɔné dɔ wo lɛ é dɛrɛ lo.

Jérémi 14:14

Yé Gakelebale lé an lɛ léma: Balelayezannu éé vié woo an tɔ gi; maa ’ka ’bɛ balelayezannu ’ko pa lɛ zia lo, maa ’ka dére ’ko pa lɛ wo ’léé lo, maa ’ka ’bɛ fe lɛ wo lɛ lo. Vié yuɛziwenu lé wa ye; wolé we lɛ kinile a we pla nya; dabliwenu lé woo sié ’wo bli gi, yee lé wa fe balelawefele nya.

Jérémi 2:5

Gakelebale léma: Ka tranu mɛ weple ɛ ye an gi Yé wo si an ma baa Yé wo go boafɛnu zuo yé wobozen kɛlɛ boamunu nyaa?

Jérémi 23:21

Maa ’ka balelayezan ’konu nwunvɔ lɛ lo; wo go é wo; maa ’ka we pa lɛ wo ’léé lo, naa, wo balelawe fe.

Jérémi 23:26

Balelayezan ’konu, é sɔ wo lɛ léé, wo balelawe fe vié nya yifaamaa? Yé dabliwe lé é ke wo bli gi, yee lé wa fé balelawe fele nya yifaamaa?

Jérémi 29:23

Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Jérémi 29:8

Naa, lai sunyanu lé Gakelebale, Izraɛl lé Bale léma: Kalé balelayezannu lé wo ke ka va koo, kalé ’monédɔzannu koo, té ka zi nɔ wo lɛ léé, wo dabli kɛlɛ ka lɛ lo, yé nyɛgyɛzannu lé woo nyɛ gya kalé we nya, té ka tɔné dɔ wo lɛ lo.

Jérémi 9:12

Wedɔɔzan lé éé we ’konu maan, é a kyɛɛn? Mi lé Gakelebale we fe a lɛ, yee ɛ fe ma. Mɛmalé tɛrɛ a é sɛrɛle yé ana kyɛ ble bélé bwi gi lé mi do kpen ’ka giéan ana lo, a zoo?

Jérémi 9:20

’Kaa lomu, ’ka tɔné dɔ Gakelebale dére lɛ, Yé we lé é ke a fena, ’ka a ’ma ma. ’Ka gyɛbolɛrɛ paa ka lunu gi; ’Ka wuvɔlɛrɛ paa ka ke gi.

Jérémi Lé Wuvɔ Sɛbɛ 2:9

Tɛrɛ zén alé duolinu ta, É a lɛ tan foliɛwɔlɛnu sɛrɛ, é wo yéli, Siɔn munu nwiinzan blɛn valé minwiinzannu a bɛnnu va, bélidɔwe ’ka ana é dɛrɛ lo. Balelayezannu é ziin, Gakelebale ’ka we gɔɔn‐an wo lɛ yuɛzi gi é dɛrɛ lo.

Ézékiɛl 13:16

’Bɛ gi léé, Izraɛl balelayemunu lé woo balelawe fé Jérusalɛm ma, woo lé. Woo Jérusalɛm vole drɔɔ fé yuɛziwe nya, dɔlé ’té vole drɔɔ do kpen ’ka lo. A zo lé Mizan Gakelebale a fe.

Ézékiɛl 13:23

Bɛwemalé ka ’ka dan boayuɛziwenu ye lɛ é dɛrɛ lo, yé ka ’ka dan balelawe fe lɛ é dɛrɛ lo. Maa dan anlé munu si lɛ ka lee, yé ka dan a gi dɔɔ lɛ léé, maa ɛ ke Gakelebale nya.

Ézékiɛl 13:3

Mizan Gakelebale léma: ’Tugyɛ balelayezannu lé woo tawoo ’wobo ’wuogiwe zuo, ’té wo ’ka yuɛziwe do kpen ye lɛ lo, we tɔntɔn ’é bɔ wo ma ma.

Ézékiɛl 13:6

Wolé yuɛziwenu a é pla, yé wolé wefelenu a vié nya. Wo léé, Gakelebale léma, dɔlé ’té Gakelebale ’ka wo nwunvɔ lɛ pelo. Yé wa kɛlɛna léé, munu bli ’é vo a lɛ léé, wo dére lɛ é dan sɔɔ lɛ.

Ézékiɛl 22:28

Wolé balelayezannu éé wo ta yɔɔan yuɛzi giwe planu koo, viébalelawe fele koo, wo nya, bélé tɔrɛ giéle wo ma zo. Wo léé: Mizan Gakelebale léma: dɔlé ’té Gakelebale ’ka we do kpen fe lɛ wo lɛ lo.

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

Matio 7:15

’Ka yuɛ pa kabo va viébalelayemunu lé we ma. Woo dan ka va bélé ’blanu zo, naa, wo bli a wo gi bélé lɔrɔgyɛ glau zo.

Rom munu 1:21

Naa, wo Kazambale dɔɔ aan wo, wo ’ka a bɔ lɛ ’é bɔbɛ gi lo, yé wo ’ka a bɔ vɔ lɛ lo; naa, wolé gibɔrɔle kɛlɛ boawe nya yé wo ’ka ’wo ’wuogibɔrɔ mawe ye lɛ é dɛrɛ lo.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.