Jérémi 23:14 - Kazambale lé Sebe Sauunu 1979

¹⁴ Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 23:14 ပူးပေါင်းရင်းမြစ်များ

Wepélisiananu 13:13

Sɔdɔm munu a nyané, yé woo wenyané blɛnblɛn kɛla Gakelebale ma.

Wepélisiananu 18:20

Yé Gakelebale léé: Siaale Sɔdɔm valé Gɔmɔɔ ma gi a gyɛna yé wolé wenyané kɛlɛ blɛɛn.

Wepélisiananu 19:24

Yé Gakelebale povun valé kyɛ zana Sɔdɔm valé Gɔmɔɔ ta bélé lɛɛ zo. Gakelebale bozen va lé we ’ko si.

Wepélisiananu 19:25

Fla ’konu koo, fɛna pɛblɛɛ faa koo, fla ’konu la munu faa koo, tɛrɛ la lu faa koo, é wo sɛrɛ tatata.

Ézai 9:15

Munu ’ko lé zigɔɔnzannu ’wo saan, yé munu lé wo yee zi gɔɔnle ’wo lɛ nyi si, wo saan.

Jérémi 14:14

Yé Gakelebale lé an lɛ léma: Balelayezannu éé vié woo an tɔ gi; maa ’ka ’bɛ balelayezannu ’ko pa lɛ zia lo, maa ’ka dére ’ko pa lɛ wo ’léé lo, maa ’ka ’bɛ fe lɛ wo lɛ lo. Vié yuɛziwenu lé wa ye; wolé we lɛ kinile a we pla nya; dabliwenu lé woo sié ’wo bli gi, yee lé wa fe balelawefele nya.

Jérémi 18:13

Amalé Gakelebale léma: ’Ka we laa bɛnnu lee. Mi kyɛn ɛ ’bɛ zoɛ we ’ma é kyɛɛn? Izraɛl munu lé ke bélé blɛnzan zo, tadanmawe lé é gié é glɛ la, wa kɛlɛ.

Jérémi 20:16

Mi ’ko ’é kɛlɛ bélé fla lé Gakelebale a sɛrɛ, ’té a nyanai ’ka zén a ta lo, a zo. ’É dunnulenu ’ma é bladi ma, Yé ’é gulidan siaalenu ’ma é yiéyi ma.

Jérémi 23:17

Munu lé woo nyé yélié an ma, wo lé ’bɛnu lɛ léma: Gakelebale léma: Ka dan vo lɛ drɔɔ. Yé munu faa lé woo tawoo wolé blibɔmawe zuo, wo lé ’bɛnu lɛ léé: Wenaané do kpen ’ka dan bɔ lɛ ka ma lo.

Jérémi 23:22

Dé é kɛlɛ kɔɔn léé, wo nyana anlé wekyɛ zi, ’té wo an dérenu fe anlé munu lɛ, ’té wo wo si wolé tawobɛ naané zuo, ’té wo wo si wo kɛlɛwe lɛrɛlɛrɛnu zuo.

Jérémi 23:32

Gakelebale léma: Ka ye, munu lé woo vié nyɛ gi fé balelawe fele nya, ’té woo wo gi fé, ’té woo anlé munu saan wolé viéwole valé wo yara plɛplɛ nya, maa a wo ma. Maa ’ka wo pa lɛ zia lo, maa ’ka we fe lɛ wo lɛ lo, wo ’ka we zin do kpen nyian wo anlé munu ma lo. Maa Gakelebale ɛ ke a fena.

Jérémi 29:21

Kolaja be Akab valé Maaséja be Sédésias lé woo balelawe fé ka lɛ vié nya Bale tɔ gi, lai sunyanu lé Gakelebale, Izraɛl lé Bale we fe wo ma yé é léma: Ka ye, maa wo pa Babilɔn nwiinzan blɛn Nébukanɛsaa lee, yé é dan wo gyɛ lɛ ka yuɛ va.

Jérémi 29:23

Wo tɛrɛgyɛwe kɛlɛ Izraɛl tɛrɛ la; wo ’wo bɔlu bɛ na gini, yé wo vié wo an tɔ gi, dɔlé ’té maa ’ka wo béli dɔ lɛ ’bɛ nya lo, amalé we ’konu é dan bɔ lɛ. Maa a gi dɔɔ yé maa a anayezan nya. Maa Gakelebale ɛ ke a fena.

Jérémi 36:2

’I sɛbɛ si, yé we faa lé maa a fe i lɛ Izraɛl munu koo, Juda munu koo, bɛnnu faa koo, wolé we ma, a péli sia yian nya lé an we fe i lɛ Jozias bléyi va fɔɔ kyɔ, ’i wo faa gyɛ yee sɛbɛ ta.

Jérémi 49:18

Gakelebale léma: Mi ’ka dan kɛlɛ lɛ ana é dɛrɛ lo; mi do kpen ’ka dan nyana lɛ ana lo. É dan kɛlɛ lɛ bélé Sɔdɔm valé Gɔmɔɔ valé wo sɔnɔ flanu lé maa wo sɛrɛ tata, wo zo.

Jérémi Lé Wuvɔ Sɛbɛ 4:6

We lɛdɔle anlé munu gi a blɛn, É mini Sɔdɔm zé ta, É sɛrɛ tata bléyi do nya, ’Té mi do ’ka é bɛ mane lɛ a ma lo.

Ézékiɛl 13:16

’Bɛ gi léé, Izraɛl balelayemunu lé woo balelawe fé Jérusalɛm ma, woo lé. Woo Jérusalɛm vole drɔɔ fé yuɛziwe nya, dɔlé ’té vole drɔɔ do kpen ’ka lo. A zo lé Mizan Gakelebale a fe.

Ézékiɛl 13:19

Ka an tɔ sɛra anlé munu va, sɔnmlén bɛ nya kenu valé buru kuru kenu yele we ma, ’té munu lé é ’ka lé wo ga lo, ’té ka wo gya, yé ’té munu lé é ’ka lé wo vo é yuɛma lo, ’té ka wo voo é yuɛma. ’Bɛ zo wenu kɛlɛle nya lé anlé munu lé woo tɔné dɔa viéwenu lɛ, ka wo saan.

Ézékiɛl 22:25

Ilé balelayemunu woo gi paan mi ma i ta; woo mi boennu blé bélé golizra lé éé wé wigyɛle ta, a zo. Woo fuafɛnu valé fɛwezannu sié wobo zé nya; woo gyɛzaralomu bo bɔa fla.

OZÉ (Osée) 6:10

Maa tadanmawenu ye Izraɛl munu va; ’bɛna lé Éfraim munu kɛlɛ bélé bɔrɔdɛ le zo, yé Izraɛl munu wobo tiri dɔ.

Amɔs 4:11

Maa ka zana a gi, Sɔdɔm valé Gɔmɔɔ zé kɛlɛ fɛan zo, a zo; maa ka kɛlɛ bélé kyɛpéli lé wa si kyɛ va gla nya, a zo. Dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Misé 1:5

We ’konu faa bɔ Jakɔb lé wenyané blɛnnu lé we ma; Izraɛlnu lé wenyanénu ma lé é bɔ. Jakɔb lé wenyané blɛn a mɛ fɛ nyaa? Samari kaan loo? Juda munu lé gɔ nwiin yobannanu a kyɛɛn? Jérusalɛm kaan loo?

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Sofoni 3:4

Webozen ’ka alé balelayemunu gi lo, yé woo dabli kɛla. Alé Balebanmunu éé fɛ sauunnu sɔnnénu sɛra yé woo bélidɔwe sɛra.

Zakari 13:2

Lai sunyanu lé Gakelebale léma: ’Bɛ yi la maa dan miyilinu tɔ yi ga lɛ tɛrɛ ’ko la, léé, té wo sele é dɔ mi gi é dɛrɛ lo. Balelayezannu koo, bli tiridɔlenu koo, maa dan wo si lɛ tɛrɛ ’ko ta.

Malasi 1:1

Dére lé Gakelebale a fe Izraɛl lɛ Malasi lɔlu nya, yee lo.

Matio 11:24

Bɛwemalé, webleyinya, kazé kleblele é dan mini lɛ Sɔdɔm zé ta; maa fe ka lɛ.

Bélidɔwesɛbɛ Fiézan 32:32

Wolé dɔrɔyili lé wa suru, wa kulu si Sɔdɔm, Wa si Gɔmɔɔ féi; Wolé dɔrɔporo a laleporo nya, Wolé dɔrɔporo a é nyanale;

1 Timoté 4:2

Yo ’konu é dan nyanama pa lɛ munu lé woo viéwe paan munu gi, ’té woo wobo drɔan, wo nya. Wolé wevasibli a wo gi bélé wi lé wa pla kyɛ ta, a gale zo kwa?-?koroo.

2 Piɛri 2:6

Bale sɛrɛle dɔ Sɔdɔm valé Gɔmɔɔ nwiin yé é wo kinin kyɛyee nya; é we ’ko kɛlɛ, léé, Bale lé zi ma wenyané fezannu lé wo dan bɔra lɛ bɛ, dé wo we ’ko ’ma, yé wo ’ka dan wozé kɛlɛ lɛ ’bɛ zo lo.

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

Wegɔɔnle 11:8

Wo dan wo galenu pla lɛ fla blɛn lé wo Sɔdɔm valé Éjipiti tɔ pa a ma, ana vuun la; fla ’ko ta lé munu Wozan gyɛ yiliblan ta.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.