Jérémi 23:12 - Kazambale lé Sebe Sauunu 1979

¹² Bɛwemalé wolé zi é dan kɛlɛ lɛ yɔrɔyɔrɔ gunuti va, Wo dan wo nyunu lɛ yé wo dan dia lɛ; Naa, maa dan we tɔntɔn bɔ lɛ wo ma, Lɛɛan nya lé maa dan we lɛdɔ lɛ wo gi, ’bɛ lɛɛ nya. Maa Gakelebale ɛ ke a fena.

Jérémi 23:12 ပူးပေါင်းရင်းမြစ်များ

JOB (Job) 18:18

Wa bin san va yé é go gunuti va. Wa si tɛrɛ la.

Lɛrɛvɔ Sɛbɛ 35:6

Gunu ’é dɔra wolé zi ta yé a ta ’é kɛlɛ yɔrɔyɔrɔ yé wo dia, Yé Gakelebale lé lanje ’é wo zuo bin ma.

Lɛrɛvɔ Sɛbɛ 73:18

Iin, i wo dɔa zi yɔrɔyɔrɔ ta, Bé kɛlɛ léé, wo dia yé wo sɛrɛ tata,

Lɛrɛvɔ Sɛbɛ 82:5

Wedɔɔle valé gikinile ’ka wo lee lo, Woo tawoo gunutinu va; Tɛrɛ gane vɔna faa ma éé nyɔɔn‐an.

Fwile 32:34

Amalé ’i go, fɛ lé maa ana fe i lɛ, ’i go munu nya ’bɛna. I yua, anlé lanje é dan tawo lɛ i ’lɛ, naa, anlé welɛgipa yi nya, maa dan we lɛdɔ lɛ wo gi wolé wenyané ma.

Wegɔnévɔlenu 4:19

Wenyanékɛlɛmunu lé zi a bélé gunuti zo; fɛ lé éé wo diaan wo ’ka a yé lo.

Ézai 8:22

’Bɛ zuo wo dan ’wo yuɛ vɔ lɛ tɛrɛ va, yé bé ye, nyanéblele koo, gunuti koo, kleblele blɛn koo, wo saa ɛ ke ana; yé wo dan go lɛ gunuti tiritirinu va.

Jérémi 11:23

Wo va mi do kpen ’ka dan so lɛ a gi lo. Naa, maa dan we tɔntɔn bɔ lɛ Anatɔt munu ma, lɛɛ lé maa we lɛdɔa wo gi, ’bɛ lɛɛ nya.

Jérémi 13:16

’Ka fua nɔ Gakelebale kalé Bale lɛ A dale gunutinu nya ’lɛ, Ka gane sɔnéwɔlɛ sanle gɔnu ma gunutinu va ’lɛ. Ka dan san dale lɛbɛn lɛ, Yé é dan san ’ko nɔla lɛ gafurɔ nya. É dan a nɔla lɛ gunuti tiritiri nya.

Jérémi 48:44

Mian é fwi kanale lee é dan vɔ lɛ guru gi, yé mian é si guru gi, é dan vɔ lɛ séli gi. Naa, Gakelebale léma: Moab, lɛɛ ’ko gi maa dan we lɛdɔ lɛ i gi.

Jérémi 50:27

’Ka dirigɔnénu faa gyɛ, ’ka wo bɔrɔ bo. Wenaané kɛlɛ wo lɛ ma, naa, wozé yi bɔ; we lɛdɔ wo gi bléyi bɔ.

Jérémi 8:12

Gakelebale léé: Yara é dan wo gyɛ lɛ, naa, wa bozowenu kɛlɛna. Yara ’ka wo gya lo, wo ’ka yaragyɛwe dɔɔa boenwo lo; amalé wo dan ga lɛ munu lé woo gaan, wo va, yé dé an we lɛdɔ wo gi bléyian va, wo guru é dan zana lɛ a gi.

Jérémi Lé Wuvɔ Sɛbɛ 2:20

Gakelebale, ’bé gini, mi lé i ’bɛ zoɛ we kɛlɛ a lɛ, ’bé ye. É a lé lomu wobo kulu blee? Né kiénénu lé wo bli bɔ wo ma, ’wo wo blee? É a lé wo Balebanzannu valé balelayezannu gyɛ za ma Mizan lé fɛna sauun naa?

Misé 7:4

Wo va mi zin a bélé plénsɔnné léli zo. Wo va mi drɔle a é naané é mini léliyili lɛ. Yi lé kalé balelayemunu a fe, we lɛdɔ ka gi yi nya bɛ, é bɔ é pu. ’Bɛ yi nya lé wo gi é dan blin lɛ wo ma.

WENÉNÉ LE JAN A GYE (Évangile selon Jean) 12:35

Jézu lé wo lɛ léé: San ana é ziin bléyi sɛ nya ka méléna. Bléyian va lé san ke ka va, ’ka tawo, té béli é tan ka ma lo; mi lé é ke tawona gunutinu va, é ’ka é gona dɔɔa lo.

Bélidɔwesɛbɛ Fiézan 32:35

Dé wo saan Maa ɛ lɛ gi paan, maa ɛ wo banwoo. Naa, wolé we tɔntɔn ye yi bié é pu, Yé we lé é ke wo lɛbɛnna, é ’ka dan mɔn lɛ lo.

1 Jan 2:11

Naa, mian a bwe za ke a gi, é a gunutinu va, yé é a tawona gunutinu va yé gunutinu a yuɛ ’wii, amalé é ’ka é gona dɔɔa lo.

SEBE LÉ JUD A GYE (Épitre de Jude) 1:13

Wa bélé wɛyi nwale plɛplɛnu lé, woo ’wo buiɛ tiridɔlenu nwɛɛn‐an, wo zo; wa bélé monéné saanlenu lé, gunutinu ke é tadɔle wozé nya lɛɛfaama, ’té a glɛ ’ka lo bɛ, wo zo.