Jérémi 23:11 - Kazambale lé Sebe Sauunu 1979

¹¹ Gakelebale léma: Balelayezannu valé Balebanzannu kɛlɛwe a é vɔnle; Anbozen lé kɔn gi, an bɔ wolé we lɛrɛlɛrɛnu ma.

Jérémi 23:11 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 33:5

É lagifɛnu faa bannanu kɛlɛ Gakelebale lé kɔn gɔrɔ fiénu gi.

2 Minwiinmunu lé Wezuofe Sɛbɛ 33:7

Yofoto lé é a nyaa, é a dɔra Bale lé kɔn gi; kɔn lé Bale a fe David valé é be Salomɔn lɛ alé we ma léé: Jérusalɛm lé maa a si a va Izraɛl bɛnnu faa va, ’bɛ valé kɔn ’ko, maa dan an tɔ pa lɛ wo ma yifaama, yee kɔn lé.

2 Minwiinmunu lé Wezuofe Sɛbɛ 36:14

Balebanzannu nwiinzannu faa valé munu ’wolé bélidɔwe sɛrɛle gi gyɛ bɛngɔnɔnu faa lé bozowenu yɛrama, yé Gakelebale lé kɔn lé wa pa é yɛrama Jérusalɛm, wa sɔnnénu sɛrɛ.

Ezidras 10:18

Munu lé wo bɛnlomu si, wo wo va mi kenu ye Balebanzannu benu va. Wo tɔ lé ke ’ko: Jozué kulunu va, Josadak be; a bwenu va, Maaséja, Éliézɛɛ, Jarib, Gédalia, woo lé.

Jérémi 11:15

An sɔlɛzan baba é dan mɛ fɛ kɛlɛ lɛ anlé kɔn gii? Éé weple kiɛre kɛla ana. Saraka bowi éé bɔa i sile lɛ we tɔntɔn gii? Dé i wenyané kɛlɛ, ’té ibo kɛla blɛn.

Jérémi 23:15

Bɛwemalé lai sunyanu lé Gakelebale we fe balelayezannu ma, yé é léma: Ka ye, maa dan koinyɔnɔ nɔ lɛ wo lɛ wolé fɛblele nya, Yé maa dan lale zén lɛ wo miniyi va, Naa, Jérusalɛm lé balelayezannu lé we ma lé Bale lé zi ma wenyané fele sɔɔla tɛrɛ faa la.

Jérémi 32:34

Wo ’wolé bozofɛnu dɔa, kɔn lé wo an tɔ laan a ta bɛ, a gi, yé wo ana tiri dɔ.

Jérémi 5:31

balelayemunu éé balelawe fé vié nya, yé Balebanmunu éé dɔa wo dére zuo, yé ’bɛ sɔ anlé munu lɛ. Ka dan kɛlɛ lɛ kaa a ’wuoplanaa?

Jérémi 50:6

Anlé munu a ’bla trubɛ palu sanle nya. Wo tabinzannu zi saan wo nya, wo wo saan gɔnu nwiin; wo si gɔ blɛnnu nwiin yé wo go gɔpanénu nwiin; wo gi san ’wo nyanana ma.

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi 7:30

Naa, Gakelebale léma: We lé é ke an yuɛ gi é naané, Juda munu a kɛlɛ. Wo ’wolé bozofɛnu pla kɔn lé an tɔ ke a ma, a gi, a tiridɔle we ma.

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Jérémi Lé Wuvɔ Sɛbɛ 2:20

Gakelebale, ’bé gini, mi lé i ’bɛ zoɛ we kɛlɛ a lɛ, ’bé ye. É a lé lomu wobo kulu blee? Né kiénénu lé wo bli bɔ wo ma, ’wo wo blee? É a lé wo Balebanzannu valé balelayezannu gyɛ za ma Mizan lé fɛna sauun naa?

Ézékiɛl 23:39

Wo ’wolé nénu bɔrɔ bo wolé miyilinu lɛ, yé wo go yee yi duo nya anlé fɛna sauun na, yé wa sɔnné sɛrɛ. We lé wa kɛlɛ anlé kɔn gi, yee lé ke bɛ.

Ézékiɛl 44:10

’Bɛ ta loru, Lévinu lé wo kan kini an ma, bléyian va lé Izraɛl munu ’wo yara si an ta yé wo tawo miyilinu zuo bɛ, a bléyi va, wo dan ’wolé weple ma kle ble lɛ.

Ézékiɛl 7:20

Wo ’wobo tɔ bɔ wo ’lɛrɛfɛ zimanu lé we ma, yé wo ’wolé bozo miyilinu kɛlɛ wo nya, amalé maa dan wo ’lɛrɛfɛnu kɛlɛ lɛ serelebomafɛ nya wo lɛ.

Ézékiɛl 8:11

Izraɛl mi segelenu yɔ yaa wɔlɛ vu a é dɔle miyili ’konu ’lɛ, ’té wolé lasikɔrɔ kyɛblegibɔnu a wo lee do do. ’Té Safan be Jaazania a wo va mi do nya. Yé lasikɔrɔ goi nwa ana zuu.

Ézékiɛl 8:16

Yé é go an nya Gakelebale lé kɔn gɔrɔ gi. Yé ka ye, Gakelebale lé kɔn ’léé valé balebanna méléna, dé mi yɔ do wɔlɛ soru léé? wana. ’Té wo nwunzi a é dɔle Gakelebale bangikɔn la, ’té wo yara a é dɔle yirinwanazia, ’té woo diaan ’wo bli la yirinwanazia yiri ’lɛ.

Sofoni 3:3

Alé minwiinzannu a a va bélé golizranu lé woo gi gunuan, wo zo; alé weblezannu a bélé glaunu lé wo ’ka wi do kpen tadɔa bladi zé nya lo, wo zo.

Sofoni 3:4

Webozen ’ka alé balelayemunu gi lo, yé woo dabli kɛla. Alé Balebanmunu éé fɛ sauunnu sɔnnénu sɛra yé woo bélidɔwe sɛra.