Jérémi 23:1 - Kazambale lé Sebe Sauunu 1979

¹ Gakelebale léma: Munu pazannu lé woo anlé trubɛnu gi sɛra, ’té woo wo kinié ékema, we tɔntɔn ’é kɛlɛ wo lɛ ma.

Jérémi 23:1 ပူးပေါင်းရင်းမြစ်များ

Jérémi 10:21

’Blatabinzannu kɛlɛ tavozannu nya, Wo ’ka Gakelebale nagini lɛ lo, Amalé wolé we va ’ka gyɛ lɛ lo, Yé wolé trubɛnu faa fwila.

Jérémi 12:10

’Blatabinzannu kiɛre ’wii anlé dɔrɔféi ta, Woo anlé féi zɔn‐o ’wo gane nya; Woo anlé ginanama féi kinié bwi nya, Wa kɛlɛ fɛna tété nya.

Jérémi 13:17

Dé ka ’ka ka tɔné dɔ lɛ an lɛ lo, Maa dan wuvɔ lɛ kyeen gi kalé boblɛn lé we ma. An yuɛyi é dan yoro lɛ, Wo go Gakelebale lé trubɛnu nya luu gi, azama.

Jérémi 2:26

Kyeenwozan lé wo bɔ a ma fiaa kyeenwona, yara a gya fɛan zo, a zo duo lé yara é dan Izraɛlmunu gyɛ lɛ, wo koo, wo nwiinzan blɛnnu koo, wo nwiinzannu koo, wolé Balebanzannu koo, wolé balelayezannu koo, woo lé.

Jérémi 2:8

Balebanmunu ’ka maa Gakelebale ta laan boenwo lo. Munu lé woo bélidɔwe paan munu gi, wo ’ka an dɔɔ lɛ lo. Bale lé munu tabinzannu ’ka kɛlɛ lɛ yarapawelamunu nya an ’lɛ lo. Balelayezannu balelawe fe Baal tɔ gi, Yé fɛnu lé wo ’ka bɔa mi va lo, wo go ’bɛnu zuo.

Jérémi 22:22

Fu é dan ka tabinzannu faa zana lɛ a gi, Yé munu lé i sɔ wo lɛ, wo dan go lɛ luu gi; ’Bɛ bléyi nya yara é dan i gyɛ lɛ, yé yaragyɛwe é dan bɔ lɛ i ma, I kɛlɛwe naanénu faa lé we ma.

Jérémi 23:2

Bɛwemalé, munu pazannu lé woo fɛblele no anlé munu lɛ, Gakelebale, Izraɛl lé Bale wo ma we fe léé: Ka anlé ’blanu fwila, ka wo bin; ka ’ka wo pa lɛ é zima lo, amalé maa dan we lɛdɔ lɛ ka gi kalé we lɛrɛlɛrɛ kɛlɛle we ma. Maa Gakelebale ɛ ke a fena.

Jérémi 50:6

Anlé munu a ’bla trubɛ palu sanle nya. Wo tabinzannu zi saan wo nya, wo wo saan gɔnu nwiin; wo si gɔ blɛnnu nwiin yé wo go gɔpanénu nwiin; wo gi san ’wo nyanana ma.

Ézékiɛl 13:3

Mizan Gakelebale léma: ’Tugyɛ balelayezannu lé woo tawoo ’wobo ’wuogiwe zuo, ’té wo ’ka yuɛziwe do kpen ye lɛ lo, we tɔntɔn ’é bɔ wo ma ma.

Ézékiɛl 34:1

Gakelebale lé an lɛ léma:

Ézékiɛl 34:21

Naa, ’blanu lé wo ke tɔɔtɔɔ, ka wo nyunu ka san valé ka bɛasan nya, yé ka wo yuaa ka bélinu nya fɔɔ yé ka wo bin.

Ézékiɛl 34:31

’Kaa anlé ’blanu, anlé trubɛ blena ’blanu, ka a blaminu nya; yé maa ɛ ke kalé Bale nya. A zo lé Mizan Gakelebale a fe.

Ézékiɛl 36:38

Maa dan fla sɛrɛle ’konu fan lɛ wo nya bélé trubɛnu lé wa pa é yɛrama Bale zé nya, a zo, trubɛnu lé wo go wo nya fɛti blɛn kɛlɛna Jérusalɛm, woo lé. Yé wo dan a gi dɔɔ lɛ léé, maa lé ke Gakelebale nya.

Zakari 10:3

An bli fli wo pazannu ma, yé an we lɛdɔ woo boligɔnénu gi. Naa, Gakelebale da élé trubɛ palu Judanu va; é dan wo kɛlɛ lɛ bélé alé wisoo tɔbɔle zo gulidan bléyi va.

Matio 15:14

’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.

Matio 9:36

Jézu mi gu ye aan wo a nyanai zén wo ta; wo fuu ’ka wo ta lo, yé wa tɔɔtɔɔ bélé ’blanu lé wo tabinzan ’ka lo, wo zo.

WENÉNÉ LE JAN A GYE (Évangile selon Jean) 10:10

Kyeenwozan éé dan kyeenwole koo, fɛ gyɛle koo, fɛ sɛrɛle koo, wo saa ɛ we ma; an da ’blanu vole é yuɛma we gi, é valé wo fuu dɔle wo ta we ma fɔɔ yé é gié é glɛ ta.

WENÉNÉ LE JAN A GYE (Évangile selon Jean) 10:12

Naa, nyanamapazan lé é ’ka ’blatabinzan nya lo, ’té ’blanu ’ka azé nya lo, dé é glau ye dana éé sié ’blanu zi yé éé vian buruwo, ’té glau éé wo kunwo, ’té ’bɛ éé wo fwilaan.

WENÉNÉ LE JAN A GYE (Évangile selon Jean) 10:8

Munu faa lé wo da an ’lɛ é kyɛn, wa kyeenwozannu valé migyɛzannu nya. Naa, ’blanu ’ka tɔné dɔ lɛ wo lɛ monomono lo.