Jérémi 22:3 - Kazambale lé Sebe Sauunu 1979

³ Gakelebale léma: ’Ka we tegele valé we drɔle kɛlɛ; ’ka mi si vami lee; té ka nyané pa bɛn koo, ti valé bu galazan koo, zanagala le koo, wo ta lo; té ka glawe kɛlɛ mi lɛ lo; té ka weanwiinlozan nyɛ zana fɛkona lo.

Jérémi 22:3 ပူးပေါင်းရင်းမြစ်များ

2 Samuɛl 23:3

Izraɛl lé Bale we fe, Izraɛl lé gɔlɛ lé an lɛ léé: Mi lé éé plaan munu nwiin we tegele kɛlɛle nya na, Mi lé éé plaan munu nwiin kanale Bale lee nya na,

2 Minwiinzannu 24:4

é valé weanwiinlomunu nyɛ lé Manasé a zana, ’té é Jérusalɛm fan a nya bɛ, a we ma. É ziin, Gakelebale ’ka a va léé, é wo ma we vo lo.

JOB (Job) 22:9

I gyɛzaralomu paan zia wo lee koro nya; I bu valé tigalazannu bɛ yélié.

JOB (Job) 24:9

Woo tigalazan soo é bu nyɔ ma, Woo bɛfɛ sié nyanégyɛzannu lee.

Lɛrɛvɔ Sɛbɛ 68:5

’Ka lɛrɛ vɔ Bale lɛ, ’ka a tɔ nwa. Mian é ke giéna fɛna pɛblɛɛ zi, ’ka zi ta gyɛ a ’lɛ. A tɔ lé Gakelebale, ’ka zana gyɛ a ’lɛ.

Lɛrɛvɔ Sɛbɛ 82:4

’Ka nyanaizénlazan valé nyanégyɛzan si we gi ma, ’Ka wo si mi nyanénu lee.

Lɛrɛvɔ Sɛbɛ 94:21

Woo zén‐é ékeva mi tegele lé tɛrɛla ma, Yé woo weanwiinlozan gya we nya.

Lɛrɛvɔ Sɛbɛ 94:6

Woo zanagalale valé bɛnnu bɔrɔ boo, Woo ti valé bu galanénu gya.

Fwile 22:21

Té i nyané pa bɛn ta lo; té i kle pa wo ta lo; naa, ka a turu bɛnnu nya Éjipiti tɛrɛ la.

Fwile 22:22

Dé zanagalale léé, dé bu valé tigala né léé, té i nyané pa wo ta lo.

Wegɔnévɔlenu 23:10

Té i glɛdɔfɛ kyɛn soowɔla lo, té i go bugalanénu lé féi lo.

Wegɔnévɔlenu 6:17

mi gini é yuɛ zuozannu koo, viéwo nɛnɛ koo, munu lé woo weanwiinlozan nyɛ nwɛɛn‐an koo,

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Ézai 58:6

Lɔrɔsɔnle lé éé an gi nanaan, yee lé ke ’ko: Munu lé ka wo vɔ bokɔn gi é pla, ’ka wo bɔra; ’ka luubale kini munu bɔrɔ ma; munu lé ka yaan wo ta, ’ka wo vo woboma; munu lé ka kɔné blɛn dɔ wo nwiin, ’ka wo vo woboma.

Ézai 58:7

Mi lé lɔrɔ ke a gyɛna, bé zé fɛblele nɔ; nyanaizénlazan lé a yiana ’ka lo, bé wɔra ka va; dé ka mi do ye é porole, ’ka sɔ zén a ta; té ka nwunzi dɔ kabo lé mi ta lo.

Jérémi 19:4

Wo sɔn vɔ an ma; wo fɛkona sɔnné sɛrɛ; wo lasikɔrɔpo kyɛ ble bale bɛnu lɛ ana, balenu lé wo koo, wo tranu koo, Juda nwiinzan blɛnnu koo, wo ’ka wo dɔɔ lɛ é kyɛn lo, wo lɛ, yé wo weanwiinlozannu kiɛre nyɛ zana fɛkona;

Jérémi 21:12

David kulunu, Gakelebale léma: ’Ka we tegele kɛlɛ bladi, yé ’ka munu si vanu lee, dé an bli é da fli bélé kyɛ zo, ’té éé blé, ’té mi do ’ka bɔa a dirile lɛ lo, ka kɛlɛwe naanénu lé we ma.

Jérémi 22:17

Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Jérémi 26:16

Mi segelenu valé munu faa we fe Balebanmunu valé balelayezannu lɛ léé: Mi ’ko ga yara kaan lo; naa, é we fe ko lɛ Gakelebale kolé Bale tɔ gi.

Jérémi 5:28

Woo buaan, wo kɔlɛ éé bié wo ta planplan; wolé wenaané kɛlɛle éé giéan é glɛ la; wo ’ka dɔa tigalazannu valé bugalazannu zuo lo, yé ’bɛ faa nyian éé woo wo ma; wo ’ka we tegele kɛla nyanégyɛzannu lɛ lo.

Jérémi 7:23

Naa, ka ye, we lé maa fe wo lɛ, yee lé ke ’ko: ’Ka tɔné dɔ an dére lɛ yé an dan kɛlɛ lɛ kalé Bale nya yé ka dan kɛlɛ lɛ anlé munu nya; zinu lé maa wo ta tawole fe ka lɛ, ’ka tawo wo ta, ka gi nanale we gi.

Jérémi 9:24

Naa, mian é sɔ a lɛ léé, ébo tɔ bɔ, ’É ébo tɔ bɔ léé, wedɔɔle a ’é lee, Gakelebale dɔɔle we ma, É valé a gi dɔɔle we ma lee, maa ɛ ke Gakelebale lé É zin koo, we drɔle koo, we tegele koo, éé wo kɛla tɛrɛ la, a nya. Naa, ’bɛ zoɛ wedɔɔle sɔ an lɛ. Maa Gakelebale ɛ ke a fena.

Jérémi Lé Wuvɔ Sɛbɛ 3:36

Dé woo we dɔa mi tegele nwiin weblena, ’naan, Mizan ’ka ’bɛna yé loo?

Ézékiɛl 18:12

’té éé yaan we tɔntɔn bɔmazan valé nyanégyɛzan ta, dé éé glawenu kɛla, dé é ’ka mi bɛfɛ no ézan lɛ lo, dé éé miyilinu baan, yé ’té éé bozowenu kɛla,

Ézékiɛl 18:7

’té é ’ka yaan mi ta lo, ’té mi bɛ bɛfɛ ’ka voo a lee lo, ’té é ’ka glawe kɛla lo, ’té éé fɛblele no lɔrɔgyɛzan lɛ, yé ’té éé sɔ zén‐é mi porole ta, ’té é ’ka vɛɛn paan mi ma ézé tɔnɔ yele we ma lo,

Ézékiɛl 22:7

Bii fla ’ko méléna lé woo serele boo ’wo ti valé ’wo bu ma; woo kle paan bɛnnu ta, woo yaan ti valé bugalazannu valé gyɛzaralomu ta.

Ézékiɛl 45:9

Mizan Gakelebale léma: Izraɛl nwiinzanu, kazé bɔ. ’Ka daan kalé glawe valé kalé va kɛlɛle ma. ’Ka we drɔle valé we tegele kɛlɛ; té ka dɔra anlé munu ta é dɛrɛ lo; ’wo vo wobo ma ma. A zo lé Mizan Gakelebale a fe.

Joɛl 3:19

Éjipiti tɛrɛ faa é dan vo lɛ é ’bin nya, Édom é dan vo lɛ bwi nya, Glawe lé wa kɛlɛ Judamunu lɛ Yé wo weanwiinlo munu nyɛ zana wolé tɛrɛ la, a we ma.

Lévinu 19:15

Dé ka a we blena, té ka weple kɛlɛ lo; té ka dɔ nyanégyɛzan zuo nyané lé a gyɛle we ma lo, té ka mi blɛn lé we kɛlɛ é blɛn ma lo, naa, ’ka bɔluzannu lé we ble we tegele yɛrama.

Amɔs 5:15

’Ka wenyané za pa, yé wezin ’é sɔ ka lɛ ma, ’ka we ble é blena bléyi faa va ma. Dé Gakelebale, lai sunyanu lé Bale nyanai é dan zén lɛ Jozɛfu kulu pɔnénu taa?

Amɔs 5:24

Naa, wedrɔle ’é kɛlɛ bélé ’yiyoro zo, yé we tegele ’é kɛlɛ bélé ’yiyoro plɛplɛ lé é ’ka bélié lo, a zo.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Matio 23:23

Sɛbɛgifemunu valé Farizimunu, bodrɔzannu, ka gale nyɔ. Zian va blaanu mant koo, anɛt koo, kumɛn koo, ka wo vuzan no, yé we lé é ke blɛn é mini wo ta bélidɔwe gi, ka ’bɛ voo ka bɛ zuo; we tegele kɛlɛle koo, nyanai zénle koo, yarapale we ta koo, woo lé ka wo voo ka bɛ zuo. É a lé ka ’bɛnu é kɛlɛ, yé té ka a vininzannu vo ka bɛ zuo lo.

Bélidɔwesɛbɛ Fiézan 10:18

éé we tegele kɛla bugalazannu valé tigalazannu valé gyɛzaralomu lɛ; éé bɛn lɔrɔ paan yé éé fɛblele valé sɔ no wo lɛ.

Bélidɔwesɛbɛ Fiézan 24:17

Bɛn bɛ gi mi koo, ti valé bugalazan koo, té ka wolé se si wo lee lo; té i zanagalale lé sɔ si a bɛfɛ nya lo.

Bélidɔwesɛbɛ Fiézan 24:7

Dé mi do é bwe Izraɛl lé mi do kyeen wo, dé é a kɛlɛ élé luu nyaoo, dé é a dan‐oo, dé wa ye wo dan we lɛdɔ lɛ kyeenzan ’ko gi a gale nya. ’Bɛ zo lé ka dan wenaané si lɛ ka méléna.

Bélidɔwesɛbɛ Fiézan 25:1

Dé munu we sia yé wo da wolé we nya weblezannu va, mi lé we ’ka a gyɛ lɛ lo, ’é vo, yé ’wo we dɔ wegyɛzan nwiin.

Bélidɔwesɛbɛ Fiézan 27:19

Bɛn bɛ mi koo, ti valé bugalazan koo, zanagalale koo, dé mian wolé wekɛlɛse si wo lee, ’té bale a é pale ’bɛzan ma; yé munu faa é dan a fe lɛ léé: Iin, ’é kɛlɛ a zo.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.