Jérémi 22:21 - Kazambale lé Sebe Sauunu 1979

²¹ Maa we fe i lɛ ilé tɔnɔfɛ yebléyi va, Yé bii léé, ’é ’ka ’é tɔné dɔa an lɛ lo. I kiéné la bléyi va fɔɔ kyɔ, i we kɛlɛ ’bɛ zo, I ’ka i tɔné dɔ lɛ an dére lɛ lo.

Jérémi 22:21 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 33:10

Gakelebale we fe Manasé valé élé munu lɛ, naa, wo ’ka ’bɛ ye lɛ wo yuɛi we nya lo.

Lɛrɛvɔ Sɛbɛ 129:1

Gɔ gié lɛrɛ do lé. É sia an boronéla bléyi va fɔɔ kyɔ, woo yaan an ta. Izraɛl, bé fe ma.

Wegɔnévɔlenu 30:9

dé an da fɛ kiɛre ye, yé maa sɔn vɔ i ma yé maa léé, de ɛ ke Gakelebale nyaa? Taa, dé nyané é da an gyɛ yé maa kyeen wo yé maa anlé Bale tɔ sɛrɛ.

Ézai 48:8

Ka ’ka we do kpen ’ma lɛ a gi lo, yé ka ’ka we do kpen dɔɔ lɛ a gi lo, Yé ana we do kpen ’ka go lɛ ka tɔné gi lo; Naa, maa gi dɔɔ é kyɛn léé, ka ’ka yara pa lɛ anlé we ta lo, É sia ka yaabléyi va, woo ka laama nwamimazannu

Jérémi 13:10

Mi nyanénu ’ko lé wo ’ka ’wo tɔné dɔa an dérenu lɛ lo, ’té woo gibɔrɔan ’wolé blibɔmawenu ma yé wo go bale bɛnu zuo bɛ, ’té woo ’bɛnu bɔa ’té woo diaan ’bɛnu ’lɛ, wolé we ’é kɛlɛ bélé kyɛsidi ’ko lé é ’ka vo lɛ é zima é dɛrɛ lo, azé zo ma.

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 2:25

’Ka yuɛ pa kabozen va, té sawala é so ka gane ma lo. Té ka bɔrɔ gi é ga lo. Naa, ka léé: I a we plana ko lɛ é pla; Bale bɛnu lɔrɔ éé ko gya; ’ko go wo zuo.

Jérémi 2:31

Bléyi ’ko va munu, ’ka bɔn‐in bɔrɔ Gakelebale dére ma. Maa kɛlɛ bélé nyéné saa lé fɛna zo Izraɛlnu lɛɛ? Maa kɛlɛ bélé tɛrɛ lé gunuti tiritiri ke é sɔɔlale a ta, a zoo? Mɛmalé anlé munu a fena léé: Ko a kobo ma, ko ’ka a va léé, ko nɔla i va é ziin loo?

Jérémi 25:3

A péli sia Amon be Jozias plale mi nwiin lɛɛ vu ta yaazan nya fɔɔ kyɔ, an Gakelebale dére fe ka lɛ, a lɛɛ yɔ do wɔlɛ yaa lo. Maa a fe ka lɛ, maa a fe ka lɛoo, yé ka ’ka a ’ma lɛ an lɛ lo.

Jérémi 25:4

Gakelebale é wuozannu balelayezannu faa nwunvɔ ka va yifaama, yé ka ’ka ka tɔné dɔ lɛ wo lɛ lo; ka ’ka wo ban lɛ ka tɔné nya lo.

Jérémi 25:7

Naa, Gakelebale léma: Ka ’ka ka tɔné dɔ lɛ an lɛ lo, ka an bli fli ka bɛ kɛlɛfɛnu nya yé é nɔla ka ma we tɔntɔn nya.

Jérémi 25:8

Bɛwemalé lai sunyanu lé Gakelebale léma: Ka ’ka ka tɔné dɔ lɛ an dérenu lɛ monomono lo,

Jérémi 3:24

Ko kiéné la bléyi va, miyilinu ko tinu panyanama tɔnɔ ble; wolé ’blanu koo, wolé dirinu koo, wo benu valé wo lunu koo, wo wo ble.

Jérémi 3:25

Kolé yaragyɛwe kɛlɛ bélé yialafɛ zo, yé nyɔnmɛ wɔra ko ta bélé sɔ zo. Naa, ko wenyané kɛlɛ Gakelebale kolé Bale ma, ko koo, ko tinu koo, é sia ko kiéné la bléyi va fɔɔ kyɔ. Yé ko ’ka ko tɔné dɔ lɛ Gakelebale kolé Bale lɛ lo.

Jérémi 32:30

Naa, é sia wo kiéné la bléyi va fɔɔ kyɔ, Izraɛl munu valé Juda munu an ’namawe saa ɛ kɛlɛ. Izraɛl munu an bli fli wo bɛ panyanama nya. Maa Gakelebale ɛ ke a fena.

Jérémi 35:15

Maa an wuozannu balelayemunu faa paan ka lɛ zia bladi nyanadi, a fele ka lɛ we gi léé: Ka faa do do, ’ka si kalé tawobɛ naané zuo, ’ka ka kɛlɛwenu nɔla, té ka go bale bɛnu zuo wo bɔle we gi lo, yé tɛrɛ lé maa a nɔ ka valé ka tranu lɛ, yé ka dan vo lɛ ana. Naa, ka ’ka an ban lɛ ka tɔné nya lo, yé ka ’ka tɔné dɔ lɛ an lɛ lo.

Jérémi 48:11

É sia a kiéné la bléyi va fɔɔ kyɔ Moab a é nyanale drɔɔ; é a nwɛ lé a bo pla a wuo, a zo. Wo ’ka a zén lɛ bɔ bɛ gi lo, é ’ka go lɛ luu gi lo. A néné vo é dɔbɛ gi, a gin ’ka nɔla lɛ lo.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Ézékiɛl 20:13

Yé Izraɛl munu nwa an ma bwi gi. Wo ’ka anlé bélidɔwenu tawe kɛlɛ lɛ lo yé an dérenu lé é a lé blami a ta tawo a vole é yuɛma we gi bɛ, wo sɔn vɔ wo ma, yé wo anlé flinyi sɛrɛ tata. É dɔ an gi léé, an wɛwɛ dɔ wo ma bwi gi, wo kulu gale we ma.

Ézékiɛl 20:21

Yé wo benu nwa an ma. Wo ’ka tawo lɛ anlé wepladérenu yɛrama lo; an déretawenu lé é a lé blami a ta tawo a vole é yuɛma we gi bɛ, wo ’ka wo ta tawo lɛ lo. Yé wo anlé flinyinu sɛrɛ. É dɔ an gi léé, an wɛwɛ dɔ wo ma, yé an bli flile lɛ é sɔɔ wo ma bwi gi.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Ézékiɛl 20:8

Yé wo nwa an ma, yé é ’ka sɔ lɛ wo lɛ léé, wo tɔné dɔ an dére lɛ lo. Boafɛnu lé ’bɛnu éé wo sian ana, wovazan do kpen ’ka sɔn vɔ lɛ ’bɛnu ma lo, yé wo ’ka daan lɛ Éjipitinu lé miyilinu ma monomono lo. É dɔ an gi léé, an wɛwɛ dɔ wo ma yé an bli flile lɛ é sɔɔ wo ma Éjipiti tɛrɛ la.

Sofoni 3:2

É ’ka é tɔné dɔa dére do kpen lɛ lo; é ’ka a nyi sié léé, wo ’é drɔ lo; é ’ka paan Gakelebale ta lo; é ’ka biéan élé Bale sɔnɔ lo.

Zakari 7:7

Bléyian va lé munu a é nyanale Jérusalɛm woboma duaa, é valé é zi flanu nya, ’té munu a é nyanale yirinwana bɛyilazia fɛna pɛblɛɛna, we lé Gakelebale a fe balelayemunu vininnu lɔlu nya ’bɛ bléyi va, ka ’ka a gi dɔɔa loo?

Bélidɔwesɛbɛ Fiézan 31:27

Naa, maa kalé nwamimabli valé ka tɔnégiyuyu dɔɔ. Dé ka nwa Gakelebale ma bléyian va lé maa a é yuɛma ka méléna, an gale zuo zé ’ka dan mini lɛ loo?

Bélidɔwesɛbɛ Fiézan 9:24

Maa ka dɔɔ a pélisia bléyi va fɔɔ kyɔ, ka a tɔnégiplɛplɛzannu nya Gakelebale ma.

Bélidɔwesɛbɛ Fiézan 9:7

Ka Gakelebale, kalé Bale bli fli bwi gi fɛan zo, a sele ’é dɔ ka gi; té ka gi é san ’bɛ ma lo. É sia yian nya lé ka si Éjipiti tɛrɛ la fɔɔ yé ka bɔ fɛkona ’ko, ka a tɔnégiplɛplɛzannu nya.