Jérémi 22:20 - Kazambale lé Sebe Sauunu 1979

²⁰ ’I vɔ Liban gɔ nwiin. ’I siaa Bazan tɛrɛ ta. ’I siaa Abarim gɔ nwiin, Naa, munu faa lé i sɔ wo lɛ, wo wo guru ’wii.

Jérémi 22:20 ပူးပေါင်းရင်းမြစ်များ

2 Minwiinzannu 24:7

Éjipiti nwiinzan blɛn ’ka si lɛ élé tɛrɛ la é dɛrɛ lo, naa, fɛ faa lé ke Éjipiti nwiinzan blɛn lee, é sia Éjipiti lé yuu ma fɔɔ yé é bɔ Yufrat yuu ma, Babilɔn nwiinzan blɛn a si.

Ézai 57:13

Dé ka siaa, kalé miyili kiɛre wo dan ka si lɛ we gii? Fu é dan go lɛ wo faa nya, fu fɛɛle do é dan wo sia lɛ. Mian éé paan an ta, é dan tɛrɛ ye lɛ tɔnɔfɛ nya; anlé gɔ sauun é dan kɛlɛ lɛ azé nya.

Jérémi 2:25

’Ka yuɛ pa kabozen va, té sawala é so ka gane ma lo. Té ka bɔrɔ gi é ga lo. Naa, ka léé: I a we plana ko lɛ é pla; Bale bɛnu lɔrɔ éé ko gya; ’ko go wo zuo.

Jérémi 2:36

Mɛmalé ka a ta kelekele wona kalé zi nɔlale we maa? Éjipiti munu é dan ka gyɛ lɛ yara nya bélé fɛan zo lé Asiri munu ka gyɛ yara nya, a zo.

Jérémi 2:37

Ana lé ka dan si lɛ, ka bɛ nya é plale ka nwiin. Naa, munu lé ka bli vo wo lɛ, Gakelebale sɔn vɔ wo ma, amalé a va ’ka dan gyɛ lɛ ka lee lo.

Jérémi 22:22

Fu é dan ka tabinzannu faa zana lɛ a gi, Yé munu lé i sɔ wo lɛ, wo dan go lɛ luu gi; ’Bɛ bléyi nya yara é dan i gyɛ lɛ, yé yaragyɛwe é dan bɔ lɛ i ma, I kɛlɛwe naanénu faa lé we ma.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 3:1

Gakelebale léé: Dé mi do é na bɔra, yé é si a va yé é kɛlɛ gɔné bɛ na nya, yee mi ’ko, éé bɔa le ’ko sile lɛ é ziin é na nyaa? Yee we ’ko, é ’ka dan tɛrɛ boen tiri dɔ lɛ loo? Yé ’kaa, ka go bale kiɛre zuo bélé gɔnégini le éé goo é bwɛnu zuo fɛan zo, a zo, yé ka dan an va é ziin? Maa Gakelebale ɛ ke a fena.

Jérémi 4:30

Yé bii, fla sɛrɛle, i dan mɛ kɛlɛ lɛɛ? I dan sɔ sɔɔn zén lɛ i ta yé i kyanfɛnu vɔ i ma, I dan kale pa lɛ i yuɛ ma; Naa, dé ibo kɛlɛ é nɔnɔmioo, ’té ’bɛ a é pla; I bwɛnu serele bo i ma; É sɔ wo lɛ léé, ’wo i gyɛ.

Jérémi Lé Wuvɔ Sɛbɛ 1:19

Maa an béénu laa, yé wo dabli kɛlɛ an lɛ, Bléyian va lé anlé Balebanzannu valé anlé mi segelenu a fɛblele naginina, Léé, wo fuu ’é kɛlɛ ’wo ta é ziin, Wo ga fla blɛn ta.

Jérémi Lé Wuvɔ Sɛbɛ 1:2

Éé wuvɔa tu la, yé a yuɛyi a golɛ la blé; Munu faa lé é sɔ wo lɛ, a tɔrɔpaazan do ’ka ye lɛ ’bɛnu va lo; A béénu faa bli nɔla a ma, Yé wo kɛlɛ a nyanézannu nya.

Ézékiɛl 23:22

Ooliba, ’bɛ we ma Mizan Gakelebale léma: Bé ye, maa i bwɛnu nwa i ma; munu lé i bli si wo lɛ, maa dan wo si lɛ fɛ faa do do na, yé maa wo zén ékeva i ma.

Ézékiɛl 23:9

’Bɛ lé we ma lé maa a bɛ pa é bwɛnu lee; Asirinu lé wo lɔrɔ a gyɛ bɛ, maa a pa wo lee.

Ézékiɛl 27:6

Wo ilé ’yitagoro vɔ payilinu kɛlɛ Bazan tɛrɛ la sɛnéyilinu nya; Yili lé wa laama bui, wo si a nya wɛyi worona Kitim tɛrɛ la, Yé wo vwii suiɛ vɔ a gi yé wa kɛlɛ i nyanala bannu nya.

Mi Nɔnɔle 27:12

Gakelebale lé Moizi lɛ léé: ’I vɔ Abarim gɔ ’ko nwiin, yé tɛrɛ lé maa a nɔ Izraɛlnu lɛ, yé bé nagini.

Bélidɔwesɛbɛ Fiézan 32:49

Abarim munu lé gɔ lé wa laama Nébo gɔ, ’té é ke Moab tɛrɛ la Jériko yara bɛ, ’i go a nwiin, yé Kanaan tɛrɛ lé maa dan a nɔ lɛ Izraɛl lé nénu lɛ wozé nya, yé bé nagini.