Jérémi 22:18 - Kazambale lé Sebe Sauunu 1979

¹⁸ Amalé Gakelebale Juda munu nwiinzan blɛn Jozias be Jojakim mawe fe léé: Wo ’ka dan wuvɔ lɛ a ta A fele nya léé: Yéé! an bwe, yéé! an buru, lo. Wo ’ka dan wuvɔ lɛ a ta A fele nya léé: Yéé! anzan, fua blɛn, i gale nyɔ, lo.

Jérémi 22:18 ပူးပေါင်းရင်းမြစ်များ

2 Samuɛl 1:26

An bwe Jonatan, an bli kyɛ dɔ ilé we ma. Bii ɛ ke an ginanazan nya; An sɔle i lɛ a néné É mini an sɔle lomu lɛ ta.

1 Minwiinzannu 13:30

É a gale pa mipana yé é a wuvɔ, a fele nya léé: Yiba! an bwe loo!

2 Minwiinzannu 23:36

Jojakim kɛlɛ minwiinzan blɛn nya bléyian va, ’té a lɛɛ a yɔ do wɔlɛ soru, yé é pla munu nwiin Jérusalɛm lɛɛ vu ta do. A bu a Ruma le lé wa laama Pédaja lu Zébuda, a nya.

2 Minwiinzannu 23:6

É Asataté miyili bɔra Gakelebale lé kɔn gi, yé é go a nya Jérusalɛm gini ma Sédrɔn yuu ma; é a kyɛ ble Sédrɔn yuu gɔ la yé a yee bo yé é a yee nwɛɛn mi vunnu ta.

2 Minwiinzannu 24:6

Jojakim yi gyɛ é tranu va. A be Jojakɛn pla munu nwiin a pa gi.

Minwiinzannu lé Wezuofe Sɛbɛ 3:15

Jozias benu: a vininzan, Jokanan; a fiézan Jojakim; a yaazan Sédésias; a ziɛnzan, Salum.

2 Minwiinmunu lé Wezuofe Sɛbɛ 35:25

Jérémi Jozias tɔ sia lɛrɛ nya. Lɛrɛvɔgɔnénu valé lɛrɛvɔlomu faa wo Jozias kɛlɛwe vɔ wuvɔlɛrɛnu nya fɔɔ kyɔ yi nya, yé we ’ko kɛlɛ Izraɛl lé gɔnɔlawe nya. Lɛrɛ ’konu a é gyɛle wuvɔlɛrɛ lé sɛbɛ gi.

2 Minwiinmunu lé Wezuofe Sɛbɛ 36:5

Jojakim plale sia munu nwiin, ’té a lɛɛ a yɔ do wɔlɛ soru. Yé é pla munu nwiin Jérusalɛm lɛɛ vu ta do. Wean é ke é naané Gakelebale, alé Bale yuɛ gi, é a kɛlɛ.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 16:6

Mi segelenu valé nunukénénénu é dan ga lɛ tɛrɛ ’ko la yé wo ’ka dan wo pa lɛ pelo; wo ’ka dan wo wuvɔ lɛ lo, wo ’ka dan pɔɔ gyɛ lɛ wo kɔlɛ ma lo, wo ’ka dan ’wo nwin bo lɛ wolé we ma lo.

Jérémi 21:11

Bé fe Juda nwiinzan lé munu lɛ léma: ’Ka tɔné dɔ Gakelebale dére lɛ.

Jérémi 22:10

Té ka wuvɔ ka nwiinzan Jozias lé é ga, a ta lo, Té ka a gyɛ bo lo; A be lé é ke gona luu gi, ’ka wuvɔ ’bɛzan ta. Naa, é ’ka dan da lɛ é pa gi é dɛrɛ lo; É ’ka dan é yaatɛrɛ ye lɛ é dɛrɛ lo.

Jérémi 22:12

Naa, é dan ga lɛ tɛrɛ lé wo go a nya luu gi bɛ, ana, yé é ’ka dan tɛrɛ ’ko ye lɛ é dɛrɛ lo.

Jérémi 34:5

I dan ga lɛ drɔɔ, yé fɛan zo lé wo lasikɔrɔ kyɛ ble i tranu, minwiinzan blɛnnu lé wo ke i ’lɛ, wo lɛ bɛ, a zo lé wo dan izé kɛlɛ lɛ, yé wo dan i wuvɔ lɛ a fele nya léé: Yuu! Mizan! Naa, maa ɛ fe, azama. Maa Gakelebale ɛ ke a fena.

Jérémi 36:30

Amalé Gakelebale Juda nwiinzan blɛn mawe fe léé, alé mi do kpen ’ka dan nyana lɛ David lé webleblin ta lo. Maa dan we lɛdɔ lɛ yee koo, a kulunu koo, a wuozannu koo, wo gi, wolé weple ma. Yé we tɔntɔnnu faa lé maa bon‐ɛnla a nya wo ma, ’té é ’ka sɔ lɛ wo lɛ léé, wo tɔné dɔ an lɛ bɛ lo, maa dan wo bɔ lɛ wo ma; wo koo, Jérusalɛm munu koo, Juda munu koo, wo ma. Yé yiri é dan a gale gyɛ lɛ é yiéyi yé dunu é dan a gale gyɛ lɛ é béli.