Jérémi 22:17 - Kazambale lé Sebe Sauunu 1979

¹⁷ Naa, i yuɛnu valé i bli, Woo i vɔa fɛyelɔrɔ gi, Wo i kɛlɛ weanwiinlomunu nyɛ zanazan nya; Wo i kɛlɛ va nya, wo i kɛlɛ glawe kɛlɛzan nya; yee saa ma lé i yuɛ valé i bli bɔ.

Jérémi 22:17 ပူးပေါင်းရင်းမြစ်များ

1 Minwiinzannu 21:19

Bé fe a lɛ léma: Gakelebale léma: Bii ’ka migyɛzan valé kyeenwozan nya loo? Yé bé fe a lɛ léma: Gakelebale léma: Fɛana lé blénnu Nabɔt nyɛ flan, ana duo lé wo dan ibozen nyɛ flan lɛ.

2 Minwiinzannu 23:37

We lé ke é naané Gakelebale yuɛ gi, yee lé é a kɛlɛ, a tranu a kɛlɛ fɛan zo, a zo ’kyɛ.

2 Minwiinzannu 24:4

é valé weanwiinlomunu nyɛ lé Manasé a zana, ’té é Jérusalɛm fan a nya bɛ, a we ma. É ziin, Gakelebale ’ka a va léé, é wo ma we vo lo.

2 Minwiinmunu lé Wezuofe Sɛbɛ 36:8

Jojakim kɛlɛwe pɔnénu, bozowenu lé é a kɛlɛ, yee valé wean é ke a bli gi, ’bɛ a é gyɛle Izraɛl valé Juda nwiinzan blɛnnu lé sɛbɛ gi. Yé a be Jojakɛn pla munu nwiin a pa gi.

JOB (Job) 31:7

Dé an gane si zi drɔle ta, Dé an bli go an yuɛ lé blibɔmawe zuo, Dé an bɛ ma tiri dɔ,

Lɛrɛvɔ Sɛbɛ 10:3

Naa, mi nyanénu woo ’wobo tɔ bɔa wolé blibɔmawe nya, Yé kyeenwozannu lé woo mi gya, woo Gakelebale sɔnɔan, ’té woo nyé yélié a ma.

Fwile 18:21

’I munu vabo, yé munu lé woo we kɛla ’wo zua, ’té woo kanaan Kazambale lee, ’té wa mi wéiinnu nya, ’té wo bli bɔle fɛ ma za paan, ’i wo si munu va; ’i wo dɔ munu wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya.

Wegɔnévɔlenu 24:2

naa, woo mi guru zanale a gi bɔrɔan ’wo bɔn‐in, yé wo lɔlunu éé weple fé.

Ézai 56:11

Wa bélé blénnu lé woo fɛ blé, ’té wo ’ka kaan lo, wo zo. Wa munutabinzannu lé wo ’ka we do kpen maan lo, wo nya. Wo faa wobo lé zi sian, wo faa do do lé tɔnɔ yele we ma.

Jérémi 17:11

Doo éé buaan nyɛné lé é ’ka a vɔ lɛ lo, a ta fɛan zo bɛ, A zo duo lé mi lé éé fua blé dabli nya, a zo lé alé we ke. Alé tɛrɛla é dan bɔi lɛ a ta yé é si wo zi, Yé é kɛlɛ ’tugyɛzan nya é voéla.

Jérémi 19:4

Wo sɔn vɔ an ma; wo fɛkona sɔnné sɛrɛ; wo lasikɔrɔpo kyɛ ble bale bɛnu lɛ ana, balenu lé wo koo, wo tranu koo, Juda nwiinzan blɛnnu koo, wo ’ka wo dɔɔ lɛ é kyɛn lo, wo lɛ, yé wo weanwiinlozannu kiɛre nyɛ zana fɛkona;

Jérémi 22:3

Gakelebale léma: ’Ka we tegele valé we drɔle kɛlɛ; ’ka mi si vami lee; té ka nyané pa bɛn koo, ti valé bu galazan koo, zanagala le koo, wo ta lo; té ka glawe kɛlɛ mi lɛ lo; té ka weanwiinlozan nyɛ zana fɛkona lo.

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi 6:6

Naa, lai sunyanu lé Gakelebale léé: ’Ka yilinu vɔ, ’ka wo dɔ Jérusalɛm gɔrɔ giéamafɛnu nya; é a lé wo we lɛdɔ fla ’ko lamunu gi; vakɛlɛle saa ɛ ke ana.

Jérémi 7:6

dé ka ’ka yaan bɛnnu koo, bu valé ti galazan koo, gyɛzarale koo, wo ta lo, dé ka ’ka weanwiinlozan nyɛ zanaan fɛkona lo, dé ka ’ka goo bale bɛnu zuo kalé we tɔntɔn bɔle ka ma we ma lo,

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Ézékiɛl 18:12

’té éé yaan we tɔntɔn bɔmazan valé nyanégyɛzan ta, dé éé glawenu kɛla, dé é ’ka mi bɛfɛ no ézan lɛ lo, dé éé miyilinu baan, yé ’té éé bozowenu kɛla,

Ézékiɛl 19:6

’Bɛ tawo golizranu va, Yé ’bɛ kɛlɛ golizra boroné nya. Yé ’bɛ wi gyɛle draan wi ta, Yé ’bɛ blaminu ble.

Ézékiɛl 19:7

Yé é ’wii wolé fuakɔnnu ta, Yé é wolé fla blɛnnu guru zana a gi; Yé a dére wele lé we ma lé Tɛrɛ ’ko valé é tafɛnu faa gi nyɛ kini.

Ézékiɛl 19:9

Wo zéné vɔ a nyé gi, yé wa vɔ séénégɔrɔ gi Yé wo go a nya Babilɔn nwiinzan blɛn va; ’Bɛ zuo yé wo go a nya kɔn plɛplɛ do gi, Léé, té wa dére ’ma é dɛrɛ Izraɛl gɔnu nwiin lo.

Ézékiɛl 22:6

Bé ye, bii fla ’ko méléna lé Izraɛl munu minisinu faa mi nyɛ zana wolé plɛplɛ nya.

Ézékiɛl 33:31

Yé wo go i va mi gu blɛn nya, yé anlé munu éé nyanaan i ’lɛ; woo ’wo tɔné dɔa i dérenu lɛ, naa, wo ’ka wo ta ta do kpen woo lo. Naa, woo wo ma we nanaan, yé woo wobo no blibɔle fɛ ma lɛ.

Misé 2:2

Wo bli éé bɔa féinu ma, ’té woo wo sié. Wo bli éé bɔa kɔnnu ma, ’té woo wo sié. Woo gla kɛla munu valé wolé kɔnnu ta; woo gla kɛla munu valé wolé zarafɛnu ta.

Misé 3:10

Ka Siɔn pa mi nyɛ nya, yé ka Jérusalɛm pa weple kɛlɛle nya.

Sofoni 3:3

Alé minwiinzannu a a va bélé golizranu lé woo gi gunuan, wo zo; alé weblezannu a bélé glaunu lé wo ’ka wi do kpen tadɔa bladi zé nya lo, wo zo.

Rom munu 1:29

Woo weple gɔnɔ faa kɛla, woo we lɛrɛlɛrɛ kɛla, wo bli éé bɔa gɔɔli ma, woo mi blifliwe kɛla, wo bli éé bɔa mi bɛ lé fɛ ma, woo mi gya, woo we sian, woo dabli kɛla, woo mimafɛ kɛla, wa é fanle we ’konu nya;

1 Korent munu 6:10

kyeenwozannu koo, blibɔgɔɔlimazannu koo, nwɛgyɛzannu koo, mi sɔnɔzannu koo, mi tablezannu koo, wo ’ka dan tɔnɔ ble lɛ Kazambale lé fuatɛrɛ la lo.

Kolɔs munu 3:5

Bɛwemalé, we lé ke ka gi tɛrɛlawe nya, ’ka wo yi ga, ’bɛ gi léé, leginile koo, pɛnpɛnnégyɛle koo, bli bɔle fɛ ma koo, bli bɔle weple ma koo, bli bɔle gɔɔli ma lé é ke miyili bɔle nya, ’bɛ koo, ’ka wo yi ga.

Jozué 7:21

Bé ye, Sinéaa sɔ lé é ke nɔnɔmi koo, gɔɔlifu sikla wuru do koo, kyan kuru do lé a bɛn ke sikla yɔ fié wɔlɛ vu nya koo, an bli bɔ wo ma yé maa wo si, wa é yɔɔlé tɛrɛ wuo anlé sɔkɔn worona yé gɔɔlifu a a wuo.

2 Piɛri 2:14

Wo yuɛ éé bɔa le faa ma; yé wenyané ’ka wo kaan lo; munu lé wo ’ka é dɔle gligli lo, wo ’bɛnu sian ana; bli bɔle gɔɔli ma baba wo bli kun; wa balepamazannu nya.

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.

1 Samuɛl 8:3

Samuɛl benu ’ka tawo lɛ wo ti gane pa gi lo; wo bli a blɛn, yé woo blɛfɛ sié yé wo ’ka we blé é boen ma lo.