Jérémi 21:9 - Kazambale lé Sebe Sauunu 1979

⁹ Mian éé voo fla ’ko ta, é dan ga lɛ gwɔun lee, dé ’bɛ kaan lo, lɔrɔ lee; dé ’bɛ kaan lo, bawurumagyɛ lee. Naa, mian é bɔra yé é go Kaldé munu lé wo ke kalé fla mabɛnna bɛ, wo va, é dan vo lɛ é yuɛma, yé alé gulizarafɛ lé ke léé, é so ga lee.

Jérémi 21:9 ပူးပေါင်းရင်းမြစ်များ

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 21:7

Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 24:10

Gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia, fɔɔ yé wo ta é saan tɛrɛ lé maa a nɔ wo valé wo tranu lɛ, a ta.

Jérémi 27:11

Naa, bɛn lé é kɛlɛ Babilɔn nwiinzan blɛn lé luu nya yé é a plale é nwiin nyi si, maa dan ’bɛzan vo lɛ alé tɛrɛ la, féi pale valé nyanale ana we ma. Maa Gakelebale ɛ ke a fena.

Jérémi 27:12

Maa yee we duo fe Juda nwiinzan blɛn Sédésias lɛ léé, ’i kɛlɛ Babilɔn nwiinzan blɛn lé luu nya. ’I pla yee valé alé munu wuo yé i dan vo lɛ é yuɛma.

Jérémi 27:13

Mɛmalé bii valé ilé munu é dan ga lɛ gwɔun koo, lɔrɔ koo, migyɛgyɛ koo, wo lee? Gakelebale léé, dé bɛn‐an ’ka pla lɛ Babilɔn nwiinzan blɛn wuo lo, é dan ga lɛ, yee kaan loo?

Jérémi 38:2

Gakelebale léma: Mian é vo fla ’ko ta, é dan ga lɛ, dé gwɔun léé, dé lɔrɔ léé, dé bawurumagyɛ léé, a nya; naa, mian é dan si lɛ ana yé é go Kaldé munu va, é dan so lɛ we lee, é dan vo lɛ é yuɛma, é dan béli lɛ.

Jérémi 38:3

Gakelebale léma: Maa dan fla ’ko pa lɛ Babilɔn nwiinzan blɛn lé sunyanu lee, yé wo dan a si lɛ.

Jérémi 39:18

Maa dan i si lɛ we gi, wo ’ka dan i gyɛ lɛ gwɔun nya lo; i dan vo lɛ é yuɛma. I pa an ta, azama. Maa Gakelebale ɛ ke a fena.

Jérémi 45:5

Yé bii, inɔ fɛ blɛnnu ginian izé nyaa? Té i wo gini lo. Naa, Gakelebale léma: Bé ye, an dan wenaané bɔ lɛ munu faa ma. Naa, dé i go fɛofɛana, maa dan i vo lɛ é yuɛma.

Ézékiɛl 5:12

Bawurumagyɛ é dan ka va munu lɛ do gyɛ lɛ yé wo dan ga lɛ lɔrɔ nya ka méléna; yé maa dan mi lɛ do gyɛ lɛ gwɔun nya i zi, yé maa dan mi lɛ do nwɛɛn lɛ fɛfaana, yé maa dan ’bɛnu zuo bin lɛ gwɔun nya.