Jérémi 21:7 - Kazambale lé Sebe Sauunu 1979

⁷ Gakelebale léé: ’Bɛ zuo, Juda nwiinzan blɛn Sédésias koo, a wuozannu koo, munu koo, fla ’ko la munu lé wo so bawurumagyɛ valé gwɔun valé lɔrɔ lee, ’bɛnu koo, maa dan wo pa lɛ Babilɔn nwiinzan blɛn Nébukanɛsaa lee; munu lé é sɔ ’bɛnu lɛ léé, ’wo wolé tɛrɛla nyaa, maa dan wo pa lɛ ’bɛnu lee, yé Nébukanɛsaa é dan wo gyɛ lɛ gwɔun nya, é ’ka dan wo vo lɛ lo; é ’ka dan nyanai zén lɛ wo ta lo; é ’ka dan wo ye lɛ mi nya lo.

Jérémi 21:7 ပူးပေါင်းရင်းမြစ်များ

Ézai 27:11

Dé yilibɛnu ga, woo wo yélié yé lomu é da wo sɔn kyɛ nya. Munu ’ko ’wuo ’ka wo ta lo; amalé mi lé é wo kɛlɛ, a nyanai ’ka zén‐é wo ta lo. Mi lé é wo bɔra, é ’ka zin kɛlɛ lɛ wo lɛ lo.

Ézai 47:6

An bli fli anlé munu ma, Maa anlé tɔnɔfɛ kɛlɛ boafɛ nya, Yé maa wo pa i lee; I nyanai ’ka zén lɛ wo ta lo, I kɔné bɛnzan dɔ gɔné segele nwiin.

Jérémi 13:14

Maa dan wo vɔ lɛ ékema, munu valé ’wo benu, maa dan wo ’wuo zun lɛ ékema. Maa ’ka dan wo do vo lɛ lo, an nyanai ’ka dan zén lɛ wo ta lo, maa ’ka dan wuvɔ lɛ wo ta lo, we do ’ka dan wo kulu gale yi ga lɛ an lee lo. Maa Gakelebale ɛ ke a fena.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 15:5

Jérusalɛm, de ɛ dan nyanai zén lɛ i taa? De ɛ dan wuvɔ lɛ ilé we maa? De ɛ dan go lɛ ilé we nagini lɛɛ?

Jérémi 15:9

Lezan lé a benu ke sɔrafié, alé tɛrɛla lɔrɔ nyaa a ma, Yeeboen lɛ bo, Azé yiri vɔ yiri vɔle ’lɛ, Yara a gyɛ; yaragyɛwe bɔ a ma. Munu lé wo vo ana, maa wo pa ’wo nyanézannu lé gwɔun lee. Maa Gakelebale ɛ fe.

Jérémi 19:7

Fɛkona, maa dan Juda munu valé Jérusalɛm munu lé wepladérenu gi sɛrɛ lɛ tata. Maa dan wo gyɛ lɛ wo nyanézannu lé gwɔun nya, yee valé munu lé é sɔ ’bɛnu lɛ léé, ’wo wo gyɛ, ’bɛnu bɛ nya. Maa dan wo galenu nɔ lɛ lagi mianénu valé tɛrɛlawinu lɛ wolé fɛblele nya.

Jérémi 20:4

Naa, Gakelebale léma: Bé ye, maa dan di kini lɛ i gi, bii valé i béénu faa nya; wo nyanézannu é dan wo gyɛ lɛ gwɔun nya i yuɛ va. Yé maa dan Juda munu faa pa lɛ Babilɔn nwiinzan blɛn lee, yé ’bɛ é dan go lɛ wo nya luu gi Babilɔn yé é dan wo gyɛ lɛ gwɔun nya.

Jérémi 22:25

Maa dan i nɔ lɛ munu lé é sɔ wo lɛ léé, wo ilé tɛrɛla nyaa, wo lɛ; munu lé i ma éé nyɔɔn‐an wo ’lɛ, wo lɛ, Babilɔn nwiinzan blɛn Nébukanɛsaa lɛ, Kaldé munu lɛ.

Jérémi 27:6

Sin, an tɛrɛnu faa ’ko bɛ pa an wuozan Babilɔn nwiinzan blɛn Nébukanɛsaa lee, yé maa bwigiwinu bɛ pa a lee é ziin, léé, wo pla a wuo.

Jérémi 32:4

Juda nwiinzan blɛn Sédésias ’ka dan so lɛ Kaldé munu lee lo, naa, wo dan a pa lɛ Babilɔn nwiinzan blɛn lee; wo dan we fe lɛ a nya wo ke yara, yé wo fiénu é dan wo ke yuɛ wɔlɛ ye lɛ;

Jérémi 34:3

Yé bii, wo dan i kun lɛ, yé wo dan i pa lɛ Babilɔn nwiinzan blɛn lee, i ’ka dan so lɛ a lee lo; ka dan ka ke ye lɛ a nya yé ka dan we fe lɛ ka ke yara a nya, yé é dan go lɛ i nya Babilɔn.

Jérémi 36:29

I Juda nwiinzan blɛn Jojakim mawe fe ’ko zo léma: Gakelebale léma: I sɛbɛ ’ko kyɛ ble, yé i léé, mɛmalé bé gyɛ sɛbɛ la léé, Babilɔn nwiinzan blɛn é dan da lɛ yé é dan tɛrɛ ’ko sɛrɛ lɛ tata, yé a tamunu valé a tawinu ta é dan saan lɛɛ?

Jérémi 37:17

Minwiinzan blɛn Sédésias mi pa zia Jérémi sina bokɔn gi, yé é we laa a lee kyeen gi élé kɔn gi léé: Gakelebale we do fee? Jérémi a zi pa léé: Iin. É léma: Wo dan i pa lɛ Babilɔn munu nwiinzan blɛn lee.

Jérémi 50:17

Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Jérémi Lé Wuvɔ Sɛbɛ 2:20

Gakelebale, ’bé gini, mi lé i ’bɛ zoɛ we kɛlɛ a lɛ, ’bé ye. É a lé lomu wobo kulu blee? Né kiénénu lé wo bli bɔ wo ma, ’wo wo blee? É a lé wo Balebanzannu valé balelayezannu gyɛ za ma Mizan lé fɛna sauun naa?

Jérémi Lé Wuvɔ Sɛbɛ 2:22

I di kinile laa bɛ faa ma léé, ’é zén an gi, bélé fɛti yi la mi zénle zo. Gakelebale bli fli yian nya, mi lé ’bɛ é so a lee, ’bɛzan ’ka lo, yé voéyuɛmazan ’ka lo. Munu lé maa wo pa yé wo tin, An nyanézan wo ble.

Ézékiɛl 23:28

Naa, Mizan Gakelebale léma: Bé ye, munu lé wo za ke i gi, maa i pa wo lee; munu lé i bli si wo lɛ, maa i pa wo lee.

Ézékiɛl 7:9

An yuɛyi ’ka dan dɔ lɛ a ta ilé we ma lo, yé an nyanai ’ka dan zén lɛ i ta monomono lo. Maa dan i kɛlɛwenu kɔné dɔ lɛ i nwiin, yé ilé bozowenu é dan ’na lɛ i ta, yé ka dan a gi dɔɔ lɛ léé, maa lé ke Gakelebale lé éé mi blaan, a nya.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Ézékiɛl 9:10

Maa é ziin, an bli ta é dan dɔ lɛ plɛplɛ, yé an nyanai ’ka dan zén lɛ wo ta pelo. Maa dan wo kɛlɛwenu dɔ lɛ wo nwiin.