Jérémi 21:6 - Kazambale lé Sebe Sauunu 1979

⁶ Maa dan fla ’ko la munu gyɛ lɛ; munu valé winu, wo dan ga lɛ bawurumagyɛ naané nya.

Jérémi 21:6 ပူးပေါင်းရင်းမြစ်များ

Wepélisiananu 6:7

Yé Gakelebale léé: Mɛmalé maa mi kɛlɛ tɛrɛ laa? Mi lé maa kɛlɛ bɛ, maa dan a si lɛ tɛrɛ la tata; yee koo, winu koo, tawoplɛlawinu koo, lagi mianénu koo, maa dan wo faa si lɛ tɛrɛ la tata.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 20:4

Naa, Gakelebale léma: Bé ye, maa dan di kini lɛ i gi, bii valé i béénu faa nya; wo nyanézannu é dan wo gyɛ lɛ gwɔun nya i yuɛ va. Yé maa dan Juda munu faa pa lɛ Babilɔn nwiinzan blɛn lee, yé ’bɛ é dan go lɛ wo nya luu gi Babilɔn yé é dan wo gyɛ lɛ gwɔun nya.

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Jérémi 33:12

Lai sunyanu lé Gakelebale léma: Fɛkona lé ke bwi nya, ’té munu valé winu ’ka ana lo, ’blatabinzannu nyanananu é dan kɛlɛ lɛ ana fla faa la, ’té woo wolé trubɛnu yiaan ana.

Jérémi 34:17

Amalé Gakelebale léma: Ka ’ka an lɛ dɔ lɛ a ma lo, ka ’ka zi nɔ lɛ ka bwenu valé ka bɔluzannu lɛ léé, wo vo wobo ma lo. Amalé maa dan zi nɔ lɛ gwɔun koo, migyɛgyɛ koo, lɔrɔ koo, wo lɛ yé di é dan kini lɛ tɛrɛ blɛnnu faa gi kalé we ma.

Jérémi 36:29

I Juda nwiinzan blɛn Jojakim mawe fe ’ko zo léma: Gakelebale léma: I sɛbɛ ’ko kyɛ ble, yé i léé, mɛmalé bé gyɛ sɛbɛ la léé, Babilɔn nwiinzan blɛn é dan da lɛ yé é dan tɛrɛ ’ko sɛrɛ lɛ tata, yé a tamunu valé a tawinu ta é dan saan lɛɛ?

Jérémi 42:22

Sin, ’ka we ’ko dɔɔ ma: Ka dan ga lɛ, dé gwɔun léé, dé lɔrɔ léé, dé bawurumagyɛ léé, a nya, tɛrɛ lé é sɔ ka lɛ léé, ’wo go nyana lɛ ana bɛ, a ta.

Jérémi 7:20

Amalé Mizan Gakelebale léma: Ka ye, blaminu koo, winu koo, féiyilinu koo, tɛrɛ tɔnɔnu koo, an bli é dan fli lɛ wo valé fɛkona ma, yé an wɛwɛ é dan dɔ lɛ wo ma. Wo kyɛ é dan ble lɛ yé é ’ka dan diri lɛ pelo.

Ézékiɛl 12:16

Naa, maa dan wo va mi kenu vo lɛ yé ’bɛnu é dan so lɛ gwɔun koo, lɔrɔ koo, migyɛgyɛ koo, wo lee, wolé bozowenu faa zuo fele we ma, bɛnnu lé wo dan go lɛ wo méléna, wo lɛ, yé wo dan a gi dɔɔ lɛ léé, maa lé ke Gakelebale nya.

Ézékiɛl 14:13

Blami be, dé tɛrɛ do la munu wenyané kɛlɛ an ma, ’wobo nɔle nya Bale sɔnné sɛrɛle lɛ, dé maa an bɛ kɛlɛ wo ma, dé maa wolé fɛblele ’léé zana a gi, dé maa wo gyɛ lɔrɔ nya, dé maa munu valé winu kulu ga,

Ézékiɛl 14:17

Eɛ, dé an da kɔɔn gwɔun nya fla ’ko la munu ma, dé maa fe kɔɔn léé, gwɔun ’é gié tɛrɛ ’ko la yé é blaminu valé winu kulu ga,

Ézékiɛl 14:19

Eɛ, dé an da migyɛgyɛ nya tɛrɛ ’ko la, dé an wɛwɛ dɔ a ma ga nya, blaminu valé winu kulu gale we ma,

Ézékiɛl 14:21

Amalé we lé Mizan Gakelebale a fe, yee lo: Dé maa anlé welɛdɔ migifɛ ziɛn pa Jérusalɛm lɛ zia, gwɔun koo, lɔrɔ koo, migyɛwinu koo, migyɛgyɛ koo, woo lé, dé maa wo pa zia blaminu valé winu kulu gale we ma,

Ézékiɛl 33:27

Bé fe wo lɛ léma: Mizan Gakelebale léma: Maa a é yuɛma. Munu lé wo ke fla ’wiilenu ta, gwɔun é dan wo gyɛ lɛ. Munu lé wo ke bwi gi, maa dan wo kɛlɛ lɛ bwigiwinu blefɛ nya, yé munu lé wo ke guliyɔɔkɔn valé gɔlɛkoronu gi, wo dan ga lɛ migyɛgyɛ nya.

Ézékiɛl 33:29

Dé maa tɛrɛ ’ko kɛlɛ fɛna tété valé bwi nya, bozowenu faa lé wa kɛlɛ, wolé we ma, wo dan a gi dɔɔ lɛ léé, maa ɛ ke Gakelebale nya.

Ézékiɛl 7:15

Gwɔun a wo ma béera, yé migyɛgyɛ valé lɔrɔ a wo ma fla. Mi lé é ke féi, wo dan a gyɛ lɛ gwɔun nya, yé mi lé ’bɛ ke fla, migyɛgyɛ valé lɔrɔ é dan ’bɛ gyɛ lɛ.

OZÉ (Osée) 4:3

Bɛwemalé ana munu é dan gyɛ bo lɛ; munu faa lé woo nyanaan ana, wo yuɛi é dan zun lɛ, bwigiwinu valé lagi mianénu koo é ziin. Wɛyi va pɔnu boen koo, wo faa é dan san lɛ.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Sofoni 1:3

Blaminu koo, winu koo, lagi mianénu valé wɛyi va pɔnu koo, mi saanfɛnu valé mi nyanénu koo, maa dan wo sɛrɛ lɛ tɛrɛ la. Maa dan blaminu kulu ga lɛ tɛrɛ la. A zo lé Gakelebale a fe.

WENÉNÉ LÉ LUK A GYE (Évangile selon Luc) 21:24

Wo dan wo gyɛ lɛ gwɔun nya, wo dan wo si lɛ luunu nya yé wo go wo nya bɛnnu faa méléna, yé bɛnnu é dan Jérusalɛm zɔn lɛ ’wo gane nya fɔɔ yé bɛnnu lé bléyinu lɛ é sɔɔ.