Jérémi 21:4 - Kazambale lé Sebe Sauunu 1979

⁴ Izraɛl lé Bale, Gakelebale léma: Ka ye, Babilɔn nwiinzan blɛn valé Kaldé munu lé wo ke kalé fla mabɛnna bɛ, gulidanfɛnu lé ke ka lee, ’té ka guli daan wo va a nya flagɔrɔ zi bɛ, ka dan da lɛ wo nya fla é ziin, yé maa dan wo téé lɛ ékeva fla ’ko méléna.

Jérémi 21:4 ပူးပေါင်းရင်းမြစ်များ

Ézai 10:4

Mi kenu é dan vo lɛ é plinle wolé luufla ta; mi kenu é dan dia lɛ é gale. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Ézai 13:4

’Ka tɔné dɔ. Fɛ vun a wena gɔ nwiin bélé mi gu vun wele zo. Bɛntɛrɛnu lamunu valé bɛnnu lé wo zén ékeva, wo vun wele lé. Sunyanu lé wo dan guli dan lɛ, wa ’wolé gulili sina lai sunyanu lé Gakelebale ’lɛ.

Ézai 5:5

We lé maa dan a kɛlɛ lɛ anlé dɔrɔféi lɛ, maa dan a fe lɛ ka lɛ sin. Maa dan a zi gɔrɔ fwi lɛ yé winu a ble; maa dan a zi gɔrɔ zana lɛ yé wa zɔn ’wo gane nya.

Jérémi 20:4

Naa, Gakelebale léma: Bé ye, maa dan di kini lɛ i gi, bii valé i béénu faa nya; wo nyanézannu é dan wo gyɛ lɛ gwɔun nya i yuɛ va. Yé maa dan Juda munu faa pa lɛ Babilɔn nwiinzan blɛn lee, yé ’bɛ é dan go lɛ wo nya luu gi Babilɔn yé é dan wo gyɛ lɛ gwɔun nya.

Jérémi 21:3

Jérémi a zi pa wo lɛ léé: ’Ka fe Sédésias lɛ léma:

Jérémi 32:24

Bé ye, wa tɛrɛ ’bin gyɛna fla ma yé wa bon‐ɛnna a nya; Kaldé munu lé wo nwa fla ’ko ma bɛ, wo dan fla ’ko si lɛ, gwɔun koo, lɔrɔ koo, migyɛgyɛ koo, ’té wo Izraɛl kele é wo bɛ. I wean fe, é bɔ, yé bé ye.

Jérémi 32:3

Juda nwiinzan blɛn Sédésias Jérémi vɔ bokɔn gi a fele nya léé: Mɛmalé i balelawe fe léé: Gakelebale léma: Bé ye, maa fla ’ko pa Babilɔn nwiinzan blɛn lee, yé é dan a si lɛ;

Jérémi 32:5

Babilɔn nwiinzan blɛn é dan go lɛ Sédésias nya Babilɔn, yé é dan vo lɛ ’bɛna fɔɔ yé a sele é dɔ an gi. Maa Gakelebale ɛ ke a fena. Dé ka guli dan Kaldé munu va, é ’ka dan nana lɛ ka lee lo. Mɛmalé i balelawe fe ’bɛ zoo?

Jérémi 33:5

Dé wo bié gulidanle Kaldémunu va we ma, yee kɔnnu é dan fan lɛ munu lé maa dan wo gyɛ lɛ anlé bliflile valé an wɛwɛ nya, wo galenu nya, munuan maa dan an yara yɔɔ lɛ wo ma, wolé wenyanénu lé we ma, woo lé.

Jérémi 35:17

Amalé Gakelebale lai sunyanu lé Bale, Izraɛl munu lé Bale léma: Ka ye, we tɔntɔnnu faa lé maa wo lɛ kini Juda munu koo, Jérusalɛm munu koo, wo lɛ, maa dan wo kɛlɛ lɛ wo lɛ. An wo laa, yé wo ’ka we lɛ lo, azama.

Jérémi 52:18

Kyɛyeezéngifɛnu koo, diadianu koo, sɛnnénu koo, ’yiminikananu koo, kananénu koo, zénéfɛ faa lé wo Gakelebale lé kɔn gi nyanama pa wo nya koo, wo wo si.

Jérémi Lé Wuvɔ Sɛbɛ 2:3

A bliflile baba zi, é Izraɛl munu lé plɛplɛ nyaa; É é bɛyi si wo ’lɛ wo nyanézannu yuɛ va, É kyɛ bi Jakɔb lé munu méléna, Yé kyɛnɛnɛ wo zi fɛnu faa ble.

Jérémi Lé Wuvɔ Sɛbɛ 2:5

Mizan kɛlɛ bélé wo nyanézan zo, É Izraɛl munu ble; é wolé fuakɔnnu faa ble, É wo yɔɔna plɛplɛnu sɛrɛ; É Juda munu kɛlɛ nyanéblezannu valé dunnuzannu saa nya.

Jérémi Lé Wuvɔ Sɛbɛ 2:7

Mizan léabo ’é banna ma, é sɔn vɔ élé fɛna sauun ma; É Siɔn lé fuakɔnnu pa wo nyanézannu lee, Wo siaa Gakelebale lé kɔn gi, yé wo wo dére ’ma baa, Bélé fɛan zo lé wa maan fɛtiyi la, a zo.

Ézékiɛl 39:3

Maa dan i bɛbo lee sa dia lɛ, yé maa dan i bɛyi lee sawɔlɛnu dia lɛ.

OZÉ (Osée) 9:12

Dé wo ’wolé nénu pa, an dan wo si lɛ wo lee wo tinle ’lɛ; dé an si wo zi, ’té we tɔntɔn kɛlɛ wo lɛ.

Zakari 14:2

Maa dan bɛngɔnɔnu faa zén lɛ ékeva, yé wo guli dan Jérusalɛm va. Wo dan fla ’ko si lɛ, wo dan kɔnnu gi puo lɛ, yé wo dan zɔwɛ gyɛ lɛ ana lomu ta. Flamunu lɛ do é dan go lɛ luu gi, naa, wo ’ka dan a pɔnénu gyɛ lɛ lo.

Matio 22:7

Minwiinzan bli fli yé é sunyanu nwunvɔ yé wo migyɛmunu ’konu gyɛ yé wo wolé fla kyɛ ble.