Jérémi 21:14 - Kazambale lé Sebe Sauunu 1979

¹⁴ Maa dan we lɛdɔ lɛ ka gi ka kɛlɛwe yɛrama. Maa dan kalé pɔrɔ kyɛ vɔ lɛ yé é dan a zi fɛnu faa ble lɛ. Maa Gakelebale ɛ ke a fena.

Jérémi 21:14 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:19

Wo Bale lé kɔn kyɛ ble; wo Jérusalɛm gɔrɔ guru zana a gi, wo fuakɔnnu faa kyɛ ble, yé wo fɛwezannu faa sɛrɛ.

Wegɔnévɔlenu 1:31

Wolé tawobɛ ma tɔnɔ é dan kɛlɛ lɛ wolé fɛblele nya, yé wobo lé weplalenu é dan wo kan lɛ;

Wegɔnévɔlenu 12:14

Mi ’léé dére ma lé é dan kan lɛ fɛ zin nya, yé mi do do éé fɛ yé é bɛ panyanama yɛrama.

Ézai 10:12

Naa, dé Mizan élé we kɛlɛle faa lɛ sɔɔ Siɔn gɔ nwiin koo, Jérusalɛm koo, wona faa, maa dan we lɛdɔ lɛ Asirinu nwiinzan blɛn gi, a kɛlɛwenu lé alé boblɛn a nagɔɔn a lɛ, wo ma, ’bɛ valé alé mi naginile é yuɛ zuo nya.

Ézai 10:16

Bɛwemalé Asirinu nwiinzan lé sunyanu lé wo fuu ke wo ta, Mizan lai sunyanuzan é dan wo kwéé lɛ. Wenuan ma lé Asirinu nwiinzan kɛlɛ blɛn, é dan kyɛ sɔn lɛ wo wuo yé alé kyɛ lɛ é dan si lɛ.

Ézai 24:21

’Bɛ bléyi va Gakelebale é dan we lɛdɔ lɛ laworona sunyanu gi la gi, yé é dan we lɛdɔ lɛ tɛrɛla minwiinzannu gi tɛrɛ la.

Ézai 37:24

I wuozannu dére nya lé i Mizan sɔnɔ Yé bii léé: Anlé goro kiɛre nya lé Maa gɔnu gié Yé an bɔ Liban gɔnu nwiin; Alé sɛdrɛyili grɔgrɔnu koo, Alé siprɛyili nɔnɔmi koo, maa dan wo vɔ lɛ, An dan bɔ lɛ a gɔ voélazan nwiin, An dan bɔ lɛ alé pɔrɔ wɔlɛ gi;

Jérémi 11:16

Ɔliviyililaa drɔɔdrɔɔzan lé wa ze vɔa é poro zima ma, bii lé; tɔ lé Gakelebale a pa i ma, yee lé é ke bɛ. Vun blɛɛn plɛplɛ wele nya, kyɛnɛnɛ éé vɔa a ma, ’té a bɛnu kyɛ éé blé.

Jérémi 11:22

Gakelebale lé wo lɛ léma: Ka ye, maa dan we lɛdɔ lɛ wo gi; pɛniɛnu é dan ga lɛ gwɔun lee; wo benu valé wo lunu é dan ga lɛ lɔrɔ lee.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Jérémi 17:27

Naa, dé maa ka béli dɔ léé, ’ka flinyi kɛlɛ yi nyané nya, té ka kɔné do kpen si a yi nya lo, té ka kɔné do kpen wɔra Jérusalɛm flinyi nya lo, naa, dé ka ’ka ka tɔné dɔ lɛ an lɛ lo, ’té maa dan kalé flagɔrɔ ’léé duolinu kyɛ vɔ lɛ, yé é dan Jérusalɛm lé fuakɔnnu kyɛ ble lɛ yé é ’ka dan diri lɛ pelo.

Jérémi 22:1

Gakelebale léma: ’I go Juda munu nwiinzan blɛn lé kɔn gi, yé ’i dére ’ko fe wo lɛ ’bɛna.

Jérémi 22:7

Maa a fɛsɛrɛzannu ma’lɛrɛna, léé, ’wo nwa i ma, ’té gulidanfɛnu a wo faa lee do do. Wo dan ilé sɛdrɛyili zimanu bɔi lɛ, yé wo dan wo vɔ lɛ kyɛ va.

Jérémi 32:19

I we plaan mi lɛ i zua, yé i a plɛplɛ we kɛlɛle gi; i yuɛ a é fuole blami kɛlɛwe yele we ma, léé, i wo faa do do banwo wolé tawobɛ yɛrama, wolé we kɛlɛbɛ yɛrama.

Jérémi 46:23

Gakelebale léma: Wa alé pɔrɔ gi yilinu vɔna, Dɔlé ’té a gi gunu a; Naa, wo ’léé éé giéan gangannu ta, Wo ’ka bɔa wo nɔnɔle lɛ lo.

Jérémi 50:32

Boblɛnzan sɔné é dan san lɛ yé é dan dia lɛ, yé a nwazan ’ka dan kɛlɛ lɛ lo. Maa dan alé flanu valé é zi tɛrɛnu faa kyɛ ble lɛ.

Jérémi 52:13

Gakelebale lé kɔn koo, minwiinzan blɛn lé kɔn koo, Jérusalɛm lé kɔnnu faa koo, é wo kyɛ ble; dé kɔn‐an a we keoo, é wo kyɛ ble.

Jérémi 6:19

Tɛrɛ, ’i tɔné dɔ. Maa dan we tɔntɔn bɔ lɛ munu ’ko ma, wo ’wuogibɔrɔlenu tɔnɔ lé. Naa, wo ’ka ’wo tɔné dɔ lɛ an dérenu lɛ lo, wo nyé yéli anlé bélidɔwe ma.

Jérémi 6:29

Wolé bɔɔnwoli kyɛ éé blé; kyɛ lɛe ble, dé wa gi dan‐oo, ’té ’bɛ a é pla. A bo ’ka sié a ma lo.

Jérémi 9:25

Ka ye, Gakelebale léma: A yi é dan bɔ lɛ, yé munu faa lé wo gane ke é dɔle, ’té wo bli ’ka é sile ’wo kɛlɛwe kyɛnnu lɛ lo, maa dan we lɛdɔ lɛ wo gi.

Jérémi Lé Wuvɔ Sɛbɛ 2:3

A bliflile baba zi, é Izraɛl munu lé plɛplɛ nyaa; É é bɛyi si wo ’lɛ wo nyanézannu yuɛ va, É kyɛ bi Jakɔb lé munu méléna, Yé kyɛnɛnɛ wo zi fɛnu faa ble.

Ézékiɛl 21:3

Bé fe yirinwana bɛyilazia pɔrɔ lɛ léma: ’I tɔné dɔ Gakelebale dére lɛ. Mizan Gakelebale léma: Maa dan i kyɛ vɔ lɛ yé yili drɔɔdrɔɔnu faa valé yili galenu faa, yee kyɛ ’ko é dan wo ble lɛ. Kyɛnɛnɛ blɛn ’ko ’ka dan diri lɛ pelo, yé fɛnu faa lé wo ke tɛrɛ yuɛ la é dan wo ble lɛ, é sia yirinwana bɛyilazia fɔɔ yé é bɔ yirinwana bɛbolazia.

Misé 7:13

Tɛrɛ é dan sɛrɛ lɛ a tamunu koo, wo kɛlɛwenu koo, wolé we ma.

Zakari 11:1

Liban‐oo, ’i zi nɔ munu lɛ Yé kyɛ ’é ilé sɛdrɛyilinu ble ma.